小四仔發脾氣時，自己打自己

angel-papa

最近因為應付測驗，除咗學校功課之外，我另外再有比兩至三版練習佢自己做。嗰啲練習都係好簡單，純粹等佢記憶返之前讀過嘅嘢⋯ 佢自己一定識做⋯ 之後我放工返嚟俾我對答案再同佢溫習第二科⋯⋯。

之前我都有答應佢，如果佢係完成晒所有嘢嘅話可以俾佢玩15-20min Online game，之前佢都有試過完成也有俾佢玩。

不過今次佢欠一樣野冇完成到，所以我拒絕俾佢玩Online game⋯ 跟住佢就發晒脾氣，仲好肉緊咁，面都紅晒，自己揼自己個頭，揼唔夠，仲要自己打自己塊面 因為當時仲有爸爸和妹妹喺現場，我見咁嘅情形我拉佢入廁所，反正佢未沖涼就叫佢沖涼先，兼且我好認真又好冷靜咁同佢講唔可以咁樣傷害自己，咁樣傷害自己係冇好處⋯⋯也改變唔到而家嘅狀況⋯我講明就算佢咁做都唔會俾佢玩⋯講完之後就叫佢沖涼，冷靜下先！（其實我講緊嘅時候，佢都仲係面紅耳赤咁樣自己滅自己隻手）

知道佢差唔多沖完涼，我就一路同佢抹身一路同佢傾，問點解有咁嘅行為，問佢係嬲緊啲乜，佢話自己嬲自己 （其實我都唔知信唔信好，可能係嬲緊我比嘅嘢佢做）。我就話你打自己都冇唔會代表嗰樣嘢完成左，不如慳返啲時間去做完成佢，咁咪好囉⋯⋯ 佢竟然答我話：「佢個腦話要自己打自己呀嘛！唔係我控制佢㗎！係個腦話要打佢啊！」 當時我都唔知點答佢，又覺得佢答得好似好合邏輯咁不過我就話，咁你叫返你嘅腦袋唔好自己打自己啦！因為咁樣係冇幫助⋯⋯

同佢傾吓傾吓先至叫做好啲！ 冷靜返晒冇發脾氣⋯⋯

其實自己打自己呢個情形唔係第一次發生，不過多數都係達到唔到佢關於玩遊戲或者上網之類嘅要求，佢就會有咁嘅情況⋯

平日佢喺屋企其實都已經好自由，除咗有功課班返之外，其他時間係屋企佢都係玩同睇TV YouTube⋯ 我哋放假嘅時候亦都有帶佢出去玩，打下波！去吓街食佢鍾意食嘅嘢⋯ 我唔明白佢仲有啲乜嘢搞到好似好有壓力咁

我都唔知點做先至好⋯

angel-papa

Jane1983 發表於 20-11-18 15:52
回覆 angel-papa 的帖子

佢聽你講完，唔打自己就好了。人人都有frustrated的時候，學懂如何面對和排解係好 ...

我都驚㗎！真係見過有朋友仔係咁樣，成日約埋一齊上網玩打機⋯所以都盡量安排多D其他嘢比佢玩，分散吓D注意力！

Jane1983

小寶貝兒 發表於 20-11-22 16:08
我細個都係讀女校，後來中三比人篩左出來轉去男女校，即時覺得輕鬆晒。
女校既環境總係比我覺得好壓抑，所 ...

Same here。我都係決定比亞女走另一條路。

唔係話女校唔好，佢都有好的地方。但potentially要付出的代價太大。唔值得。

小寶貝兒

Jane1983 發表於 20-11-18 22:44
我有偏見，因為我讀女校出身，見過唔少女仔的陰暗面。

我都人到中年，仲記得有d同學真係衰到不得了，做到 ...

我細個都係讀女校，後來中三比人篩左出來轉去男女校，即時覺得輕鬆晒。
女校既環境總係比我覺得好壓抑，所以我女我都堅決唔會比佢讀女校

Jane1983

回覆 MrBeast 的帖子

都要睇個球手幾多歲，始終小朋友唔同大人。有d10歲好勁，過幾年就唔見影。
有時小朋友由8、9歲已經經常打比賽，一個星期練幾日。咁樣密集式訓練和比賽的生活，少d興趣都會burn out。

MrBeast

ar_mak 發表於 20-11-19 19:57
咁我都係一齊背經算勒，你自己跳～

咁我煲埋tenet, the queens gambit n the crown 3 先

MrBeast

Jane1983 發表於 20-11-19 20:42
回覆 MrBeast 的帖子

點解唔會發生在top player身上？

我估去到那level 單靠教練唔足夠，落到場都要自己執生（雖然教練可叫暫停和或出術大聲叫），不過印象中我看agassi finding the right coach 都好重要，講到我都唔知自己想講乜

Jane1983

回覆 MrBeast 的帖子

點解唔會發生在top player身上？

MrBeast

Jane1983 發表於 20-11-19 18:35
而家父母係好肯栽培小朋友，但運動玩得精，同讀書一樣，唔係使錢咁簡單。
...

我覺得個過程才是重點，若樣樣都是教練安排，冇左自省的過程，會有些可惜。當然呢d情況唔會發生在top player 身上。

MrBeast

ar_mak 發表於 20-11-19 18:16
係我補習，你睇書，佢背經。然後一齊係天台跳落黎，你估識背經果個就唔使死咩～

佢可能會話：你兩個跳先，我背埋經先跳

Jane1983

MrBeast 發表於 20-11-19 17:58
冇serious 玩過sport 係唔會體會到運動員心態，不過e加個個都請私人教練，同補習冇乜分別 ...

而家父母係好肯栽培小朋友，但運動玩得精，同讀書一樣，唔係使錢咁簡單。

MrBeast

ar_mak 發表於 20-11-19 09:16
拿，如果我同你講，我考全級１５，咁你又考第幾先？到時就輪到係你比人話吃不到的葡萄是酸的。 ...

我會話你補習我看書，大家都是band 1, 到時都是睇彩數

MrBeast

Jane1983 發表於 20-11-19 10:16
你講得啱，放棄從來容易。但如果有d嘢值得做，頂一頂捱一捱亦可以。

美國大公司好鍾意請名大學玩sports叻 ...

冇serious 玩過sport 係唔會體會到運動員心態，不過e加個個都請私人教練，同補習冇乜分別

Jane1983

回覆 ar_mak 的帖子

我都好現實，我希望佢感恩我地的付出，唔係講物質回報，就係要佢好愛父母。
有時我都會同佢講：「你就好啦，你父母咁錫你。」佢就係度笑

Jane1983

ar_mak 發表於 20-11-19 10:02
你講句ＫＥＥＰ唔到就緊係易啦～放棄係好容易，隨時都可以！

ＰＳ：有次踢Ｄ細路踢波打比賽，有個阿媽見個 ...

你講得啱，放棄從來容易。但如果有d嘢值得做，頂一頂捱一捱亦可以。

美國大公司好鍾意請名大學玩sports叻的畢業生，部份係鍾意佢地捱得刻苦訓練，又有team spirit。