讀直私小學係咪只係口齒伶俐小朋友既專利?

luvluvpeonybaby

直/私小面試，成日好著重小朋友講故事/ 組織故事/ 表逹能力，咁其實，我小朋友 (男仔細B) 呢方面真係差啲，連面試班老師都側重嗰幾個講得好叻既小朋友嚟教，我係咪應該疊埋心水自行/ 大抽獎? 補充返：我仔學術ok，中文底好…

fwstides

基本上小朋友靜，機會低一大半

Marris

好似今年部份神校直私 first in 所考嘅題目：

1)  請講出你手中嘅杯同我手中嘅杯分別
2）旁邊同學仔跌晒啲糖落地下老師唔在場你會點做？
3）聽指令按編號畫不同圖案
4)  描述你手中嘅玩具
5）四個人得三支筆要合作畫一幅圖案你會點做
Etc

其實以上都係唔關學術事，反而是性格，表達能力，待人處事嘅態度如何…小朋友所講嘅答案是否符合學校嘅要求標準才是最重要

terryng1205

超能爸爸 發表於 22-5-29 13:16
回覆 terryng1205 的帖子

其實我都係因應佢個性格，由於佢唔太聰明，但聽教好學和勤力，所以我以下方法：

謝謝分享。(emoji)

piglover

超能爸爸 發表於 22-5-29 16:18
回覆 Sing13 的帖子

我都有搵人幫佢訓練下講嘢對答，但知佢嘅性格，唔想過份迫佢，所以冇讀面試班。

可唔過多兩星期，你有好多call，到時你煩惱 A vs B vs C。

而家有班人hold住幾個offer在手。

超能爸爸

回覆 Sing13 的帖子

我都有搵人幫佢訓練下講嘢對答，但知佢嘅性格，唔想過份迫佢，所以冇讀面試班。
如果真係叩唔到都冇問題嘅，佢學咗嘅嘢將來都有用嘅。

Marris

過來人經驗：其實考小一直私英文唔須要好叻，除非小朋友英文本身係母語，香港初小好多學校都推行母語教學，好多直私小學都須要考核小朋友中文能力的，但中文嘅語言表達，認字能力，住住被很多人忽略，所以中英兼善既小朋友比較容易得到直私offer，如果只偏向強於某一種語言，反而比較吃虧

超能爸爸

回覆 terryng1205 的帖子

其實我都係因應佢個性格，由於佢唔太聰明，但聽教好學和勤力，所以我以下方法：
1. 英文口語
由於Trinity主要係口試，原本我諗住外補1星期1堂當練習下oral，點知到Grade3要答埋past tense，當中已學埋文法，幾好。我1星期會同佢重溫外補課堂所教的1次，約半小時至1小時。而家讀完Grade3，我找了一個online tutor keep住同佢講下英文，keep返1星期1次。

2. 英文認字
佢K1至K2大約學了200個英文字，K3每星期我會同佢溫100個字，一個月400百個字，由上年9月開始每月重複，當初叫佢一定要記得4個英文字母的字，慢慢提升要求，而家佢大概串得到所有字，但當然有啲重末係最熟，每星期用約1小時至1.5小時。

3. 英文閱讀理解
我買了一本閱讀理解練習給他，佢返下午班，1星期找1天的上午叫他做1個練習，好在有一段我WFH，我會同佢一齊讀那文章3-5次，跟住叫佢自己睇題目答，然後同佢對答案解釋一下和教他答題技巧，一星期用約2小時。

4. Phonics
佢學校比較注重Phonics，所以這方面我交畀學校，但1星期也花大約半小時同佢溫習一下。

逢星期日，我會同佢由朝玩到晚，完全放鬆。叩完門，我亦會完全躺平直至小一開學。

畢竟個個小朋友都不同，你可以參考一下啦。

terryng1205

超能爸爸 發表於 22-5-14 00:16
回覆 luvluvpeonybaby 的帖子

以我個仔的經驗答你，肯定係。

發覺你個仔學術好強，600個英文詞彙，Trinity grade 3。
我個女今年升私小一，聖嘉勒，由於疫情，佢剛剛只考Trinity grade 2, 擔心不夠。

請教你怎樣train佢架？

chiubbbb

我小朋友唔係口齒伶俐型，係比較內歛，被動。
但面試老師問佢野，佢會答得有文有路，我上年叩門時見識到個女答野比我更好，我反而仲緊張。我諗學校未必需要小朋友好talkative, 反而係言中有物，同埋要坐得定。
利申：女有直資，私校，津校叩門offer

lflxl

超能爸爸 發表於 22-5-16 09:58
回覆 喇叭茶 的帖子

三私一直報了3間

我覺得你仔仔好大機會。APS鍾意受教嘅小朋友。有朋友仔女唔係口齒伶俐型，係文靜型讀得好開心同適應得好好。

喇叭茶

超能爸爸 發表於 22-5-16 09:58
回覆 喇叭茶 的帖子

三私一直報了3間

我相信你囝囝如果係去APS考6月/7月入學試，應該能順利過關。加油

Zleep

超能爸爸 發表於 22-5-14 23:09
回覆 Mrscatcatfung 的帖子

謝謝大家的意見，我小朋友肯定唔係資優，只係將勤補拙，不過的確係比較聽教。

經驗話我知，聽教，將勤補拙（要係佢出於興趣，唔係只係你單方面迫），呢2點比資優重要。做父母只要適當的引導就夠了，不要過份催谷。

超能爸爸

回覆 喇叭茶 的帖子

三私一直報了3間
其中一私根本沒學術只考講故事，沒有offer
另一私waiting，6月再in
一直上年10月考時，我個仔可能中細B未可以準備好好，沒有offer

Dybala

Dordorbat 發表於 22-5-13 19:41
熱門直資有邊幾間啊？

我小朋友上年報咗TSL, St Margaret同埋將軍澳果幾間, 全軍覆沒, 記憶中有啲直頭in都冇得in; 反而私校又有幾個offer喎
所以覺得直資好似收黎收去都係同類學生, 而好不幸我小朋友唔係佢地想要果type

私校就百貨應百客, 總會搵到幾間最後會比offer你

Dybala

luvluvpeonybaby 發表於 22-5-14 08:26
其實我心底裡面希望直資學校老師見到呢度家長討論，會用多啲角度考量小朋友性格係咪適合，而唔好太一面倒 ...

建議你唔好咁大期望喇! 對佢地黎講行之有效嘅嘢點解要改變? 一直主力收呢類學生而最後成品又好好, 冇必要變
所以只可以講同直資冇緣份

喇叭茶

超能爸爸 發表於 22-5-14 23:09
回覆 Mrscatcatfung 的帖子

謝謝大家的意見，我小朋友肯定唔係資優，只係將勤補拙，不過的確係比較聽教。

超能爸爸，你囝囝嘅學術超晒班，又受教，有冇報三私呀？

haharachel

luvluvpeonybaby 發表於 22-5-13 17:05
回覆 haharachel 的帖子

咁你最後係take咗直資嗎?

係丫，我仔都考到5，6間，不過唔係神校

吹水媽媽

luvluvpeonybaby 發表於 22-5-13 14:17
直/私小面試，成日好著重小朋友講故事/ 組織故事/ 表逹能力，咁其實，我小朋友 (男仔細B) 呢方面真係差啲， ...

以我個仔的經驗，小朋友有全科學術可以outstanding 小小（K3時可以去到小一水平吧），加上大膽表達講嘢，有自信，有禮貌應該可以了。