如果再選擇一次，你們會幾時開始讀國際學校？

kml32

［長文慎入］
有兩個小朋友，大既剛直資P1, 細嘅剛K2，一早已經唔想傳統學校，所以幼稚園都係bilingual, 上年已經同大嗰個考直私。依家細嘅都要準備，因為性格不同,開始explore 國際學校.

其實我們長遠都係認同國際學校的教學模式, 只係時間問題，所以曾經有閃念，如果細嗰個考到，大嗰個都會一齊轉IS.

經過一段時間的資料蒐集, 自己都思考掙扎過, 亦請教過各位師兄師姐. 最後都是決定，好大機會在LS 完成primary (or lower primary),  之後先會轉IS

其中一個原因係中文問題(相信很多師兄師姐都已經討論過). 但另一個原因, 其實係文化根基。當然，每一種語文都有其實用性，英文無疑仍然是全世界最通用語言，中文亦將會成為下一趨勢，但另一方面，我們希望小朋友有自己一個文化根基，知道自己在哪裏出生，自己的社會文化是怎樣，咁樣到時佢大個咗，就算係一個世界公民，都唔會係一個浪人，我覺得咁樣對佢哋嘅一生會踏實好多。

當然都衡量過輕重，知道如果係year 1 ( or even reception) 盡早IS, 學習效果可能更好，英文更加native。而且如果遲啲入,  條隊有可能排耐啲, 難度亦可能提高左。但係針冇兩頭利，始終都要有個取捨。

我們暫時選擇了LS 讀幾年先, 打好兩文三語基礎，鞏固文化根基。同時都留意住IS動向, 過幾年再抉擇.

如果大家再選擇一次，你哋又會幾時開始讀國際學校呢？（純粹意見交流，不喜勿插）

gracedolly

mindfulmom 發表於 20-10-16 20:31
同意呀，其實名校呢條路既出路係好predictable，反而揀IS係可以有好多可能性，包括一般人所諗既「讀唔成書 ...

係喎。的囡想長大做畫家 XD 我支持她自由發展的，有夢想肯學習就好了 XD

細佬Bebe

mindfulmom 發表於 20-10-16 20:31
同意呀，其實名校呢條路既出路係好predictable，反而揀IS係可以有好多可能性，包括一般人所諗既「讀唔成書 ...

真心想佢地快快樂樂地飛翔 想飛去邊就飛去邊 唔一定飛得更高更遠

mindfulmom

boyzzzz 發表於 20-10-16 12:29
本帖最後由 boyzzzz 於 20-10-16 12:31 編輯

Well said。其實有一批中產IS家長就係不希望安排小朋友只 ...

同意呀，其實名校呢條路既出路係好predictable，反而揀IS係可以有好多可能性，包括一般人所諗既「讀唔成書」，可能小朋友長大後會揀左一條按住佢既passion而行既路，而唔一定係大學、專業資格等。我諗尊重小朋友的需要，比機會佢有不同的可能性，係好錫子女又好open minded的做法。

boyzzzz

ZackMama 發表於 20-10-7 09:27
回覆 timzoeydon 的帖子

有好多家長並唔認同小朋友係獨立個體，覺得佢地係父母嘅附屬品，父母供書教學，就 ...

Well said。其實有一批中產IS家長就係不希望安排小朋友只行一條同自己一樣嘅路：傳統教會/band1學校-三大-專業資格-搵工-買樓-結婚-生仔-買車-幫仔女考名幼/小/中/大學-退休⋯⋯
佢哋想要自己仔女行返依條路仲易，因為自己本身行過，知道啲game點玩；反而就係想比下一代多一個選擇，比新世代更廣發展空間。

boyzzzz

gracedolly 發表於 20-10-6 23:18
再選一次也是一樣。會2歲入國際學校。
我囡2歲入耀中，至完成小學
現在中學，在KGV

再選(細仔），也是盡早入學。大仔yr1入，細佬就K1就申請。

Osiana

細佬Bebe 發表於 20-10-15 06:35
本帖最後由 細佬Bebe 於 20-10-15 06:36 編輯

原生家庭呢點提出得好好

it takes a village to raise a child.

964000

ZackMama 發表於 20-10-7 09:27
回覆 timzoeydon 的帖子

有好多家長並唔認同小朋友係獨立個體，覺得佢地係父母嘅附屬品，父母供書教學，就 ...

絕對家庭影響更大，由於我們一代普遍已受傳統一套影響很深，所以入IS學下野感受下西方教育文化，家長應該開放入，中西融匯一下。

964000

Delete

964000

細佬Bebe 發表於 20-10-15 06:35
本帖最後由 細佬Bebe 於 20-10-15 06:36 編輯

原生家庭呢點提出得好好

道出東西方對小孩不同的看法，傳統小孩是大人附屬品，在IS大的小朋友也不認為是這樣。

細佬Bebe

timzoeydon 發表於 20-10-7 09:44
回覆 ZackMama 的帖子

所以其實讀乜嘢學校都係假，原生家庭對小朋友影響係最大。

原生家庭呢點提出得好好

香港人對原生家庭對小朋友影響呢方面既認知未係好普及 所以普遍過份重視子女既自生成長 而忽略左我地作為家長都應該要一齊成長

我小朋友學校手冊quote左Kahlil Gibran Speak to us of Children.
我覺得很有意思 想同ek parents分享 共勉之

Quote:

Your children are not your children.
They are the sons and daughters of Life’s longing for itself.
They come through you but not from you,
And though they are with you yet they belong not to you.

You may give them your love but not your thoughts,
For they have their own thoughts.
You may house their bodies but not their souls,
For their souls dwell in the house of tomorrow, which you cannot visit, not even in your dreams.
You may strive to be like them, but seek not to make them like you.
For life goes not backward nor tarries with yesterday.
You are the bows from which your children as living arrows are sent forth.
The archer sees the mark upon the path of the infinite, and He bends you with His might that His arrows may go swift and far.
Let your bending in the archer’s hand be for gladness;
For even as He loves the arrow that flies, so He loves also the bow that is stable.

icloud

timzoeydon 發表於 20-10-7 09:34
回覆 icloud 的帖子

我自己教小朋友係一種持之以恆嘅狀態即係由一兩歲開始都會同佢行街睇下d路牌，餐廳名 ...

謝謝你分享！你真係好媽媽！

timzoeydon

回覆 ZackMama 的帖子

所以其實讀乜嘢學校都係假，原生家庭對小朋友影響係最大。
所以在香港好多小朋友都有精神問題情緒問題，父母喺香港生活壓力大，又會將啲壓力畀返小朋友，沒完沒了。

父母走唔出自己嘅框框，逃離唔到自己嘅困惑，又逃離唔到外界嘅批判，同埋朋輩之間嘅壓力，漸漸地都會用香港嘅普遍標準去框住自己個小朋友。

timzoeydon

回覆 icloud 的帖子

我自己教小朋友係一種持之以恆嘅狀態即係由一兩歲開始都會同佢行街睇下d路牌，餐廳名，地鐵站名等等，等佢知道世界上除咗英文仲有一種文字。

由於IS中文唔會好密集式嘅教學，所以反而家長可以自己調校用乜嘢方法或者教幾多去配合個小朋友，當然如果父母是但一方係本身講中文嘅就會更好，因為小朋友聽得多有時啲詞語會有印象。

如果以我自己嚟講我就除咗出街會同小朋友望下周圍嘅中文字，就會比較多叫佢寫類似日記嘅嘢，例如今日去過公園玩車，咁返到去我哋就試下學寫一句今日玩車，今日看花，今日去公公家等等

由一啲好簡單嘅中文字同埋今日發生過嘅事叫佢寫，可能今個星期係重複寫「今日」，下個星期就同佢寫，我今日吃魚，我今日吃牛肉，我今日吃水果，類似呢啲比較簡單嘅字，但今日又有發生過，咁佢每日寫一句其實都會容易記得。

其實題材都係任你發揮，有時我都會同佢玩字咭，今日抽兩個字去試下記，記唔到唔緊要，有時啲字我唔會刻意去教佢筆劃，反而佢叫佢試下用自己方式好似畫圖畫噉樣佢覺得點樣畫出嚟就畫，畫完之後你再慢慢糾正佢應該寫邊一筆先。

有時候都唔一定我話叫佢寫乜就寫乜，可能佢話佢自己今日想寫乜嘢是但寫一句或者兩個字，都好，其實你每日肯花少少時間同佢做呢樣嘢，又唔需要刻意同佢講默書，唔需要鬥分數，唔需要抄書，其實小朋友個感覺就會好好多都會願意去學。

其實學中文題材係可以好多，就算我哋去餐廳食嘢攞住張點餐紙都會同佢睇下啲中文字就地取材，唔需要刻意一定要做練習或者去記字卡，學中文反而我覺得日常生活中慢慢滲入式教佢睇教佢寫會容易過你真係攞本書叫佢去記。

ZackMama

回覆 timzoeydon 的帖子

有好多家長並唔認同小朋友係獨立個體，覺得佢地係父母嘅附屬品，父母供書教學，就係為小朋友大個賺到錢養返佢地。認識嘅朋友裡面，就算IS家長都有呢種人。你話要佢地俾小朋友選擇自己喜歡嘅路嚟行？佢地會覺得你離地，父母俾咁多錢小朋友讀IS，小朋友就應該要讀神科賺大錢孝敬父母咁話。
另外仲有一批父母，例如因為各樣原因冇得讀大學，就會安排小朋友行一條路，去完成父母嘅心願，即係「全個家族都冇人讀到大學，我小朋友做到」，咁就光宗耀祖啦！咁嘅思維吓，聽教聽話係必須嘅！

至於喺呢方面，到底係父母對小朋友影響大啲？定係教育影響大啲？真係有排拗（討論）！

timzoeydon

回覆 Osiana 的帖子

我小朋友都係一樣好享受佢喺學校以外嘅時間可以讀其他圖書，認識其他嘢，再引發其他興趣。
小朋友都應該喺童年時間有佢自己嘅生活，work life balance.

所以小朋友好清楚知道放學之後佢嗰啲係全部私人時間，反而會諗下今日放學想做啲乜嘢，例如畫下畫，砌下砌圖，睇下圖書，去公園玩，或學下音樂運動等等，自己安排一啲感興趣嘅嘢去做，噉樣先至享受緊佢自己嘅生活，並不是放學之後仲要追返今日嘅課程，做返今日教過嘅嘢，好似放咗學都冇自己嘅生話咁。

timzoeydon

回覆 964000 的帖子

其實小朋友嘅出發點係想完成老師對佢哋嘅要求，嗰個小朋友係好享受自己一個人完成嗰種滿足感，所以佢唔畀家長睇，係想有呢一份滿足感，反而我覺得家長唔信個小朋友，死都要睇，個家長有啲問題，可能個家長自己都唔係好適合IS
我小朋友都有要獨立完成嘅功課, 老師係會同家長溝通咗希望小朋友自己去完成, 我反而會鼓勵佢自己想點做就點做，爸爸媽媽唔會畀意見, 你覺得好就自己交畀老師。

反而我覺得唔係讀IS問題, 係有啲家長自己要調教下自己, 點解可以做本地嗰套都用喺IS身上, 喺呢個Case上，我覺得個家長極度唔尊重個小朋友

IS好講求大家平等，個人主義同埋互相尊重，如果家長喺家庭教育方面配合唔到個小朋友，個小朋友就會好辛苦

964000

Osiana 發表於 20-10-7 05:40
同意。每個人有不同好孩子、好學生嘅定義。好多人都覺得乖乖地聽話先至叫做好孩子。

我覺得係一個套餐， ...

東西方對「孩子」有不同期望，
承傳中國傳統思想，LS骨子裏很注重「obedience」的精神，「操行分」主要是以小朋友有幾obedient打分，IS沒有操行分但不是不注品格，佢地係推崇「kindness」，所以你見D外國人可以收養殘疾兒童中國人一定唔會。其實obedient 的小孩子人見人愛個個讚乖家長至愛，社會多呢類人亦好管理，公司請左亦好洗好用，但研究顯示在權威下成長對創新innovative &  creativity 並無好處，西方是強調「independence」「self reliance」，東方家長可能全覺得wild ，各走極端亦不好所以凡事要平衡下。
在IS成長的小朋友會有機會跟很傳統的父母/姨媽親戚在價值觀上有衝突，到時有機會好多野睇唔順眼，這樣小朋友亦幸苦，我朋友同我呻佢女才七歲讀IS做完D功課收埋唔比佢睇，佢自己拿來看女就大發雷霆，說老師說那是independent work, 覺得家長唔應該搞佢D野，但家長覺得小朋友才七歲已經咁對我？咁係咪好難教呢？所以並非個個家庭適合從小IS。

Osiana

timzoeydon 發表於 20-10-5 09:51
回覆 Osiana 的帖子

我都想講呢個概念

同意。每個人有不同好孩子、好學生嘅定義。好多人都覺得乖乖地聽話先至叫做好孩子。

我覺得係一個套餐，讀 IS小朋友比較自由 、隨心，少思想及行為束縛／框框 （唔守規矩、曳），比較有自己想法 （駁咀），因為係學校環境俾到佢哋有咁嘅空間，有時間表達自己意見、問問題，所以係日常生活，小朋友都會以同樣精神去探索及了解世界，唔係只有老師嘅角度。所以，對於我地作為家長而本身係一個框框受教育長大嘅人嚟講，都會係一個挑戰。

LS係實在，實在得嚟好似倒模一樣。 反而我覺得 LS係廣而闊，課程要包括好多範疇，但不會作深入探討，深係因為一個課題無解釋無理解而覺得艱深。一個學年一個學科有4本課本又有練習，準時完成已經係好好，所以經常聽到老師家長話要趕課程，教得慢咗要追返，根本無時間去唸學生消化到，跟唔上就要外補。係IS 可能一個主題會學1個月以上，而且會以不同角度去睇及了解，小朋友係屋企可以跟個人興趣去睇多D書。

例如，我個女K2會學南極圈北極圈，佢學咗好多，好有興趣，跟住引發對地圖，氣候嘅興趣。

百貨應百客，學校課程一想樣道理。

pinkmania

kml32 發表於 20-9-25 10:23
［長文慎入］
有兩個小朋友，大既剛直資P1, 細嘅剛K2，一早已經唔想傳統學校，所以幼稚園都係bilingual, 上 ...

其實睇下你究竟buy邊一套，buy IS嘅就梗係越早越好。唔buy嘅就根本唔洗轉。
中文嘅話其實喺LS讀到小三/四嘅程度出去補請家教或自己教都一定achieve到，唔會係選擇LS/IS嘅critical point.

亦唔好忽視中途轉校對小朋友嘅衝擊，到高小好多時已form好晒social group, 要小朋友離開好友去新環境，仲要適應新嘅playground language未必個個開心。