所謂小朋友受唔受谷

skb2015

請問大家係點理解同介定自己小朋友係咪谷得果類？

我小朋友讀緊happy school券幼，功課唔多每日好快做晒，只外補phonics。佢間唔中會扭計唔做我買的練字習作，但要迫的話角力一輪都會做。

我揀學校唔知應唔應該揀好谷的（報名時報左唔同類型的學校），老公話谷到黎佢就受到架啦。請問大家點睇自已小朋友係咪受得谷果類型？謝謝

valentinored

我兩個小朋友讀同一間學券happy 幼稚園, 功課超簡單, 兩個人會自動完成, 但大B整整齊齊, 細B歪歪斜斜, 我無因為性格去搵學校, 事實亦根本不由我控制, 結果大B在傳統小學尚算穩定, 細B的求求其其性格在直資也”發揚光大”, 有時我會諗, 如果細B也在傳統小學, 馬虎性格可能會稍稍收斂

fwstides

mnhk 發表於 20-10-20 07:20
谷唔谷得同讀唔讀到書可以係2回事，有小朋友唔鍾意做功課但可以好叻，有d可以做勁多抄寫功課但唔理解課本講 ...

天才波
大個成就更高

miss0101

EudyptulaMinor 發表於 20-10-20 00:52
我女就係唔願意抄寫中文，英數好谷得，課外練習我不停買，佢一有新嘅就不停做，做到我叫佢停都唔肯停，仲 ...

同我仔好似，係唔鐘意抄寫文。

mnhk

谷唔谷得同讀唔讀到書可以係2回事，有小朋友唔鍾意做功課但可以好叻，有d可以做勁多抄寫功課但唔理解課本講乜。
所以你揀一間適合佢地既學校較重要

EudyptulaMinor

miss0101 發表於 20-10-19 10:02
如果抄寫中文字拖拖拉拉,抄寫英文樂意，抄寫數學喜歡，
是不能谷中文，但英，數受谷嗎，

我女就係唔願意抄寫中文，英數好谷得，課外練習我不停買，佢一有新嘅就不停做，做到我叫佢停都唔肯停，仲逼我唔瞓覺陪佢做，依家復課我就唔再買練習，唔俾佢晚晚咁夜瞓。我諗佢只要唔係抄寫中文字就好谷得，仲係自谷唔洗我操心，可惜我哋起步遲，暫時咩offer都冇，2nd in都未有，一切隨緣，我都係會揀唔催谷小學。

kimlam953

993rs 發表於 20-10-19 13:52
其實受唔受谷、同揀咩學校冇必然關系。佢唔受谷當然可選擇情況下揀d冇咁谷既學校，佢受谷為何一定要揀谷既 ...

我同意你所講

kimlam953

993rs 發表於 20-10-19 13:45
唔受谷既小朋友係...
你唔迫佢固然唔會自己做，你迫+從旁指導都好，依然做得好慢、好易出 careless mistak ...

我大個，你以上所講嘅谷同唔谷嘅特徵都有，但我都覺佢係唔谷得，要迫先做，即使做得好，我覺得都係唔谷得嘅特徵

或者咁講，我覺得谷得嘅定義係小朋友做唔鐘意嘅學習時，能否仲乖乖咁去做？態度才是谷唔谷得嘅重點吧（我覺得）

993rs

其實受唔受谷、同揀咩學校冇必然關系。佢唔受谷當然可選擇情況下揀d冇咁谷既學校，佢受谷為何一定要揀谷既學校？換一個角度，我覺得受得谷既小朋友更加需要系活動教學既地方學習，令佢更適應日後多變既社會。呢樣反而係家長想小朋友接受什麼類形教育既問題。

993rs

唔受谷既小朋友係...
你唔迫佢固然唔會自己做，你迫+從旁指導都好，依然做得好慢、好易出 careless mistake、繼而更慢。academic 所有事都冇成就感，越來越冇興趣，但功課唔可以唔交、書唔可以唔溫既情況下，家長只有繼績嚴緊地緊跟，小朋友感到壓力，情緒慢慢谷到爆返出來，而佢爆多幾次、家長都頂唔順，爆返佢轉頭，始終無助做功課、測考。最終全家情緒都受到極大牽動。

但搞清楚，呢種小朋友唔代表冇長處，亦唔代表讀唔成書，我相信搵到佢有興趣既事、好奇心，依然可激發佢對知識既探求，從而回歸到書本，只係傳統學制無法cater 到。

受谷既小朋友....

學術上係醒d，就算明知佢係懶、甚至唔鐘意某科目、抗拒都好，你迫佢、佢點都會快快手搞掂，然後做佢鐘意既野。搵到方法 trigger 到佢，甚至可以超額完成。我小朋友好憎中文認字、但好鐘意比賽，當年將要測考既中字做左套字卡比佢，同佢比賽鬥快認字（當然我讓賽），佢一、兩日記得晒要記既字。

minichong28

回覆 小曳人 的帖子

同意呀, 如果家長肯花精神時間去跟功課, 其實小朋友係可以谷到的

小曳人

其實我唔知咩叫受谷，不過如果轉一轉，小朋友肯唔肯坐定定、快快手做功課，咁會唔會簡單d呢？

唔願意可以有唔同原因，未必同聰唔聰明有關，而KG時合作，亦唔代表上到小學會合作，所以，要估埋小朋友性格發展...


不如咁講，除咗問孩子谷唔谷得，不如問埋自己想唔想貼身跟功課

mcl203

miss0101 發表於 20-10-19 10:02
如果抄寫中文字拖拖拉拉,抄寫英文樂意，抄寫數學喜歡，
是不能谷中文，但英，數受谷嗎，

我估，受唔受谷係視乎學校嘅教學模式和要求，並非來自家長。學校唔谷，小朋友就自然輕鬆得多，家長配合學校指示就已經OK。除非，家長目標係超前教育，為以後去插班～～～

kimlam953

miss0101 發表於 20-10-19 10:02
如果抄寫中文字拖拖拉拉,抄寫英文樂意，抄寫數學喜歡，
是不能谷中文，但英，數受谷嗎，

我唔知，我個係中英數都唔會鐘意寫。
上年佢有谷小及happy小收，我地幫佢選左happy小。而家當然覺得選得啱，因為真係俾到空間佢改及慢慢進步。

好似默書咁，人家津校已默左幾次中英默，我地下星期才第一次英默，仲要默好簡單嘅字。但呢個星期六我見佢好有自信咁自己溫自己改，又真係覺得慢啲係可培養到學習興趣又者唔抗拒先啦（只係我小朋友係咁，我知呢到好多天才仲要好自律個隻，好可惜我個唔係，所以麻煩非喜勿插）

miss0101

kimlam953 發表於 20-10-19 09:50
我家聰明啲那位是不受谷，佢k2已睇chapter book, 百科全書 documentary 但叫佢寫字會拖拖拉拉。自己寫書又 ...

如果抄寫中文字拖拖拉拉,抄寫英文樂意，抄寫數學喜歡，
是不能谷中文，但英，數受谷嗎，

不過我覺得香港教育制度就是，

Happy都係要抄寫，除非某些私校/國際學校先唔需要。

學校唔谷，就要靠家長用自己方法同個小朋友溫習，唔係都係跟唔上。

kimlam953

kenyuenkc 發表於 20-10-19 00:26
受谷既小朋友一般係聰明啲

受谷既原因可能係，佢能力可以應付得到，所以你覺得佢仲有好深既潛質

我家聰明啲那位是不受谷，佢k2已睇chapter book, 百科全書 documentary 但叫佢寫字會拖拖拉拉。自己寫書又唔會個喎

反而資質及記性一般那位，主動做功課，寫字靚，經常係黑板主動默寫返認到嘅字（k1時），我覺得呢個叫谷得

miss0101

Azzurro 發表於 20-10-19 08:51
小朋友做作業快或者喜歡做作業，係因為已經輕鬆駕馭功課，覺得很過癮
說明平常多閱讀

同意呀，我仔喜歡英文，不太喜歡中文，
因為他喜歡看英文圖書，看得明白故事內容，

以及做英文練習時，係自動波不停做，同埋喜歡做。

反而中文決小動力，因為很多字他看不懂，

記得前幾天，他說一本中文圖書，全頁都是字，他看不懂，

打算放棄不去看，後來我閱讀給他聽，他非常喜歡故事內容，

說到口水乾都叫我讀。

所以我決心這半年，幫他記多點中文字，和多閱讀中文書。

Azzurro

小朋友做作業快或者喜歡做作業，係因為已經輕鬆駕馭功課，覺得很過癮
說明平常多閱讀

如果小朋友唔鍾意做，唔係因為做得唔夠，係因為閱讀不足，我認為
所以解決辦法係多閱讀，而唔係強迫做更多作業

幼稚園階段作業涉及中文字或英文字理解問題
理解問題才能寫出來
理解問題需要多閱讀，沒有其他解決辦法



我認為我小朋友受谷
不過我不喜歡谷學校，因為不喜歡小朋友寫作業
有時間更多閱讀，受益週期更長

kenyuenkc

受谷既小朋友一般係聰明啲

受谷既原因可能係，佢能力可以應付得到，所以你覺得佢仲有好深既潛質

skb2015

謝謝大家

我小朋友上課時唔算專心。做功課就睇狀態，多數要有人督促一下會好啲。一般學校工作紙比較簡單，佢亦願意做同做得好快。但我買的抄寫練字習作就成日又氹又哦先做，狀態差時會做成個幾兩個鐘先寫完。不過佢自己會拎圖書同課本睇，心情好時會自動自覺朗讀。

我另一半覺得佢以上的行為心態反映佢係做到同受谷的，同埋佢再大一點會容易講道理叫佢自動波讀書做功課。我就覺得佢比較反抗抄寫記字，覺得佢唔受谷的。

我地報左唔同類型學校，都想趁仲有半年時間俾我地再觀察一下小朋友適合咩學校。

我個人覺得谷的學校多是抄寫功課和點書測驗多。我自己唔怕陪佢做功課同溫書，係怕佢谷唔起之餘又傷晒親子關係...