呈分試與考4級琴需要取捨嗎？

kelly6688

囡 區b1 小學，學校150多人 ， 排90-100左右. 不是很穩定. 呈分1不理想. 兩課主科各63分，一主科 73分. 數學弱.老師要佢練多啲.想入Band 1中學

囡有學琴不是很有興趣. 我自己覺得要她學一門手藝到時讀書唔成書可以教琴. 所以逼她學.她自己喜歡學畫.嚟緊八月考四級 ，現在還未熟，老師要佢勤力啲.

大家觉得需唔需停咗彈琴專注考呈分試？

hkpapa852

pinkupinku 發表於 21-6-19 23:43
我同意現實一點，去睇下b2中學，不要覺得停咗學琴就會所有嘢如你所願。
阿女唔想學，就停啦，等佢溫完書都 ...

事實上入一間合適水平既學校，好過盲目追求名校

入名校墊底，捱唔捱到畢業？畢業又會係咩成績呢?

反之入到B2好學校估做前列，仲大機會入到大學

pinkupinku

hkpapa852 發表於 21-6-14 12:38
坦白講, 令千金呢個排名, 要升上B1難度頗高

小強雖然係區內強校, 但如排名在70以後, 基本上都唔好有期望 ...

我同意現實一點，去睇下b2中學，不要覺得停咗學琴就會所有嘢如你所願。
阿女唔想學，就停啦，等佢溫完書都可以鬆一鬆，唔駛再陷入另一件苦事。
始終相信，讀b1又好b2又好，人人都有自己的人生，不要將你的意願強加在女兒身上。而且，也好好同女兒傾下佢有咩諗法，希望將來讀咩中學過怎樣的人生。

pinkupinku

樓上2位媽媽，我又唔太認同。
呈分試是重要，但也只是人生中一小部份，我相信人人天生的資質能力都唔同，不用以成績或派咩學校斷定一切。而且呈分試成績與興趣班沒必然因果關係，有人周身刀張張利，有人就算出盡力成績都係未如理想。
於我而言，興趣班，有興趣就繼續愉快地學，無興趣無謂勉強，但不用為呈分試放棄一切。
老實說，小學嘅嘢，真係唔駛好似dse咁日讀夜讀，都係考試前衝下啫，如果要日日朝9晚9咁溫習先達標，我個人覺得無謂chur到咁盡了，就算上到b1中學都會跟得好辛苦。

Ella01

學校中一收生永遠都係成績第一！所以，呈分試係最重要架。

Zoesk2

你個女的成績已經唔理想，當然唔好分心去考琴試，學琴係興趣，之後學或考都可以，但呈分試只有三次機會，仲會影響就讀六年的中學的選擇，你應該知道邊樣重要，我女今年呈一，雖然年年考班頭幾名，又有半條龍bank 1 中學，但上年9月開始我已經停曬興趣班，全力以赴呈分試

bopui0607

kelly6688 發表於 21-6-13 17:31
囡 區b1 小學，學校150多人 ， 排90-100左右. 不是很穩定. 呈分1不理想. 兩課主科各63分，一主科 73分. 數 ...

當然是呈分試啊！

王家爸爸

仔仔錫錫你 發表於 21-6-13 19:30
簡單d, 你想囡囡有一門手藝教琴但入U 無望？ or 入U 做大學生但琴藝只得5級？
又問下囡囡想成績好定琴藝叻 ...

老實講，去到小五，只係得4~5級，好明顯興趣唔大，所以成就唔大。興趣唔大，迫都無用，好難可以將來靠教琴揾食。但係學業就好唔同，即使無進步，佢囡囡其實起碼係B2中上游，點都入到大學。將來努力啲，有啲進步，可能三大都得。

王家爸爸

如果學校有150多人，假設B1比例係40％，咁前60名先係B1。如果排90-100左右，其實需要追30名以上。表面上距離相當遠，但係如果專心係呈分試，其實唔一定追唔到。

王家爸爸

kelly6688 發表於 21-6-13 17:31
囡 區b1 小學，學校150多人 ， 排90-100左右. 不是很穩定. 呈分1不理想. 兩課主科各63分，一主科 73分. 數 ...

呈分試係最重要既，而4級琴基本上對升中無用，所以如果真係時間上需要作出取捨，當然係專注喺呈分試。

eli_leung

見B2校手持4級可能有少少用。但B1校6級已是門檻，因為太多人八級

LeeCC

Azzurro 發表於 21-6-16 14:07
我小朋友學左一年多鋼琴（很低強度，每天不到半小時。。教的人六級水平）
之前考完一個曲考試，之後就停了 ...

正式搵一個音樂系畢業的老師教，受過音樂訓練的老師不單只教點彈，還會教小朋友欣賞音樂，歷史等等

Poyau

bananaGi 發表於 21-6-16 12:26
本帖最後由 bananaGi 於 21-6-16 12:35 編輯

啲人成日話級頭，全級120人同160人已經唔同，唔同小學又唔 ...

自行如計排名分通常用全港次第計分

Poyau

bananaGi 發表於 21-6-16 12:34
主科（73/63/63），如果佢真係考90/150⋯ 而間小學係6成人入B1... 咁佢都有入場卷！！

但73/63/63呢個分 ...

油基法據簡介會B1過半
兩兆升中成績更佳 B1有可能達6成

油基法 學校資訊日網頁
https://www.kfps.edu.hk/sc/index6.html

學校資訊日影片直播重溫 7:54
https://www.kfps.edu.hk/sc/video/video1.html

「除歷屆升中成績優異外(最近三年學能測驗第一組別百分比為54%)......」

Azzurro

我小朋友學左一年多鋼琴（很低強度，每天不到半小時。。教的人六級水平）
之前考完一個曲考試，之後就停了整整三個月，最近才又肯彈
其他興趣班沒呢種厭煩情緒，可能沒特別要求吧
老師如何做到讓小朋友覺得有趣又唔厭煩重複練習？
請一個本科鋼琴的老師會否更有效讓小朋友有興趣練習？
謝謝指點

bananaGi

hkpapa852 發表於 21-6-14 12:38
坦白講, 令千金呢個排名, 要升上B1難度頗高

小強雖然係區內強校, 但如排名在70以後, 基本上都唔好有期望 ...

主科（73/63/63），如果佢真係考90/150⋯ 而間小學係6成人入B1... 咁佢都有入場卷！！

但73/63/63呢個分數⋯⋯⋯係因為卷深？？

請指教

bananaGi

hkpapa852 發表於 21-6-14 12:38
坦白講, 令千金呢個排名, 要升上B1難度頗高

小強雖然係區內強校, 但如排名在70以後, 基本上都唔好有期望 ...

啲人成日話級頭，全級120人同160人已經唔同，唔同小學又唔同。

如果我地區好啲既小學考30/160！ 人地考5/120！咁我面試時，個排名咪唔抵？

YANHK01

報B1中學基本上8級琴都唔當係特點，專心考好呈分試最重要。

200904

考琴專業八級都未必有用，有國際獎項才算得上加分點。所以如果只有4級，且小朋友不喜歡，我覺得放棄吧。
直資/自行，以我今年過來人家長的心得看，呈分成績才是最重要的。（我女什麽級都沒考過，都有band 1 自行的兩個offer，和band 1直資的offer。）

winnie7753118

建議暫停學琴考級，而且以後由佢自己決定學唔學琴，因為佢已經足夠大，清楚自己想要乜嘢。不要浪費時間在阿女不感興趣和無天份嘅事物上，好像小兒音樂有天份喜歡音樂，小學已有雙演奏級嘅人都唔少，你阿女將來如何去同人係呢行競爭？不如俾佢去學（深造）佢喜歡的畫畫，話唔定會有所成就。