讀local 出身的父母，如何幫助讀國際學校的小朋友

Nanacats

本人一直係讀local 長大，身邊朋友都係
因為工作關係，小朋友小一去咗國際學校讀書（grade 2 = p1)

上咗一個學期，學校冇書，每日都冇咩功課，冇教文法，冇dictation , 冇test , 但每星期都要作一至2篇英文，冇字數限制


我小朋友都係8-9成我協助下完成。老師都唔會改。

我好怕佢會唔會讀完個小學都好似冇學過野，同唔識寫同串字

究竟作為家長，可以點支持讀國際學校的小朋友

mfma

好認同以上其他家長嘅講法！
Local School嗰種做練習嘅方法真係浪費時間～
其實讀國際學校最大嘅好處，就係唔使做埋曬啲浪費時間嘅練習，同埋不停做打擊自信嘅改正XD …有大量時間不停閱讀…老師又唔會計較小朋友寫得好唔好，有冇串錯字..自信心提高，不停睇書，寫作自然就好…
根本無需要擔心…
另外好同意以上家長講伴讀呢一樣嘢，因為真係好有用，要由細個開始….
我哋有用Epic reading 呢個Apps（好多學校都用）…我小朋友每日都會睇，好多時候會睇Audio books(我覺得等同於伴讀嘅效果⋯⋯最啱冇時間同小朋友伴讀嘅家長）…另外因為我唔想佢哋成日望住部iPad，我會駁落去電視機比佢哋睇….同埋有陣時叫佢哋淨係聽Audio story…
總之我覺得完全唔需要擔心，學識放手…慢慢就會睇到成果⋯⋯

993rs

Radiomama 發表於 22-2-12 12:16
其實呢個帖提出的問題，最終的答案是-唔駛擔心。
孩子進入國際學校，英文語言的適應和進步，好快就解決。家 ...

其實口音就好似飲紅酒咁有趣，唔同既口音就尤如唔同地區既土壤，通過口音大約了解多左個人既唔同背景文化。英、美、加、澳的大混合就好似 bordeaux blend 咁。個人來講，甚至南美、東/西歐、東/南亞、日/韓，都各有風味。所以我從來唔要求小朋友追求特定地區口音。純搭訕+個人分享。




回覆樓主，功課、英文於初小應該係 least concerned。就算英美加澳既移民家庭，唔少屋企全廣東話，第二代照樣英文流利。宜家先初小，俾啲時間浸下好快會適應。

反而襯小朋友未接觸電子產品前，培養閱讀興趣。而個人唯一硬性要小朋友學既係 phonics。小朋友睇圖唔睇字，不外乎 vocab 唔夠、或者故事唔夠吸引。

phonics 係好重要既鎖匙。另外當年我差唔多隔晚會讀 30 min bed time stories俾小朋友，你可以一面讀、一面手指住啲字。當年坊間成皮嘢一套嗰啲閱讀套裝都係咁上下功能。我自問聲調語氣生動過呢啲套裝好多，同埋會即時全英討論故事情節（好casual，如呢個小朋友咁做真係好搞笑，你覺得呢？）。對小朋友既 comprehension、 expression 都有啲幫助。

aidan08

melobi12 發表於 21-10-28 16:00
我覺得習慣local school一套嘅家長對讀IS小朋友嘅最大幫助係放手。

放手俾佢跟學校進度，唔使催谷佢。日常 ...

非常認同！

Radiomama

其實呢個帖提出的問題，最終的答案是-唔駛擔心。
孩子進入國際學校，英文語言的適應和進步，好快就解決。家長按照自己的情況，如常生活溝通就可以。
我仔日常講廣東話冇怪口音，不過如果要佢用廣東話「讀」中文就出現怪音，同不停er…er聲。至於英文，國際學校嘅孩子的英語，有人研究是國際學校口音，英、美、加、澳的大混合，因為他們接觸的老師來自五湖四海，又的確像炒雜菜一樣。
不過，讀國際學校，不只是語言問題，而是課程、社交生活、全人發展各方面的問題，家長可選擇讓孩子自由發揮，慢慢成長。

mandy_ng207

Nanacats 發表於 22-2-12 05:52
我過咗新加坡，出面人都係講英文同普通話

但我係屋企除咗伴讀，基本上講廣東話，因為我唔想小朋友唔講， ...

我屋企人英文都係有限公司（爸爸、爺爺、嫲嫲全部講廣東話），個仔三歲起讀全英幼稚園，5歲開始入有普通話嘅國際學校（每日一小時），而家7歲半。
佢幼稚園期間講好少廣東話，英文成為咗佢嘅母語。但6歲開始，佢廣東話突飛猛進（因為疫情留家，睇左好多廣東話卡通），而家已經可以同同齡小朋友用廣東話流利溝通。佢嘅普通話相對就比較差，但都應付到學校需要。
如果你屋企keep住講廣東話，就算佢而家學唔到，將來都有機會進步返。至於普通話，如果屋企唔講，的確好難要求佢哋講得好流利，可能要請人補習。

Nanacats

MeiniC 發表於 22-2-8 23:34
Hello Nanacats! 你好我叫Meini! 看了你的post好明白你的Concerned.有事想請教下你呀，我自己就是讀本地學 ...

我過咗新加坡，出面人都係講英文同普通話

但我係屋企除咗伴讀，基本上講廣東話，因為我唔想小朋友唔講，尤其佢哋爹d 英文係有限公司。

妹妹上咗半年幼稚園，佢如果講英文，真係全句上仲要啱grammar，我都好驚訝。阿仔就未必成句上，但都其實溝通到。

反而因為我係屋企人講廣東話，佢哋就唔多願講普通話。

我仔有時做做下功課會訓咗，我問佢點解時，佢話如果坐得耐唔郁就會，我之後問佢咁佢係學校係咪會上堂訓覺，佢話番學唔會，因為唔會長時間坐喺度， 我估讀國際學校真係比較啱佢。

MeiniC

barque 發表於 22-2-9 10:34
我覺得在家中全中文是個好好的做法，這樣孩子長大後中英都流利。甚至之後可以有可能達到修讀IB 中文A的程 ...

是的，也可以是很正面的影響！

MeiniC

是的，也可以是很正面的影響！

barque

MeiniC 發表於 22-2-8 23:34
Hello Nanacats! 你好我叫Meini! 看了你的post好明白你的Concerned.有事想請教下你呀，我自己就是讀本地學 ...

我覺得在家中全中文是個好好的做法，這樣孩子長大後中英都流利。甚至之後可以有可能達到修讀IB 中文A的程度。

MeiniC

cherry1126 發表於 22-2-9 00:37
學校老師都係鼓勵多閱讀

Good~

cherry1126

MeiniC 發表於 22-2-9 00:32
Hi Cherry, 聽到你咁講我就放心啦，多謝你的分享呀！(emoji)(emoji)因為一直煩惱這個問題！咁我就可以放心 ...

學校老師都係鼓勵多閱讀

MeiniC

v369234 發表於 22-2-9 00:13
題外話，要幫助孩子英文水平，Disney+ 應該有好大幫助，大量動畫，英文對白加英文字幕，家長可以用手機聽粤 ...

Good idea, let me try try sin (emoji)

MeiniC

cherry1126 發表於 22-2-9 00:20
我小朋友在校與老師及同學間以英語溝通。回家後與我們以廣東話溝通，并沒有什麼問題。有時我還會當他是我 ...

Hi Cherry, 聽到你咁講我就放心啦，多謝你的分享呀！(emoji)(emoji)因為一直煩惱這個問題！咁我就可以放心廣東話溝通，好過講啲可能錯Grammer 嘅英文(emoji)
Ofcoz 我都會繼續同佢睇多啲英文書啦！

cherry1126

MeiniC 發表於 22-2-8 23:34
Hello Nanacats! 你好我叫Meini! 看了你的post好明白你的Concerned.有事想請教下你呀，我自己就是讀本地學 ...

我小朋友在校與老師及同學間以英語溝通。回家後與我們以廣東話溝通，并沒有什麼問題。有時我還會當他是我的英語老師，跟他練習英語會話。

v369234

題外話，要幫助孩子英文水平，Disney+ 應該有好大幫助，大量動畫，英文對白加英文字幕，家長可以用手機聽粤語(部份有配音), 如需要。孩子英語能力會迅速提升。

MeiniC

Nanacats 發表於 21-10-30 22:32
我意思係因為大多數讀國際學校，可能本身英文都算母語，所以直接講咩就寫咩已經好自然。但如果母語係第二 ...

Hello Nanacats! 你好我叫Meini! 看了你的post好明白你的Concerned.有事想請教下你呀，我自己就是讀本地學校兼且英文係有限公司，但諗緊俾小朋友讀國際學校，因為我比唔到英文語境，請問小朋友每天返學其實他 們的英文能適應到嗎？你們在家都是用廣東話溝通的嗎？
期待你的回覆，謝謝！(emoji)

钧熹

回覆 964000 的帖子

總結到位！👍🏻

964000

我手寫我口只係方便初初易上手，想寫得好始終要經過認真地學習literacy skills，因為口語English 始終和written English唔同，local school一般只教written English.
即係你識講中文初初造句寫文當然比人地逐個字學的易上手，但學上去總不能繼續寫到口語咁。

ycycwing

Nanacats 發表於 21-10-30 22:32
我意思係因為大多數讀國際學校，可能本身英文都算母語，所以直接講咩就寫咩已經好自然。但如果母語係第二 ...

語言係要時間build up. Using one as a first language does not mean he/she can write without problem. 以中文為例，識幾百個詞彙就可以作日常溝通。但係要寫出文章，可能要幾千個以上。學習語言係long run, 再配以唔同方式。同大人唔同，小朋友對語言吸收能力係好高，其實你小朋友都只係初小階段，再加上長期處於英語環境，真係唔需要擔心佢跟唔到。
雖然例子有啲極端，但係有朋友英文本身平平，大學時期搵到個鬼仔男朋友，基本上只能用英文溝通，到同年暑假，佢啲英文已經好native 😂