升中面試班

Benny402

小女來緊準備升小六
請問有無用家可以分享下，上升中面試班到底有無用，有無好介紹？坊間見問左幾間都比較偏貴，但又唔知好唔好？

Hooh

如果你有心儀學校想讀，我建議報咗會好，因為佢哋經驗多，年年都幫學生報。

我小朋友依家係 apluza 度補習，喺荃灣。見到佢有升中面試特訓班，媽媽你可以去上面睇睇

https://academy.apluza.com/%E5%8 ... %AD-apluza-academy/

kirstyau

Benny402 發表於 21-6-19 19:59
知道(emoji)佢都係比較怕羞！對街外人(emoji)
咁我試吓先，thanks

對。可以出去食野叫佢落單。

Benny402

notcool 發表於 21-6-19 19:54
所以，你已經可以訓練她了......例如找一些面試問題問她...讓她買東西...等等 ...

知道(emoji)佢都係比較怕羞！對街外人(emoji)
咁我試吓先，thanks

notcool

Benny402 發表於 21-6-19 16:03
學校話遲啲都會有老師同佢地訓練下！我又唔想佢上坊間有很多都係背答案咁，係想訓練下佢大膽d講野大聲d 同 ...

所以，你已經可以訓練她了......例如找一些面試問題問她...讓她買東西...等等

Benny402

學校話遲啲都會有老師同佢地訓練下！我又唔想佢上坊間有很多都係背答案咁，係想訓練下佢大膽d講野大聲d 同埋得體d ! 因為見好多學校面試時個比重都多，30-40% ！ 小女成績唔太差！但無特別功能，無拎任何獎！所以怕比較輸蝕

kirstyau

b3410 發表於 21-6-16 12:30
緊係知越早訓練越好
不過依家已經臨門一腳喇！

我都覺好難一刀切話有冇用。首要有成績面試入場卷，平時英文說話能力有甘上下，再出去操下面試係點，再去實戰下，好多野加加埋埋，先會成功。

b3410

王家爸爸 發表於 21-6-16 11:58
對，最好既做法係自小訓練。臨急抱佛腳，如果處理得唔好，可能有相反既效果。例如訓練咗說話技巧，開場白建 ...

緊係知越早訓練越好
不過依家已經臨門一腳喇！

我自己小朋友，佢哋平時oral/presentation都okay, 不過，面試方面的確好無經驗。幾堂面試班，“叮”一聲打通條筋，學到的技巧，我覺得唔單單for interview, 對之後的學習也有幫助，也更加自信。
還有，升中面試的實戰經驗，也是十分難得。希望大家越戰越勇  

黑咪喵

王家爸爸 發表於 21-6-16 12:03
對，題目答錯或唔識真係唔緊要，肯開口、肯不恥下問好重要。但係更重要既係回答自己唔識既問題時既舖排，俾 ...

我有個小朋友面試一間地區名校時，面試官故意翹起腳一邊叫小朋友朗誦文章一邊同隔離老師傾計，然後觀察小朋友有咩反應，第二個問題就故意講嘢細聲D，觀察下小朋友夠唔夠膽提出老師問題所在，最後就問一個邏輯問題，根本無標準答案…這些如果小朋友夠淡定就加分，如果不知所措就可能會剔走收生範圍

王家爸爸

黑咪喵 發表於 21-6-15 20:43
我曾聽一個中學老師講：根本無需參加坊間面試班，面試最大目的就是觀察學生的反應同對答學習態度，題目答錯 ...

對，題目答錯或唔識真係唔緊要，肯開口、肯不恥下問好重要。但係更重要既係回答自己唔識既問題時既舖排，俾老師知道小朋友既推敲答案既過程。如果推敲答案既過程合邏輯，又能夠表現到小朋友既基礎知識有幾寬同穩固，老師就會另眼相看。

王家爸爸

kelly_wong123 發表於 21-6-16 10:03
唔好諗住有好大幫助，因為說話技巧，表達能力唔係一時三刻可以進步，但有練習當然比咩都冇準備好
...

對，最好既做法係自小訓練。臨急抱佛腳，如果處理得唔好，可能有相反既效果。例如訓練咗說話技巧，開場白建立咗期望，之後既對答露出馬腳，可能更差。

kelly_wong123

唔好諗住有好大幫助，因為說話技巧，表達能力唔係一時三刻可以進步，但有練習當然比咩都冇準備好

黑咪喵

我曾聽一個中學老師講：根本無需參加坊間面試班，面試最大目的就是觀察學生的反應同對答學習態度，題目答錯或唔識唔緊要，最重要係肯開口肯不恥下問！最切記切記就不要過於搶答，因為這樣面試官就覺得呢個學生過於急躁同團隊合作精神不足！本人小朋友從未參加過任何面試訓練😂！

notcool

升中面試需要練習機會……尤其是在陌生人面前.
學校升中面試班ok.

英文網站會話也不錯


至少，以上可以涵蓋關於你自己和你的學校生活的常見話題

wincat

我覺得冇用， 性格嘅嘢好難因為面試班而改變(我女係呢個情況)..

Benny402

謝謝大家意見

b3410

第一，睇下你哋小學有冇類似升中面試training.

如果學校已經有，未必需要再出去學。如果學校唔提供，例如有直屬學校的小學，最好出去學習一下。熟悉面試模式。
第二，睇下目標學校。


如果目標直資/神校，面試就算加唔到分，也不可以被減分。因為去考的同學個個好叻，成績好的大把，面試出彩固然好，達到average level 也可以保本。如果面試的好差，就基本無緣了。

kirstyau

因為有不恰當內容，所以上面封了。

我地有直中，小學零訓練。
純分享受阿妹之前上過網上面試課程幾好。

https://amazingtalker.com/teachers-and-tutors/niki?language=english

4人英語小組，24美金一堂50分鐘，上完24小時內有錄影睇，可以知道阿妹衰咩。 （第一堂細聲，話完之後好啲，第二堂等人講哂甘濟，先慢十拍＼講 ，第三堂Point少人一截，真係一路上一路執佢要改咩。）

另外，淘佬有套30本 “points of view"，有能力可以自己同仔女訓練。面試題目唔會一樣（正如協恩校長話唔怕早考公開左試題，因為佢可以變千條唔同），但習慣多討論短時間諗point表達。

題外話，係屋企訓練都盡量習慣戴住口罩訓練聲線足夠大聲，可見黎緊都要用。面試一緊張又再細聲D,到時考官乜都聽唔到。