請問有無初小成績差 高小成績變好嘅例子

yeungyeung_ma

近日見好多高小家長討論緊升中選校，搞到我都愈睇愈緊張…
我小朋友初小，我唔算好催谷，但考試測驗前都會督促下佢，考試嘅日子工都唔返，請假陪佢溫書。

佢唔算太蠢，記性都唔錯，但學習態度唔好，非常唔專注，好大意，又懶散，自理能力較弱，好倚賴人，唔自動自覺，有外補但全級排名係中間偏下游
請問高小成績好嘅小朋友，佢地係咪喺初小嘅時候已經表現好好?



我已經好努力調校緊佢嘅學習態度，但讀書始終要靠佢自己心態，唔知我小朋友有無機會呢一兩年自己開竅…

你地有無啲初小麻麻地，但高小變得自動自覺，成績有進步嘅成功例子可以分享下?謝謝。

加菲貓3

哩類人本身就聰明，只係懶。

Azzurro

圍棋對改善專注力也很有幫助
不像體育運動需要流汗。。
幾個家長（特殊學習需要與否）都同我表達過

hugub

YolandaTam 發表於 22-1-3 21:11
係呀，諗起當年真係一壳眼淚(emoji)尤其當初佢基本上文盲咁滯，由繪本開始伴讀，教佢紀律，執佢字體，真係 ...

所以呢個世界冇懶學生，只有懶家長

YolandaTam

hugub 發表於 22-1-3 16:40
師姐咁啱既，我女小一考尾3，小四又係追上中游考B grade，又係上中學部，但讀唔到8科 ...

係呀，諗起當年真係一壳眼淚(emoji)尤其當初佢基本上文盲咁滯，由繪本開始伴讀，教佢紀律，執佢字體，真係勞心勞力勞氣。

hugub

YolandaTam 發表於 21-12-16 15:40
我女小一考第尾，小三追上中游，升上直屬 Band 1 中學。
中一二係中游，中三中上，而家中六，理科，讀八科 ...

師姐咁啱既，我女小一考尾3，小四又係追上中游考B grade，又係上中學部，但讀唔到8科

Azzurro

如果係 band 3 初中能夠之後大幅反彈，我覺得好勁

但是如果係 band 1 初中，因為本身已經係讀書嘅料
能夠入 band 1中學，本身已經係小五小六前列份子
相對就不太特別了

CMPL

我小朋友小一識別有讀寫困難, 學校可以減中文功課, 多看書用拼字來學中文字.  

小二讀寫明顯有改善, 但有專注力不足, 中文數覺只有6X分, 英文7X分.  

小三自薦做風紀, 有了目標要做好榜樣, 個人定咗專心咗.  

小五成績明顯有進步, 小六已成為風紀隊長學生領袖, 中文有8X分 數學同英文有9X分.  她常用龜兔賽跑隻烏龜形容自己, 唔放棄就可以成功.  所以樓主不要放棄, 小女不是贏在起跑線, 只要堅持也可以跑下去.

Liuvyn

回覆 Cherryroy 的帖子

試下多做運動，乒乓球、羽毛球、籃球、跳繩…運動對改善專注力不足很有用。人專注，成績先會改善。

Cherryroy

回覆 rsx 的帖子

咁叻嘅!要點做

fupigpig

zebrama 發表於 21-12-30 13:17
本帖最後由 zebrama 於 21-12-30 13:19 編輯

其實好多學校，應該係話好多小朋友都係專注力不足，就算評 ...

呢樣我好認同，有冇份報告都好，最清楚係自己觀察到幾多，尤其初小階段，如果認中文字未夠，已經可以炒晒中數常3科，學校師生比例情況下，幫到真係非常有限。
我自己冇理學校份報告（我唔認同佢結果），佢評左專注力不足、讀寫障礙、閱讀能力balabala一大堆問題，事實我小朋友重點當時認中文字未足夠應用，日常全部測考合格、成績中上，所以自己針對每日讀中文，之前私補都係針對教中文閱讀理解技巧。我完全冇用學校嘅調適，簽晒不同意就算⋯⋯

zebrama

Cherryroy 發表於 21-12-27 19:07
回覆 fupigpig 的帖子

學校話專注力不足，要遲啲評估。

其實好多學校，應該係話好多小朋友都係專注力不足，就算評估左係，除非學校係有支援，例如考試時間長啲丶答題上會鬆手啲⋯⋯，否則其實Check嚟都冇用，我覺得好少小朋友係極度專注，所以都係針對性響能力想幫佢建立

3Meowshome

回覆 yeungyeung_ma 的帖子

Del

Dybala

bobbob 發表於 21-12-17 10:50
其實你小朋友都幾typical，除非好生性，好多初小細路都唔會自動自覺。我覺得初小最緊要培養認真嘅學習態度 ...

呢樣係最難, 個女讀一年級, 已經日日做親功課都發脾氣/黑面雖然成績叫做ok, 但只靠我地迫而佢自己完全冇主動性, 長此下去學習動機只會不斷下降

請教吓有咩方法令佢明白主動完成功課係佢責任, 而唔係父母/學校迫佢接受嘅命令?

rsx

我有個新戚個仔小一至三包曬尾，到小四突然開竅！全級頭三到小六畢業！

Cherryroy

回覆 zebrama 的帖子

學完佢好似唔記得哂啲邊方法，好似數學。中文仲衰，唔知寫咩，作都唔識作

Cherryroy

回覆 fupigpig 的帖子

學校話專注力不足，要遲啲評估。

zebrama

Cherryroy 發表於 21-12-24 15:55
回覆 Little_Hazelnut 的帖子

暑假開始左數，有外補英文作文。讀左1年小學，中文程度大退，考得3字頭

咁你同佢溫習嗰陣，有冇發覺佢有乜嘢問題？又或者派返嚟嘅卷，你覺得佢答題技巧問題？理解？定時間上控制唔到？

試吓客觀諗吓，作出策略上嘅調整

fupigpig

Cherryroy 發表於 21-12-24 21:03
回覆 babybabyjoy 的帖子

咁我應該點幫佢1

學校有冇提出過做智力評估？
我2個仔女，兩個都做過智力評估，大嘅去中大做（係心理學博士負責做），成份報告分析得非常詳細，我大嗰個係資優。中大有實體報告就$5xxx（可交俾學校參考用），如果唔需要份實體報告，我記得大概$1700。
到細嗰個又係覺得佢「有d唔同」，咁啱學校提議可以評估，出嚟嘅分析就比中大差好遠，連學校老師都對結果好大懷疑。
所以你可以考慮吓做評估先，同埋考慮去邊度做評估。

Cherryroy

回覆 babybabyjoy 的帖子

咁我應該點幫佢1