唔做功課，叫佢做都唔專心，講到我好辛苦

ahyu_0805

好想大家俾啲意見，或者呷下都好，我真係忍唔住...

我返工，小朋友由幼稚園開始，放工要去保姆姨姨到湊放學，每次都未做曬功課，同佢講媽咪要返工，放工接佢再撘車返屋企又要煮飯，每日打仗咁趕頭趕命，冇時間比佢再做功課，佢次次聽完第日接佢又係咁，鼓勵獎罰計劃打鬧乜都試過，真係好激氣好無助，每日講，講到我諗起都覺得好炆好辛苦，點解講極都唔聽？

依家小二依然咁，同過小學老師講，保姆姨姨講，情況都係咁冇改善，佢做得好慢，可以成個鐘寫幾隻字。依家返半晝，我六點幾去接佢都依然做唔曬。已經叫佢做曬先可以玩，冇電視ipad任何嘢，姨姨話佢坐喺到玩文具，玩手指

qkhui

我小朋友都係小二. K3開始都係唔喜歡做功課. 小一開始去功課輔導, 但都一樣做唔, 做唔完回家都唔會自己再做. 每天都要等我回家和他做. 我都覺得好辛苦, 因放工回家最快也要7:00. 在婆婆家食完飯再回家最快都9:00. 每晚就不停趕功課. 其實仔仔知我唔高興的. 每晚我回到家一開門, 仔就會即同我講未做晒功課. 幸好小一只返了幾個月學. 停課時間時間多了. 功課也少了很多. 就開始慢慢訓練佢. 每日做一個練習. 讚佢多O的. 慢慢開始有改善.

到升小二. 初初開始返學可能都要習慣返. 所以最初都會有功課要帶回家做. 但10月開始. 每天他也可以在功課輔導班做好晒, 就算未做好, 回家也會自己做完. 連功課輔導老師都有讚佢做得快. 之前仔寫字好醜. 現在也寫得很好.

我發覺. 讚真係好重要. 玩都好重要. 每個小朋友都好唔同. 有O的可以做晒功課先玩, 有O的就要玩佐先做功課. 我好明白樓主心情. 每晚回家都要面對同一件事. 但可以慢慢試下. 如果仔仔今日有5樣功課, 你回家時他巳做好了3樣, 你可以讚下佢. 自己好叻做了3樣, 每次都讚佢, 有時小朋友會對自己無信心. 覺得自己做不到, 我仔初初會成日竹我講, 我做唔到, 有時可能我地會講佐一O的說話另佢無佐信心. 所以要慢慢比返信心佢. 媽咪都對佢有信心. 我相信一定得的.

mrs_yeung_mama

樓主，明白在職媽媽既辛苦，我也是過來人。

可能小朋友欠缺推動力去做功課，試吓俾些鼓勵佢，例如佢做到你要求，可以帶佢去屋企樓下玩半小時，慢慢佢就會自動自覺地完成。

mrs_yeung_mama

sumpo 發表於 20-11-13 23:31
其實係好難，尤其係你地上班一族，佢地更加覺得，可以偷懶咁，不過我地ftm嘅，日日對住，亦可能變左依賴， ...

講得太啱了！十個成績好的小學生，有八個靠阿媽背後發功，或者私補，餘下的肯自律做功課再自己溫習，真係難得。

sumpo

ahyu_0805 發表於 20-11-5 00:40
我都有同感，就係咁我先唔太想佢去補習班，因為都係靠自己做，佢只會坐足幾個鐘好慢咁，最後抄答案，我做 ...

其實係好難，尤其係你地上班一族，佢地更加覺得，可以偷懶咁，不過我地ftm嘅，日日對住，亦可能變左依賴，唉…其實真係好頭痛……
宜家呢代小朋友真係太幸福，以前我細過時，會識驚測驗考試，宜家好似變左阿媽要去考咁……考得好就冇話提下阿媽管教得好，考得唔好，就第一時間覺得係個阿媽唔好，冇提你，冇幫你溫書……做人阿媽甚艱難……

ahyu_0805

sumpo 發表於 20-11-3 22:39
其實佢係想你花時間倍佢，的確生活迫人，唔係個個有時間可以驣出，其實布幼稚園有功課開始時，已不過比佢 ...

我都有同感，就係咁我先唔太想佢去補習班，因為都係靠自己做，佢只會坐足幾個鐘好慢咁，最後抄答案，我做過補習社自己都知咩事⋯

日日都係咁，我都谷到頂唔順，想索性佢啲學業變成點都唔理算了。長年累月咩方法都試過，今日先諗到底係咪要我辭埋份工嚟日日陪佢做功課先安樂，但唔通咁佢自己就會有責任心咩，唉

sumpo

ahyu_0805 發表於 20-10-21 07:13
好想大家俾啲意見，或者呷下都好，我真係忍唔住...

我返工，小朋友由幼稚園開始，放工要去保姆姨姨到湊放 ...

其實佢係想你花時間倍佢，的確生活迫人，唔係個個有時間可以驣出，其實布幼稚園有功課開始時，已不過比佢抬慢，到現在小二，佢已習慣左慢，即使肯做，都要花更多時間，就算講咩讀寫障礙好，乜都好，點都係要花時間同佢做。
補習其實唔係個個work, 要搵單對單，otherwise搵功課班，其實都只係，己做，到唔識可能有得問, or可能解唔明直情講答案咁，所以我覺得幫助不大。

JojoDad

回覆 Pigdripy 的帖子

路过搭下嘴， 我个女今年刚从地区小学升英中，六年来80% 7点前做完功课，可以分享一下心得：
1. 养成习惯 - 小一时为了巩固她每天依时完成功课，整个小一把她送到功课补习班，未做完不能回家吃饭。我六点半下班也想把她接回，但好多时都在班房外面等。这样她就知道爸爸也与她一起挨无晚饭吃，所以她就尽快做完，回家吃完晚饭后，就是她自己的玩乐时间。

2. 不感孤单 - 小二时，我因为身体出现问题，只上半天工。工人姐姐接她回家后，洗澡后通常四点半她就开始做功课，我约差不多回到家，和衣后坐在他身边看书，除给女儿安全感外，亦间接督促着她做功课，有不懂不明白的，立刻有爸爸支援，所以也通常7点前完成。

3. 专注 - 这一点我多谢小学的社工，她告诉我如何尽量减少隔绝周围可令小朋友分心的事物。 远离一切电视电脑，他平常玩的玩具，笔袋颜色笔等等。只留下铅笔、间尺、察胶及所要完成的功课，尽量专注要完成的事。


现时中一了，我就慢慢放手，她自己做功课温书，再不用以前一样坐在旁边了。希望这些能有用。


#我只懂拼音输入，所以只出简体，盼谅。

travisho

回覆 Pigdripy 的帖子

我都想請個姐姐上門教功課, 邊度搵到咁平?

happy_girl0913

b3410 發表於 20-10-21 16:12
可否換一個角度睇，小朋友的問題主要係做功課慢/或者唔想做功課。養成好習慣是首要任務。

我同意適當俾佢玩下，做自己鐘意做既事情先。因為我女之前都係咁，佢哋學校功課多（小一），佢做得慢，我又怕佢習慣慢慢做，所以一放學，食完飯就開始做功課，佢好抗拒，做得更慢又做錯。之後我放鬆自己諗過，原來我女好想返到屋企玩玩具，relax 完之後，佢做功課快咗，有時仲要自己可以完成到。既然你小朋友平時成績唔差，上堂一定有專心聽，希望你都放鬆一下自己，對大家都有意外收穫！加油！

TwinWong

ahyu_0805 發表於 20-10-21 16:40
評估過冇問題，係專注力差啲，但未去到有問題要處理咁。佢考試同成績都唔係差，普普通通
...

專注力差要分時段 , 半小時完成几多, 都要比 休息10分鐘
唔好夾硬要佢完成, 太吃力佢就抗拒

ahyu_0805

TwinWong 發表於 20-10-21 16:15
有無評估過係咪學習上有點障礙?

評估過冇問題，係專注力差啲，但未去到有問題要處理咁。佢考試同成績都唔係差，普普通通

TwinWong

ahyu_0805 發表於 20-10-21 15:50
正常，應該唔係關功課問題，因為幼稚園佢日日做個幾鐘好慢，我有問過老師其他小朋友係咪咁，老師話啲同學 ...

有無評估過係咪學習上有點障礙?

b3410

可否換一個角度睇，小朋友的問題主要係做功課慢/或者唔想做功課。養成好習慣是首要任務。



可以幫助佢改善的人，應該唔係保姆姨姨，媽媽困獸鬥幾年，睇來機會也不大。

可否考慮放學後在姨姨處，冇再嘥時間做功課，玩手指。反而俾佢玩/休息/睇書/睇英文卡通/新聞，做佢自己比較開心的事。三個小時豪俾佢，希望小朋友開開心心，recharge.



媽媽接番屋企，試試請個補習姐姐，一個小時左右，希望可以培養到小朋友自己肯做功課，學習。

媽媽專心煮飯做家務。

或者唔請外援，功課等食完晚餐再做。
媽媽就當係親子時間。
如果效率高，應該1小時可以完成功課。

ahyu_0805

Pigdripy 發表於 20-10-21 13:20
如果搵上門功課+補習姐姐，$90-120 一個小時，可以幫你解決交通、功課慢、心散的問題。都可以考慮 wo。 利 ...

當佢收三點半返全日，我六點半先接到，每日3個鐘，一個月都$5400

ahyu_0805

TwinWong 發表於 20-10-21 15:33
依間學校係咪好多功課?

正常，應該唔係關功課問題，因為幼稚園佢日日做個幾鐘好慢，我有問過老師其他小朋友係咪咁，老師話啲同學仔好多五至十分鐘已經寫完，事實亦的確唔係難/多

TwinWong

ahyu_0805 發表於 20-10-21 07:13
好想大家俾啲意見，或者呷下都好，我真係忍唔住...

我返工，小朋友由幼稚園開始，放工要去保姆姨姨到湊放 ...

依間學校係咪好多功課?

Pigdripy

ahyu_0805 發表於 20-10-21 12:06
我有同問佢，佢話唔想做。我有解釋俾佢聽，點解要做，大人返工都有大人既責任要完成，基本上乜都講曬，氹 ...

如果搵上門功課+補習姐姐，$90-120 一個小時，可以幫你解決交通、功課慢、心散的問題。都可以考慮 wo。 利申，我只是媽媽，純比意見。