遇着啲教唔到書既老師，你地會點？

kyu0203

老師上堂求其教，上堂冇時間比你問，落堂後老師講明唔會解答同學問題，比啲未教過既功課你返屋企自己做，而家小朋友靠哂補習社，老師跟本就好似預左你地自己去補習咁。。唔知學校知唔知呢個問題，但已經有其他讀緊既家長提醒要自己睇住進度。

上一年遇到好好既老師，今年就，所以遇到好老師真係一種福份。

SummerTrees

回覆 Zleep 的帖子

引導小朋友形成“inquiry based learning” 的自學習慣，這樣三五年後才有放手之日，否則暗無天日。
一直靠補習班靠父母很難形成好習慣。

王家爸爸

Zleep 發表於 21-11-8 22:54
上面講唔主動變主動係家長FF ，我都同意。
至於你再講的兩點，第一，唔主動同資質問題應該點區分？ 有冇實 ...

第二點，自從好多年前從五個BANDS改做三個，錯配既問題嚴重咗。其實揀學校時，家長一定要真正了解自己小朋友既性格同能力。

王家爸爸

Zleep 發表於 21-11-8 22:54
上面講唔主動變主動係家長FF ，我都同意。
至於你再講的兩點，第一，唔主動同資質問題應該點區分？ 有冇實 ...

第一點既問題，其實相當常見。有啲家長話自己小朋友唔主動，所以成績差。但係現實可能真係咁，亦可能係小朋友既能力問題，大部分家長未必識分。最常見既現象係，家長慶幸小朋友「幸運地」入到間勁啲既學校，可惜入讀之後發現小朋友根本跟唔到。

Zleep

王家爸爸 發表於 21-11-8 19:08
有兩點需要考慮，第一，一般家長分唔出小朋友係唔主動，定係資質問題；第二，現實係學術性強既名校，唔一定 ...

上面講唔主動變主動係家長FF ，我都同意。
至於你再講的兩點，第一，唔主動同資質問題應該點區分？ 有冇實際生活例子？

第二，學術好的學校有分小圈子 (非貶義果隻），我唸如果小朋友可以考得入名校，應該點都有科目係強處，要打入某某小圈子照計唔會有問題掛，我擔心的是小六去中學的學科，4科變10科，就算佢數理強，但一下子要適應新生態，做父母仲係應該要做跟得夫人 ？怕一放手個落差嚇死人




因為佢又不是很主動學習果隻（至少而家係），佢只會集中睇中文書，英文就完全冇興趣。
講到底，我都係唔識分資質問題定主動問題，望賜教。

bbc2018

200904 發表於 21-11-8 11:00
暫時沒聽到我女投訴話老師不教課。只是常常聽到被連坐。一般都是因爲男仔在課堂嘈雜，或者不帶功課，被老師 ...

聽阿囡講小學好精彩，外藉老師罰學生都好重手。

中學另一個世界

王家爸爸

Zleep 發表於 21-11-7 22:08
謝謝解答，我同意揀學校時要睇學校style 岩唔岩個學生，唔主動的學生真係好蝕底，但如果入到學術性強的中學 ...

有兩點需要考慮，第一，一般家長分唔出小朋友係唔主動，定係資質問題；第二，現實係學術性強既名校，唔一定學術氛圍適合你小朋友。例如英文超級好嗰啲，會圍爐，一齊參加mock trial、parliamentary debate、寫作比賽等。數學、音樂、運動、理化生史地好既亦分別有自己既小圈子。如果你無樣精，入到都係俾排除在外既小眾。

王家爸爸

Zleep 發表於 21-11-7 22:08
謝謝解答，我同意揀學校時要睇學校style 岩唔岩個學生，唔主動的學生真係好蝕底，但如果入到學術性強的中學 ...

如果入到學術性強的中學，係適合既氛圍之下，會慢慢激發到唔主動既學生既求知慾，呢個只係家長一心情願既FF。

b3410

200904 發表於 21-11-8 11:00
暫時沒聽到我女投訴話老師不教課。只是常常聽到被連坐。一般都是因爲男仔在課堂嘈雜，或者不帶功課，被老師 ...

你哋可能小學同學好乖，未見過
我哋可以小學就算讀女校都被連坐

200904

暫時沒聽到我女投訴話老師不教課。只是常常聽到被連坐。一般都是因爲男仔在課堂嘈雜，或者不帶功課，被老師一起罰留堂。或者被老師閙足半堂之後，爲了趕進度，又留堂教書。又或者被集體罰企。

這是小學從來都沒有的新體驗。

b3410

Zleep 發表於 21-11-7 22:11
小學得中英數，基本上上堂有聽書已經夠做，同埋小學有定時評估同小測，唔應該會有唔明的問題。怕就怕小六轉 ...

過渡係自自然然慢慢完成嘅，課程設計是根據小朋友不同成長階段。高小升中階段，小朋友成長飛速，適應能力又強，我又唔覺得需要擔心。
不過，雖然小學課程簡單，不過，中英數常幾科，通常點都會有d唔係好清楚掌握的部分，由細個開始培養深入思考，拓展，再自己去搵答案，將來才可以有好的自學能力。可能需要練習如何提問題，最好可以問到自己，老師都唔識答，再去搵答案

Zleep

b3410 發表於 21-11-7 12:47
一直教佢哋學習如果有唔明，可以自己搵答案，問老師，問同學，如果最後都係唔明，就話我知，再諗辦法。
小 ...

小學得中英數，基本上上堂有聽書已經夠做，同埋小學有定時評估同小測，唔應該會有唔明的問題。怕就怕小六轉上中一時，一時間多左n 咁多科，唔知佢點multi－tasking。

自問如果到中一，真係唔想再做跟得夫人。

Zleep

王家爸爸 發表於 21-11-7 20:48
如果小朋友講唔到俾你聽，咁好大機會佢真係唔識。家長可以做既就係自己慢慢教。呢個就係點解我成日叫啲家長 ...

謝謝解答，我同意揀學校時要睇學校style 岩唔岩個學生，唔主動的學生真係好蝕底，但如果入到學術性強的中學，我唸氛圍情況下，會慢慢激發到佢地的求知慾，家長就同時升中後就要識慢慢放手，但暫時未唸到點樣過渡呢個時期。
利申： 小兒未讀中學，哈哈，不過見到個topic 幾貼地，所以想偷下師，但最近奧數時就有呢個情況發生，上完堂，問番佢，佢係唔識講番俾我知點解題。

王家爸爸

Zleep 發表於 21-11-7 00:48
咁如果佢講唔到你明呢，又或者佢真係解釋唔到，or 真係唔識呢？咁家長可以點？
咪end up 即係要自己教，但 ...

如果小朋友講唔到俾你聽，咁好大機會佢真係唔識。家長可以做既就係自己慢慢教。呢個就係點解我成日叫啲家長，揀學校先要了解自己小朋友既性格。如果小朋友唔主動，都係揀間程度啱或者稍為低啲既。當然如果家長有能力，又有時間教，而小朋友有主動學習，進取啲又無太大問題。

洋蔥頭媽咪

Zleep 發表於 21-11-7 00:48
咁如果佢講唔到你明呢，又或者佢真係解釋唔到，or 真係唔識呢？咁家長可以點？
咪end up 即係要自己教，但 ...

我明你問題，但中學生必須學懂自學自救， 有冇試過唔識嘅功課主動去問同學？問師兄/師姐？再唔明先問老師/家長？甚至上網自己揾答案？

我仔數學強，真係有同學功課唔識會 whatapp 問佢，我仔中一都試過問我，甚至問爸爸同朋友， 慢慢所有嘢佢都可以自己搞掂。 中學生需要學下自己搵答案，唔好一唔明就倚賴人問人攞答案，要慢慢揾出啱自己嘅讀書方法，如果真係能力唔夠搞唔掂，唯有搵補習老師幫佢。

b3410

Zleep 發表於 21-11-7 00:48
咁如果佢講唔到你明呢，又或者佢真係解釋唔到，or 真係唔識呢？咁家長可以點？
咪end up 即係要自己教，但 ...

一直教佢哋學習如果有唔明，可以自己搵答案，問老師，問同學，如果最後都係唔明，就話我知，再諗辦法。
小學階段還會問我，升中之後都係自己解決

Zleep

王家爸爸 發表於 21-10-13 18:42
你只需要叫佢解釋俾你聽，初中野，佢識自然解釋得你明。

咁如果佢講唔到你明呢，又或者佢真係解釋唔到，or 真係唔識呢？咁家長可以點？
咪end up 即係要自己教，但教得幾多呢？唔係個個都高學歷＋咁多時間教

lam_yau

我細囡間學校，由中一讀到中三，從未聽過佢遇到很教既老師，大部都唔係教，上堂全堂用黎講自己野，講自己童年，一D課文都無講，就黎 form test, 但D範圍大部份無教，又無 notes, 又無功課同作業，佢擔心緊点溫。
以前覺得大囡間中學無咁好，對比下細囡，原來家姐個間好好。

洋蔥頭媽咪

kyu0203 發表於 21-10-11 07:53
老師上堂求其教，上堂冇時間比你問，落堂後老師講明唔會解答同學問題，比啲未教過既功課你返屋企自己做，而 ...

其實身邊總會有呢啲老師，只能睇彩數，上到中學係唔可以全靠老師㗎，學生必須要學懂自學，上課前先備課， 唔明主動去問/主動尋找答案。

我仔高中課程緊迫，老師都係飛書嚟教，如果你唔學識預習，唔識備課，真係隨時跟唔上。