考IGCSE

daijuju

請教各位前輩：小兒對數學有濃厚興趣，喜歡學深的數學，主動要求搵老師教（其實佢都睇好多數學嘅書／睇片，但喜歡有人同佢傾數），咁老師建議佢考下IGCSE數，有個目標。佢foundation paper已經冇問題，佢都做得輕鬆嘅，可以試Higher tier，不過都會等佢完全ready先，今年考應該都無問題。但係其實我哋又唔諗住幫佢跳級或考大學，因為佢目前都enjoy校園生活。考一科IGCSE數無咩作用，2年record又過期，而且佢學業繁忙都驚佢辛苦。但係佢做數就唔覺得辛苦嘅，是否比佢挑戰一下，但將來佢考大學都係要再考過，曾經考過對佢portfolio有無作用（老師話有但我都想問下其他人意見），考得唔理想又會否劃花個底？將來考大學又要會否令佢厭倦，始終考試唔多唔少都要操下卷，問佢就話冇咩所謂。考取IGCSE數後，是否又繼續上學IAL數？請指教如何做，是否一直咁比佢學？謝謝。

daijuju

siutreasure 發表於 22-5-28 06:13
請問你小朋友考左IGCSE未？我小朋友今年小一，家下都做梗gcse foundation，有d識，有d未識，但他想考，因為 ...

已考了peason foundation math，而家考緊higher tier佢主要不喜歡做workings，要不斷提醒佢，及check卷
我仔有老師教，主要督促佢做workings問題，不做workings扣分，要培養佢良好習慣

siutreasure

daijuju 發表於 21-6-8 13:48
你好，謝謝前輩的意見  
DP果啲暫時join唔到住，因佢得小二，下年小三或者搵啲課程玩下，睇下會唔 ...

請問你小朋友考左IGCSE未？我小朋友今年小一，家下都做梗gcse foundation，有d識，有d未識，但他想考，因為見哥哥考另一個公開試，而他覺出淺，想挑戰話要試gcse，但我又有d驚，好似太早。

daijuju

多謝分享

chickchick

daijuju 發表於 21-6-17 17:15
請問小朋友考咗IGCSE或者IAL數嘅前輩，學校仲使唔使上數學堂？可否豁免？唔該
...

咁梗係要啦
同一個正常學生完全無分別。但上堂做乜就個個老師不同安排（我IS, 唔知local)
maths老師：由佢做自己數, 知佢就考/由佢做完classwork就ok, 知佢考完
science老師：一如眾人咁上堂, 有時比group人佢去tutoring,由其答卷技巧和清concept, 無乜特別。學一模一樣嘅嘢!

就好似....有F1車手落場同三級方程式的参加者一齊開心玩埋一堆嘅feel. 高手低手都要注意“車品”和“細節”, otherwise,一樣炒, 好公平的。

我孩子係enjoy返學, 因為學嘅做嘅係more than his known knowledge.

daijuju

請問小朋友考咗IGCSE或者IAL數嘅前輩，學校仲使唔使上數學堂？可否豁免？唔該

daijuju

LLLT 發表於 21-6-15 23:02
回覆 daijuju 的帖子

謝謝前輩分享。我小朋友很喜歡看書 主要數學科學百科類。小說也有看。中英文書也看。他暫時說想讀醫科。不過太長遠了。考IGCSE主要想佢有個方向學習吧。他又想繼續學深的，但又沒方向。數後可能學下理科吧。看他喜歡什麼好了。

LLLT

回覆 daijuju 的帖子




如果只係考三幾科IGCSE，對升大學是無関係的，不過對讀A levels的連繫性是有幫助。


英國基本上好的A levels成績對考一般大學是有一定的作用。除咗oxbridge、imperial 和 LSE，因為這四家大學會根據school reports、interview、entrance test、work experience、awards去俾offers。


無可否認公開試的獎e.g. imo, ipho…這些對入讀pure science 是會提升機會。但係對其它科e.g. economic、medi、law…相信要小朋友真心鍾意才有機會，因為professor可以在interview和entrance test了解考生有関方面的知識和potential。


所以我覺得小朋友在求學階段可以的話閱讀不同類型的書，從中找到樂趣和興趣，那麼小朋友的童年生活會更豐富。能否考入心儀的大學只看天意。

daijuju

nanakochan 發表於 21-6-15 12:10
這條路走得好孤單，我都盼望孩子可以遇到伯樂，謝謝前輩的分享

我比較擔心長大後他是否懂得與人相處，職場上懂不懂得和人溝通，成婚後家庭是否和睦...... 我資優仔同理心方面好像比較欠缺，也比較自我，真的要慢慢教...... 所幸暫時沒有在學校造成困擾。所以我也不急，他還有很多事情需要學習。

daijuju

LLLT 發表於 21-6-15 09:52
我覺得香港報業常常報導一些天才的news，俾人感覺或錯覺早入學有好處。

英國take gap year的學生比提早入 ...

我們暫時對早入學/跳班沒興趣。因孩子也喜歡和同齡小朋友玩，也很有童真，喜歡跑跑跳跳，玩小朋友的遊戲，而且他也不是全科超前，中文方面還需進步。如果學校允許，跳科數學也不錯，不過未必可行。有考慮過如果考到IGCSE數，學校是否就允許跳科。不過我知道有些資優孩子不能忍受如此學習，所以家長想爭取盡早入大學也是可以理解。只是我小朋友成熟度欠缺，自理社交也有待進步，所以循序漸進也是好的。

nanakochan

這條路走得好孤單，我都盼望孩子可以遇到伯樂，謝謝前輩的分享

chickchick

LLLT 發表於 21-6-15 09:52
我覺得香港報業常常報導一些天才的news，俾人感覺或錯覺早入學有好處。

英國take gap year的學生比提早入 ...

exactly。就係覺得令人有錯覺，所以我才一次過找找些報道出來，攤開來看，會更清晰。15／16還好，有些真係。。。 唔係個個也是沈氏兄弟，天時（天份），地利（生於有沈爸的家）和人和（浸大絕對係伯樂，因為安排了退休的教授，二人鑽研嘅喜愛相近，啟發至深）

『百樂』。。。資優定積優， 我也很希望孩子在不同人生旅程遇到百樂，找到志趣相投的伙伴，擁抱自己開心的人生。細時，孩子的確遇到不少才有今天算有韌力的心智，我有同佢講，將要離開comfort zone了，機會要自己主動出擊！找到自己的百樂，發揮自己的長處。

chickchick

回覆 小曳人 的帖子

都係，有目標，易些籌謀。我個大你仔一年，這學年除了要考晒試，他也是在上年暑假咁上下時間準備personal statement， CV之類的瑣碎嘢。我就執執幫幫眼咁，加上無限鼓勵。我常常同佢講『洗濕左個頭，無得唔博盡』，佢中文唔太get到『洗濕個頭有幾咁lei hei，博唔到就大鑊』嘅message。佢那份『那裡來的自信』有時真係嚇到我死死下。之前疫情又緊，我先係怕exam centre唔開，我考唔到，本來已delay一次。之後，我幾怕佢無啦啦要押去竹篙灣，無得去interview。我到了收成期，係鬆一口氣嘅。

祝你和令郎事事順利。準備考大學是一個令人成長得很快很快的經歷，好快你會見到一個更有理想的年青人呢！過程中，我自己都長知識！

LLLT

我覺得香港報業常常報導一些天才的news，俾人感覺或錯覺早入學有好處。

英國take gap year的學生比提早入學的多好多。他們喜歡用一年時間了解自己的喜好、賺一年錢自及自足…其實oxbridge也有不少是gap year的學生。

LLLT

回覆 chickchick 的帖子

其實香港人好幸福，市面上有很多不同的scholarship俾小朋友助學。上年The Prince Philip Scholarship有兩個full scholarships得主是小朋友的同學(分別在香港的IS和英國的boarding），其中在香港讀IS的同學是一個非常聰明的小朋友，好清楚自己的需要，活躍分子，由細到大都獲得不同類形的scholarship，家長從來都不用費心。

小曳人

project access 改咗名，但佢地會繼續運作，亦加多咗大學

旭日媽媽係我响HKAGE 家長群組認識到嘅前輩家長，日已經去咗美國讀博士喇，佢嘅故事有d轉折，哥哥當初幫弟弟揀咗一科一齊入中大，但弟弟讀落唔鍾意，year 2 轉咗去科大讀IRE (呢個就係未必知自己想點嘅例子)  
其實我仔 (14歲) 都唔係好知自己想點，只係話唔想返學校返學，佢最愛就係去科大DP！所以我地先會預備IAL 考試，至於讀邊科，阿媽就做好多reasearch，聽人講下大勢，我其實覺得科大新開嘅Eng+AI 好啱佢，但呢個時勢，都係傾向去uk多d，所以其實到呢刻仲有4個月就報UCAS ，都係父母以佢興趣作導航嚟選科，下個月開始就要預備personal statement. 每次見到一早有自己主意嘅細路就好開心，父母煩少樣！

小曳人

WMGma 發表於 21-6-14 17:44
而家香港咁亂， 都想小朋友英美讀書， 英美大學取獎學金又是否容易呢？是否只要取3 A* 便有可能取Full sch ...

你最好自己上網search 一下
因為有好多類別，一d 會睇你夠唔夠窮先，夠窮的話，先有得申請；有d睇成績、有d睇特別專長，有d係入學之後成績夠好，條件好多樣化，批出嘅錢亦好多唔同
而full scholarship 就一定競爭太，位少

chickchick

小曳人 發表於 21-6-8 07:25
你所講嘅老師，係學校老師定私人補習老師？
anyways ，少少分享，俾大家參考

就你所講，揾升學顧問幫下手，做生涯規畫，課外學習計劃，提供升大學前嘅準備，去聽下免費consultation， 這個情況也是好辦法。

其實都睇profile，佢哋經驗足，唔ok無贏面就叫你放慢D。佢哋嘅program係幾咁多姿多采，有次去ITS，見到張leaflet，呢D package盛惠 25萬大元，好似3年。真係好誇張，未計tutorial。我無幫襯喇。不過當係見下世面，再增加考美國大學都ok嘅。 適齡 16打後又target UK又唔使咁多嘢搞。UCAS好均真。


另一間A字頭，我好似放血咁。。。哈哈哈～


而你介紹過的project access 個concept 就very good。 值得推介俾有心有力的人
我都係見你之前有講，才知有呢D 正嘢，search出來：
資助中學港生自修A Level考入牛津　面試要用紙摺出原子


https://topick.hket.com/article/2172554/%E8%B3%87%E5%8A%A9%E4%B8%AD%E5%AD%B8%E6%B8%AF%E7%94%9F%E8%87%AA%E4%BF%AEA%20Level%E8%80%83%E5%85%A5%E7%89%9B%E6%B4%A5%E3%80%80%E9%9D%A2%E8%A9%A6%E8%A6%81%E7%94%A8%E7%B4%99%E6%91%BA%E5%87%BA%E5%8E%9F%E5%AD%90?mtc=10016


真係有把握才好出擊。為孩子揀個那一刻係最好的選擇，實現夢想，手拎好牌就唔好急，打好副牌！

chickchick

WMGma 發表於 21-6-12 23:37
多謝前輩分享， 要諗下點樣放慢腳步， 向橫發展

就講下新聞有講的香港呢例子:  真心想想入遲2年會唔會更好路數?  finance related，quant唔入3大各神科? 報道有講徐某係有報HKU想做最young學生而最後科大收了.

例一: (我記得報道一出,EK已有人拎PHYSIC得隻C 叫"神童"來質疑)
數學資優去年跳4級入大學　14歲神童享受校園生活
https://hk.on.cc/hk/bkn/cnt/news/20200416/bkn-20200416010043661-0416_00822_001.html
https://skypost.ulifestyle.com.hk/article/2618512/%E3%80%90%E5%A4%A7%E5%AD%B8%E8%B3%87%E8%A8%8A%E3%80%91IQ141%E4%B8%AD%E4%BA%8C%E7%A5%9E%E7%AB%A5%E3%80%80%E9%80%A3%E8%B7%B34%E7%B4%9A%E7%9B%B4%E5%8D%87%E7%90%86%E5%A4%A7
他讀小一及小二時已完成整個小學階段的數學課程；讀高小時再先後應考IGCSE（O Level）及A-Level的數學科，更取得B級及C級成績。
振延其後按照一般學習步伐，升讀保良局唐乃勤初中書院，並於中一時再次挑戰A-Level數學科，取得A級佳績，得到理大的有條件取錄；至中二時，他再應考A-Level進階純數科及物理科，分別取得A*及C級成績，最終以14歲之齡，破格升讀理大投資科學及金融分析（榮譽）理學士課程，成為班上年紀最細的大學生。
理大稱，透過聯招及非聯招，多年先後取錄了數十名16歲或以下的優秀學生。

例二: (這個慘, 比連-登和跌吉 嘅人取笑和update近況)
香港神童IQ141　 13歲就跳級念大學
香港「神童」徐文鴻在中學文憑考試（DSE）考到20分，新學年將以13歲之齡就讀香港科技大學工程系。他曾公開自稱「半部考試機器」，引來猛烈抨擊，網友嘲諷神童根本無童年。徐文鴻接受《香港蘋果》訪問時，嘴上說不介意，臉上卻難掩少許失落。他的確無法像尋常小孩般玩樂，縱有遺憾，但強調這不僅是父親的選擇，也是他的選擇。但當記者問徐文鴻自己的志願是什麼，談吐得體成熟的他又好像突然變回13歲，對將來很難肯定。他也想過當工程師，「學者可能都未必是唯一出路」。目前可以肯定的是，他不抗拒踏上父親鋪下的升學路。

如果人生有起跑線，徐文鴻一直卯足全力奔跑，遠遠拋離同齡對手，超前了數年光陰。徐文鴻坦言，同齡人大多無法完全理解他，「課外活動、團隊合作的校內活動, 這些我都沒參加過」, 但他欣然接受, 「我比同年級同學年紀小, 為了應付考試沒有娛樂時間, 已經是很特殊的例子, 但我不太在意別人對我有誤解, 既然自己想上大學, 就向著目標做下去」。
https://tw.appledaily.com/international/20180817/27LZKJVR2YYVBA2UIMSJJF2IBU/

chickchick

LLLT 發表於 21-6-14 19:09
小朋友當年apply 科大，那時要5A*才有4年full scholarship。認識小朋友讀Harvard，大學根據family income去 ...

對啊！根據family income去俾bursary係有，就算唔係大學俾， hk也有overseas scholarship。

例如：
英國牛津大學數學系有條件取錄的十五歲數學神童何子駿，佢係拎香港卓越獎學金。
鄒駿宏獲得全額獎學金， 而報導係有講佢家境不太充裕。


而這個case就似係無scholarship，當然會已16歲又唔算細嘅：
自修GCE AL奪3科A* 　16歲中五生跳級入讀倫敦大學醫學院
興趣是推動學習動力之一，年僅16歲的鍾璟鎔中四開始自修GCE A Level的中六課程，中五時完成GCE A Level中七課程，以3個學科A*頂級成績，被英國著名學府倫敦大學學院（UCL）醫學院生物醫藥（Biomedicine）課程無條件錄取，他謂學習是自己最大興趣，而過去一年半要同時要修讀DSE，需要意志和學會放棄娛樂。因6歲時一位深愛的親人突然患了大病，令他立志要研發一種病人可負擔且有效的治癌藥物，減輕藥物的副作用，為病人謀福利，確立目標後成為堅持奮鬥的動力. UCL的生物醫藥的癌細胞學，所費不匪，因兒子希望用7年修至博士，鍾太希望兒子能獲得獎學金完成學業。https://topick.hket.com/article/2203132/%E8%87%AA%E4%BF%AEGCE%20AL%E5%A5%AA3%E7%A7%91A-%20%E3%80%8016%E6%AD%B2%E4%B8%AD%E4%BA%94%E7%94%9F%E8%B7%B3%E7%B4%9A%E5%85%A5%E8%AE%80%E5%80%AB%E6%95%A6%E5%A4%A7%E5%AD%B8%E9%86%AB%E5%AD%B8%E9%99%A2