內向細b點揀K1 ：全日 SJC聖若望 vs. YMCA TST港青

CloveH

我都知兩間學校其實冇乜可比性，一間傳統學校出名谷，一間國際學校happy school。其實我無所謂小朋友行傳統定國際路線，只希望小小年紀讀得開心、保持學習熱情，培養閱讀習慣、老師姨姨有愛心，返全日食飯午睡有人照顧，少生病，英文語境好。
我女10月細b，超級敏感膽小果型，係屋企好多嘢講，但外出怕生乜都唔講，同唔熟悉嘅親朋食飯，全程低頭縮成一團。宜家讀緊joyful PN，返學2個禮拜日日哭三個鐘。
揀SJC擔心學術深，會唔會令小朋友失去學習興趣？同埋日日返屋企要父母跟功課好辛苦？亦聽講好少戶外活動時間。其實我對學術冇要求，只要英文語境好就ok。
但內向型小朋友是否真適合YMCA？感覺上國際學校更適合外向活潑嘅小朋友，show and tell对內向嘅小朋友會唔會壓力太大？
真心請各位家長卑d意見我，同類型嘅小朋友點揀學校？