怎樣處理小朋友轉校的適應

fufu17

轉校通常是父母的安排, 未必是小朋友的意願.
轉換新環境一定為小朋友帶來不安. 想請教過來人可怎樣幫助小朋友渡過和適應.

PTL_L

964000 發表於 21-8-16 14:42
男仔同女仔唔同，女仔到高小的社交圈子會複雜D，當然小朋友自己social skill亦好大影響。
...

不能認同更多。覺得個人問題大於環境問題。

964000

男仔同女仔唔同，女仔到高小的社交圈子會複雜D，當然小朋友自己social skill亦好大影響。

conniewktang

fufu17 發表於 21-8-11 11:04
轉校通常是父母的安排, 未必是小朋友的意願.
轉換新環境一定為小朋友帶來不安. 想請教過來人可怎樣幫助小朋 ...

我仔小一升小二時轉校，跨區考校風同成績較好的一線津小，從來沒有特別備課或做過什麼，我仔只自己在舊校問好朋友留下電話，我其實真係覺得好小事，可能新學校對新生關顧做得好，我見我小朋友適應能力都好強，一週已適應，已有幾個朋友，而且第一次測驗已考級一。

Daisyzhu

我仔二年級升三年級時轉校，由寶校轉入地區熱門學校。頭半年好辛苦，因學校對紀律操行要求高好多，學科要求亦不同，初初好唔適應。試過因為功課格式及寫字規範不合要求，被要求重寫三次，寫到喊。第一次考試完成績好唔理想，他好唔開心，因同桌小朋友笑他成績差，但阿仔差極都係學校頭30%，令到他冇信心，宜家想起都覺得心痛。我唯有多啲陪住阿仔做功課和溫習，多啲提醒，日日檢查功課完成情況，夜晚睡覺前陪他傾解，了解下學校情況，了解他的想法，多些正面鼓勵。好彩半年後阿仔適應佐學校，成績也升返級頭。他現在日日都好開心，都有交到好朋友。
我仔的經歷未必個個小朋友都會遇到，因每個人適應能力不同。家長一定要多啲支持和鼓勵小朋友，保持良好的親子溝通好重要。

happytabo

我小朋友都係今年轉校，我特意留到學期last 2 days先退學，跟手預備小禮物俾同學同老師，最last day小朋友回心意咭同合照，so far佢情緒ok，因為出offer 後我俾佢自己選擇去或留，佢選擇更進一步，現在好期待新學年來臨，希望一切順利

rachelng80

fufu17 發表於 21-8-11 11:04
轉校通常是父母的安排, 未必是小朋友的意願.
轉換新環境一定為小朋友帶來不安. 想請教過來人可怎樣幫助小朋 ...

本帖最後由 rachelng80 於 21-8-11 22:59 編輯

仔小學經歷過兩次轉校， 最初由一線津小轉到三私一直, 最後轉到直資男校。
兩次轉校，頭一個學期， 所有默書，測驗，考試都不會俾壓力，唔會理會分數， 有交功課便可。
反而每日放學都會同佢傾計，問佢識唔識到新朋友，學校有乜趣事發生。 搵到新朋友， 就好快適應。

kisani

fufu17 發表於 21-8-11 11:04
轉校通常是父母的安排, 未必是小朋友的意願.
轉換新環境一定為小朋友帶來不安. 想請教過來人可怎樣幫助小朋 ...

如果時間許可就盡早做決定唔好心大心細, 因為手執多過一個offer太耐小朋友就越不安, 唔確定自己最終會讀邊間. 另外最好involve小朋友一齊做轉校決定, 有offer後轉/唔轉ge最終決定權交返比小朋友, 但當然家長可出盡力分析轉/留兩者ge利弊, 助小朋友做決定.  
至於點幫小朋友減少不安, 舊校果邊最好有時間比小朋友正式d同朋友&老師say thank you & goodbye, 我地喺暑假前遞退學信, 老師有比小禮物走ge小朋友(移民/轉走), 我地都有準備貼紙、文具等比佢帶返學送比同學, last day就準備左卡仔比佢寫比幾位主科老師. 依一系列ge告別儀式喺家長眼中可能好少事, 但對小朋友黎講算係比左個途徑佢渲洩&疏理情緒. 家長身教小朋友點面對離別都係an important lesson to learn (for both parents/ child). 我同自己小朋友講it's always hard to say goodbye but we could make it slightly beautiful. 揀thank you cards, 禮物仔令佢留低多d美好回憶.

新校果邊就報左暑期興趣班比佢見下新ge小朋友, 學校都有安排迎生日比插班生提早見下班主任同認識下校園咁.

PTL_L

fufu17 發表於 21-8-11 11:04
轉校通常是父母的安排, 未必是小朋友的意願.
轉換新環境一定為小朋友帶來不安. 想請教過來人可怎樣幫助小朋 ...

起暑假期間，我會安排小朋友盡玩，俾佢知道play hard work hard,另外會相約舊校同學一齊玩，等佢哋留下美好回憶，因為疫情問題令小朋友冇得say good bye的機會，所以約同學外出一齊玩，我覺得好重要。
另外，所有關於新校既事情都要小朋友參與，如註冊、買書、買校服等。我自己會先同小朋友預習少少新校課本，等佢上課時，唔駛因為全新環境而緊張之餘，如果學習上又唔識，會更加緊張。