舊年考小學，簡直係遇到前所未有嘅困難，分享D資訊比你地

yukili1111

容許我用一句話去講 “我簡直要用身心疲累去形容呢整整接近兩年過程”不過黃天不負有心人終於都如願！祝願你地來年成成功入讀！
年級小小就要訓練佢成為youtuber一樣，不斷NG NG NG...拍到我同佢都

有幾樣野要提下K2 K3迷茫中的你們，單純分享

自己知道自己需要working 能力有限，為佢報讀左好多證書課程同面試班！
證書課程分別報了：Cambridge、KPCC和朗誦、故事比賽（全部都能獲得佳績，母親感動落淚）

接下來我分享下我中伏嘅地方：
起初係一間好小型嘅中心學Cambridge，第一感覺每個星期都唔同老師都算了，果幾個老師嘅發音同我屋企嘅姐姐發音差不多擁有印尼嘅味道，我就知道自己死得，所以即刻就搵左個補習姐姐，經過4個月左右嘅努力，如願考到心儀的成績

然後，面試班無論係九龍塘多人爭到嘔果間面試班NiXX sXX，小博X，還是後來轉左蚊型中心荃灣日X坊，老師每堂一句說話可以總結嘅就係“我嘅小朋友有咩唔得有咩唔得......” 我當然知道佢唔得先出黎外補啦，比老師鬧到懷疑人生後，我係最後階段決定請左一個私人老師教授面試和英文，私人老師真係幫左我好多，除咗可以針對性教佢弱嘅地方，仲好關心小朋友的言行舉止，果下我就覺得自己離開外面嘅面試班係一個非常正確的決定，迷茫下的我真係好感動，令到我係考小不再孤單

雖然中後段就已經獲得心儀offer，但係到最後都想叩門津小嘅門，我真係不敢想象，原來我叩左亦叩到甘多間，感謝主。

所以坊間機構林林總總，搵一間好嘅好難，只在乎利益，不在乎小朋友的發展實在太多，奉勸能力唔高嘅小朋友出去外補真係三思，畢竟都一對幾，一對一老師嘅成效真係非常大。

最後，我就已經完成任務了，你們加油！

ykwhu

tummypooh 發表於 21-9-30 13:08
回覆 ykwhu 的帖子

因為名校，好快可以話俾人知小朋友同自己有幾勁天賦，唔知幾時先可以威威︳或者跟本就 ...

agree你的觀點，我相信有好多家長都係理性的。
但是這個大環境，尤其係好多媽咪，好容易陷入去，見身邊其他媽咪都帶住小朋友學個樣，谷那樣，於是乎佢都好緊張，似羊群效應，無形之中都會join入去，驚自己小朋友都蝕底。這些事情都在我身邊一路發生經歷，停一停，思考下。究竟邊d適合小朋友在現時階段學。我認為小朋友學習道理品德更加重要。而不是太過可以追求知識。

我曾經好有趣的類比，小朋友的大腦猶如手機中一粒比較初階的soc(CPU)，你要一個小朋友去run好多野甚至乎好難的知識，吃不消分分鐘燒壞粒U，導致後期不能夠升級去到旗艦soc.

mcl203

三隻馬 發表於 21-9-29 22:27
入到一條龍，咪又係為左唔想自己個小朋友做中游/底嗰層而繼續谷

眼見谷開嗰d，升到上去一條龍都係繼續要 ...

以前，同一位好友兼又係同校同級嘅談話，班主任一直表示唔同意學生課後去補習。位好友帶怒火即時反駁，我小朋友成績差咗，係咪佢負責先。其實，果段說話只係我哋同老師閒談，無針對性對任何人嘅。所以，家長看法邊有得傾～～～

daijuju

Jean1769 發表於 21-9-30 13:37
本帖最後由 Jean1769 於 21-9-30 13:39 編輯

我認識的人：

agree
個個小朋友不同，安排適合便可

Jean1769

tummypooh 發表於 21-9-30 13:08
回覆 ykwhu 的帖子

因為名校，好快可以話俾人知小朋友同自己有幾勁天賦，唔知幾時先可以威威︳或者跟本就 ...

我認識的人：
好谷入到名校
唔谷入到名校
好谷入唔到名校
唔谷入唔到名校


有d細路，學術好、音樂好、運動好
又有d細路，乜都唔算標青/或者得其中一方面得。

自己覺得點做對自己細路好，當然自己話事，每人天份、背景、要求不同

tummypooh

回覆 ykwhu 的帖子

因為名校，好快可以話俾人知小朋友同自己有幾勁天賦，唔知幾時先可以威威︳或者跟本就冇天賦，又或者覺得天賦係有就點都會有，唔會因為做左冇啲嘢冇左或有左

我只係想小朋友有個正常的小朋友童年，唔係唔讀書，但想盡量平衡下。童年好快就冇架喇....
遲啲你想佢叫你陪佢玩，帶佢去邊邊邊，都未必有機會~~~我唔想第日佢回憶中就只有父母帶佢去邊邊邊上堂，溫書考試

三隻馬

Jean1769 發表於 21-9-26 00:42
你理解錯，我意思係只係考小前谷，成功入到心儀一條龍就可以享受學習同課外活動。
...

入到一條龍，咪又係為左唔想自己個小朋友做中游/底嗰層而繼續谷

眼見谷開嗰d，升到上去一條龍都係繼續要小朋友補呢樣 學嗰樣

Raccch

回想起自己大女幼稚園的三年，都好類似樓主的小朋友，各種cert同課程。佢係細B，人學佢又去學，總係學得比其他人慢，好似用處不大。不過阿女讀完各種課程後有咗打底，去到小一小二覺得學校內容比較簡單，自信心反而增強了，學術方面又冇問題，都不失為一件好事。
而家又輪到細女讀幼稚園，我都係會選擇繼續幫佢打好個底再升小學。

ykwhu

認同po主對小朋友的教育非常負責任。不過非常不認同你給小朋友甘多學習，當然我沒有權力說其他，畢竟這些見仁見智，相信其他家長都好buy你這套方式。事實上，你無形之中在販賣焦慮給一些後面的家長。更加害怕小朋友入吾到好的小學。
真的不知道你小朋友是否喜歡？因爲我屋苑有個女家長比你更加恐怖，每一日幫小朋友安排滿滿的學習行程。學到個小朋友‘傻下傻下’，導致身體運動各方面都不是很靈敏。

有沒有用？答案係沒有用！因爲小朋友每一日獲取的知識都是被動的！因此肯定地，會失去小朋友自身的創造思維，原生探索意識。這個年紀更加需要一個自由自在的空間環境，以小朋友爲本自身去探索。
不是叫小朋友去回答問題，更加鼓勵小朋友去發現問題，提出問題！

學習是一個漫長的過程，你擔心你小朋友上吾到大學嗎？答案係香港的大學學位，非常飽和。
我知道好多家長都好希望自己的仔女讀到心儀的學校，和追求名校。但是兒時的教育，太谷，反而會扼殺了小朋友好多潛在的天賦。

hkpapa852

mcl203 發表於 21-9-29 10:53
果D係‘父母興趣’班吧～～～

不少父母認為，佢地既興趣就係小朋友既興趣嘛！

PTL_L

beetle910 發表於 21-9-29 10:46
好認同....家長目標同定位清晰好重要。
到底係要求分數,  定係要求態度已經差好遠
...

其實是可以兩者兼得，最緊要唔好過分，親子關係好，是可以合作愉快。

mcl203

hkpapa852 發表於 21-9-29 07:42
如果人地興趣係「提升成績」，咁「谷成績」既活動，自然係屬於興趣班啦！ ...

果D係‘父母興趣’班吧～～～

beetle910

sandra1004 發表於 21-9-29 08:22
本帖最後由 sandra1004 於 21-9-29 08:22 編輯

自欺欺人都弊大於利，何苦？

好認同....家長目標同定位清晰好重要。
到底係要求分數,  定係要求態度已經差好遠

ipki

回覆 karenaleung 的帖子

個人愚見，點樣叫“谷”，我覺得沒有根據小朋友能力去培養，就叫“谷。”

好認同
如果小朋友能力可以又有興趣,我唔怕花D心機去培養佢
即係一件事我會分佢係能力不及做唔到定係只係因為懶而做唔到

sandra1004

hkpapa852 發表於 21-9-29 08:32
我夠膽講, 全港最多人參加既興趣班, 一定係為咗"提升成績"既興趣班.

其實我暑假嘅時候都有諗過畀阿女小一英文專科提高班，因為學校由小二開始教英文擔心佢跟唔到，
不過最後無去
因為諗返起自己最初的教育理念
亦唔想因為一時擔憂而改變整個教育小朋友的模式，
我決定只有一個情況下去參加學術班，就係阿女要求我的時候

hkpapa852

sandra1004 發表於 21-9-29 08:22
本帖最後由 sandra1004 於 21-9-29 08:22 編輯

自欺欺人都弊大於利，何苦？

我夠膽講, 全港最多人參加既興趣班, 一定係為咗"提升成績"既興趣班.

sandra1004

hkpapa852 發表於 21-9-29 07:42
如果人地興趣係「提升成績」，咁「谷成績」既活動，自然係屬於興趣班啦！ ...

自欺欺人都弊大於利，何苦？
學習興趣，自主求知，對自己負責的生活態度更重要
我一直在向前輩們學習如何更早，更好地放手，現在我阿女每日獨立做完功課，執好書包等我放工回家檢查，我已覺得佢比幼稚園時有很大進步

hkpapa852

mcl203 發表於 21-9-29 02:18
真正嘅興趣班係唔會幫你谷學術上嘅成績～～～

如果人地興趣係「提升成績」，咁「谷成績」既活動，自然係屬於興趣班啦！

mcl203

PTL_L 發表於 21-9-28 15:21
所以哋有啲人會人前講唔谷，人後就參加「興趣班」囉。

真正嘅興趣班係唔會幫你谷學術上嘅成績～～～

Natalie1812_hk

yukili1111 發表於 21-9-25 23:33
回覆 Zleep 的帖子

主要係我唔需要再玩六年後嘅升中遊戲，我覺得呢一兩年嘅付出唔係D咩 ...

應同