請問大家會為左更好既升中校網或者更好既學校而換樓搬遷

christinetse80

請問大家會為左更好既升中校網或者更好既學校而換樓搬遷嗎？

論點1：只要肯努力讀書，係邊間小學邊區都一樣
VS論點2：好既升中網更大機會升到好既學校

論點3：孟母三遷，為左仔女既教育要盡力提供付出
VS論點4：賣樓買樓要付出好多金錢，承擔更多壓力，無必要

論點5：搭校車一程1小時，雖然耐D，返工都一樣要坐好耐車啊
VS論點6：搬近D學校，5好浪費時間精力係坐車度

cantona2001

值唔值好睇個人價錢觀，買架新車落地都唔見一大舊錢，香港養車又貴，不過留意下香港每年有幾多新車落地就知好多人覺得值

b3410

搬屋如果為咗校網，好似唔係好值得，畢竟未必抽到心儀果間。而且直私都係任考，可能跨區返學快過同區。如果已經有心儀學校，交通問題，未必一定要通過搬屋來解決。

lflxl

我係先賣左樓 考插班 考到之後買唔到/買唔起附近 都盡量買返較近地區樓

例如我如考到SPCC (發下夢），揀樓一定集中港島。而家考到九龍區插班，就睇半個鐘車程內有咩樓揀到又負擔到。就算考到喇沙都買唔起對面碧華花園總之而家買左九龍樓。

咁我地本身都有換樓需要，使費係好大，衡量過得失都決定去馬。錢搵左都係駛嘅啫。如果住得好好地地，我又覺得冇必要咁做。可以雙租。如真係只可以賣，我自己覺得值得去馬。當然唔好差過呢一刻住緊嗰度就得。

cantona2001

mcl203 發表於 21-8-4 16:59
1程30分鐘直情正啦，港島除非你係街上車，仲要咁好你住正大街，入大坑果堆屋苑，一入去慢慢行又或要掉頭， ...

睇彩數，灣仔同區試過返放廿分鐘，轉左路線就四十分鐘，好睇校車條線點走。 之前話揸車返工順路送個仔返學都係十分鐘，佢寧願早d起身坐校巴同同學傾計。

mcl203

zaba 發表於 21-8-4 16:30
1程如果30分鐘尚可, 但如果一程1個鐘 (如樓主所講) 就真係太勞累了

1程30分鐘直情正啦，港島除非你係街上車，仲要咁好你住正大街，入大坑果堆屋苑，一入去慢慢行又或要掉頭，無5分鐘都唔得，一架保姆車24人，上車係路線頭，落車就自然路線尾，粒零中真係好容易～～～

tummypooh

回覆 mcl203 的帖子

無錯，就算同區要坐校車其實已經最少要半小時，只係車程，唔計你提早出門口等佢的時間。
就算你地鐵沿線學校加住地鐵沿線樓，上落等車加車程，基本上都係30分鐘以上一程啦。

如真係咁大CONCERN，只能搵學校附近啲樓住。

但其實大把小朋友朝朝跨區返學。六點半上車，放三點半但四點半先返到屋企的大有人在。

zaba

mcl203 發表於 21-8-4 14:44
一日坐一小時車已經好晒時間？似乎，港島大部份誇區小學都可以放棄了，兜入一個屋苑上落一位小朋友，行行地 ...

1程如果30分鐘尚可, 但如果一程1個鐘 (如樓主所講) 就真係太勞累了

0030

我選幼稚園/小學都係近為首選參考，行路15分鐘之內為主，中學也希望能找近屋企的中學，目標搭車半小時之內返到學

mcl203

一日坐一小時車已經好晒時間？似乎，港島大部份誇區小學都可以放棄了，兜入一個屋苑上落一位小朋友，行行地都三幾分鐘。用一小時一日做標準，可能，只可以選步行距離嘅小學～～～

tummypooh

有錢︰隨便搬
中等人︰睇餸食飯
冇咩錢︰諗下坐咩車最快返到學校

cherrychan827

回覆 cantona2001 的帖子

我地都係咁做..........近D......小朋友真係唔洗浪費咁多時間

Azzurro

同其他城市一模一樣，住嘅地區好真係會讀書容易不少
好學校，好公司，好住宅，基本上會高度重疊/ 高度相關

我之前住過港島，早上坐地鐵，好誇張
全車嘅人都係名校生（幼稚園小學中學）
宜家住嘅地方，基本上見唔到呢個奇景

有錢一定住：灣仔，中西，九龍城，何文田
地靈人傑

mcl203

喇叭茶 發表於 21-8-4 10:22
假設題：DBS同SPCC都收咗，心中喜歡SPCC多一丁點，家住新界鐵路沿線，因為要照顧屋企長者所以不能搬，大家 ...

最先決嘅考慮點係，還原去你有冇辦法返學～～～

hkpapa852

christinetse80 發表於 21-8-3 16:02
請問大家會為左更好既升中校網或者更好既學校而換樓搬遷嗎？

論點1：只要肯努力讀書，係邊間小學邊區都一 ...

回覆番你其中一個問題:

論點1：只要肯努力讀書，係邊間小學邊區都一樣


現實係, 香港升中制度唔睇小朋友本身有幾叻, 只係睇前人有幾叻, 所以呢點其實係香港升中部署嚟講係唔啱既


瞭解吓升中制度再諗清楚部署:


邊個小學網/中學網好? 同埋其實升中派位係點嫁?

淺談小學升中學生如何分Banding


【小學升中派位分Banding的解說】

ipki

回覆 喇叭茶 的帖子

DBS唔會差得去邊喎無必要過海去SPCC

喇叭茶

假設題：DBS同SPCC都收咗，心中喜歡SPCC多一丁點，家住新界鐵路沿線，因為要照顧屋企長者所以不能搬，大家會否選擇SPCC？

ipki

我會也已經咁做
一日來回校車1小時以上,每日就比人少1小時用
一星期少5小時......呢5時時可以做到的野好多
不過唔係人人有咁的能力搬

zaba

christinetse80 發表於 21-8-3 16:02
請問大家會為左更好既升中校網或者更好既學校而換樓搬遷嗎？

論點1：只要肯努力讀書，係邊間小學邊區都一 ...

你小朋友幾大?係準備升小定升中? 如果已經係準備呈分, 可能要評估下自己屬邊個 banding, 轉校網會否跌 banding.

假設你只係睇住升中網來揀小學, 如果我係你哋, 財政OK的話我會搬
傳統上強中學校網, 小學網啲學校普遍比較強 (當然亦會有寶校), 孟母三遷比到個好啲既學習環境, 值得
另外上面啲前輩都有講, 用太長時間返學唔理想, 小學其實會好忙, 多啲時間休息/玩/課外閱讀會好過日日舟車勞頓. 如果你6:45上校車, 即係6:15已經要起身, 同學仔就7:15先起, 每日一個鐘, 一個星期已經少5個鐘睡眠了.

(利申: 小朋友而家KG要花頗多時間返學. 最近買咗間細價樓, aim at 第二時可以行路返小學)

pccw2017

mcl203 發表於 21-8-3 22:09
樓主係話，現住嘅樓只可賣，不可租呀。去他區租樓，除非由得現住樓空置～～～
...

我有眼睇, 我回覆時佢個post未出嘛. 咁我D字打得慢者.