高主教VS港同

高0媽媽

男仔活潑好動，坐唔定，
數學非常好，中英閲讀能力差唔多，唔鐘意寫中文。
住簿扶林。點揀？港同似呼太遠⋯⋯

Charlotte_mom

bobbob 發表於 21-12-1 10:35
不如咁睇，如果中學鍾情港同書院就揀港同，想讀返傳統中學就揀rc，始終校網靚學校又重學術，出去考學校會有 ...

Delete

landie

首選港同，港同一條龍少左升中壓力已經是優勢，更何況距嘅中學唔錯；而最重要一點係合適，據你所講小朋友坐唔定，但係必要時可以認真，從小朋友個性上講，距比較需要唔同嘅活動，新奇，創新，自主，變化，我霖距會更加開心😃

john.wong

我會選RC, 辦學年資長D, 有一定名氣

bobbob

高0媽媽 發表於 21-11-30 09:36
男仔活潑好動，坐唔定，
數學非常好，中英閲讀能力差唔多，唔鐘意寫中文。
住簿扶林。點揀？港同似呼太遠⋯ ...

不如咁睇，如果中學鍾情港同書院就揀港同，想讀返傳統中學就揀rc，始終校網靚學校又重學術，出去考學校會有多啲edge

PTL_L

Hkccpt 發表於 21-12-1 08:31
想請問高主教小學一級有幾多人呀?網頁唔覺有寫

每級人數不盡相同，如前所言，愈高年班愈少學生，每5年一轉有一級約200人，其餘每級約160人（如收齊學生）不過基本上是小一時收齊，其餘年級都不會齊人。

Hkccpt

PTL_L 發表於 21-11-30 22:21
1.灣仔有8間band 1中學（見中學概覽）有錯請指正。

2.唔太明問題

想請問高主教小學一級有幾多人呀?網頁唔覺有寫

PTL_L

高0媽媽 發表於 21-11-30 22:52
謝謝你分析，似乎一上小學，就要留意中學資料。

有部分人係會為中學而揀小學，有時可能望遠多少少，升小唔只睇升小，升中又唔只睇升中。

高0媽媽

PTL_L 發表於 21-11-30 22:21
1.灣仔有8間band 1中學（見中學概覽）有錯請指正。

2.唔太明問題

謝謝你分析，似乎一上小學，就要留意中學資料。

PTL_L

高0媽媽 發表於 21-11-30 21:49
本帖最後由 高0媽媽 於 21-11-30 21:57 編輯

咁，如果港同小學成績中上或中下都係最終一條路直上港同中 ...

1.灣仔有8間band 1中學（見中學概覽）有錯請指正。

2.唔太明問題

3.學校網頁每年公布有80人左右上Rc,其餘分布，基本上靠家長間傳來傳去，非正式（大部分有直中都係咁處理，因唔想為他人作嫁衣裳）但我哋知大約級30內出走能力極高。

傳統唔係人人啱，亦唔係人人接受到，但傳統並不等於無謂谷，無意義深，因人而異啦，不過小學階段幾開心愉快學習都好，殊途同歸，終點都係一個，考公開試。

placesday

港同嘅話就多數直上港同中學
高主教如果成績好，可以升返灣仔區傳統名校
睇你自己buy唔buy傳統名校
始終兩間教學方式完全唔同

高0媽媽

placesday 發表於 21-11-30 16:33
高主教就傳統啲 但如果成績中上
基本上升中可以去到好好嘅中學
你睇灣仔校網就知

咁，如果港同小學成績中上或中下都係最終一條路直上港同中，查實有冇中途轉校？（因追求更好或讀唔掂）我見好多學校都有少量人升上港同中學。

灣仔網有幾多間Band1 中學？
係其它官丶津校成績中上一樣可以去到好好中學？
高小學校好似無公佈升中分佈？

高0媽媽

myhappylife 發表於 21-11-30 15:10
係咪兩間一樣咁難入?

佢係呢一分鐘扎扎跳，喺沙發上跳上跳落。依哇鬼叫，但下一分鐘開始Zoom interview ，佢又可以回到神，可以坐定定好専註地答老師問題⋯⋯真係估佢唔到。
呢兩間都有共同點，就係其中一part係Zoom in，之前我好抗拒Zoom interview ，結果反而有驚喜

cxyu841216

港同小一，小二沒有考試，但每科都有評估，尤其中文同數學每個單元完結都有單元評估測試，可以話係小測。同埋教得都算快，所以對學生學習進度，認真聽課都有要求。

placesday

高主教就傳統啲 但如果成績中上
基本上升中可以去到好好嘅中學
你睇灣仔校網就知
呢點的確係好吸引

Poyau

myhappylife 發表於 21-11-30 15:10
係咪兩間一樣咁難入?

兩間都難入

myhappylife

係咪兩間一樣咁難入?

Raccch

回覆 高0媽媽 的帖子

以前阿女讀幼稚園我都會覺得佢係適合活動教學，但其實小朋友可塑性好強，平時習慣自由的小朋友去到較注重紀律的學校也可以幫助佢哋成長，最終大部分小朋友都可以適應到自己讀的學校。反而係家長要諗下自己想小朋友讀乜類型的學校？想小朋友點樣成長呢？多從前輩家長度了解下學校，以免錯配。如果係我會揀港同，真正一條龍升中，中學成績佳，學費不高，學校男女比較應該較高小均衡。而且聽講港同初小冇考試，讀得好開心。

PTL_L

高0媽媽 發表於 21-11-30 11:43
K2時老師認為活動性教學啱佢，
k3時老師認為傳統更啱佢，因為佢需要人管，(emoji)‍♀️
...

唔想講到某一類學校幾好，傳統有傳統好，亦有唔好，之前都分享唔少rcps既情況，不如講下要留意既地方。

rcps是傳統私小，人多一班就一定，因為自負盈虧，間間私小都係咁，如聖私、坑真等，但愈高年班學人數會愈小，大約30-35人左右，因為呢班成班寶貝仔女，老師學校責任都大，所以要守規矩就一定㗎喇，以免受傷。


小一雙班主任，近年大家會講好多學校轉老師，起高小唔多覺，小一班主任教了多年，係真係多年，經驗豐富，對住班豬仔。果啲咩steam 呀、活動教學呢，唔係冇，會放起測考後活動。功課不多，唔會過分抄寫，可以話冇，英唔駛，常唔駛，中文詞語囉，寫幾個咁，我諗點都要抄寫下。

放暑假零學術上功課，但會有閱讀報告、類似規劃自己既報告等。

PTL_L

Poyau 發表於 21-11-30 12:45
車程可能差不多
高主教在山上塞車

唔會太塞，因為隔離已搬走，基本上返港島東大約15-20分鐘左右，過海九東、九西，45分鐘內