私幼同券幼的分別

快樂火雞

新的學年已經開始，我相信有不少的家長手上都拿住一券一私的offer做最後的觀望。
我見有不少發言說券幼的學術不如私幼，我覺得有必要澄清這個迷思。

券幼同私幼最大的分別是有沒有參加免費優質幼兒園計劃。如果從錢的角度來講，注冊証等於三萬六千元的學費，如果是出名券幼，收生足的情況下，資源不輸一家學費四萬左右的私幼，舉例來説，培幼同KV的學費就是四萬上下。也就是說券幼的資源是足夠維持學術水平是到KV的Level。

當然券幼也是有限制的，因爲教育局要求券幼必須中文教學爲主，所以英文語境是比較受限的，不過對於怪獸家長來説，英文可以外補也不是問題。

所以講到幼稚園學費組成，從各幼稚園的師資組成來看，基本配備都係兩個班主任，加上體藝方面的老師
這個配備大約是符合三萬五學費的標準的，如果有每天教一小時英文，差不多要加一萬學費，如果是常駐NET班主任，那就要加兩萬學費。而英文以外的成本，主要是牟利部分和租金部分。
事實上，四萬學費以下的私幼，之所以不轉為券幼，主要原因是租金成本低，典型的如培幼SPK。
而四萬到五萬這個範圍的私幼，主要是爲了靈活性，可以添加大約半個net，這種一般會是教會學校，坑真堅真就比較典型。
至於超過五萬的學費，就包含一定程度利潤，通常來講，好普通的私幼都有機會收到六萬五以上的學費，原因有幾個，一個係需要NET班主任做招徠，成本高一些，一個係商場租金貴小小，最重要的是不太熱門，收生不足，平均成本高左。

説了這麽多廢話，小總結一下就是，不要迷信私幼的學術會好很多，私幼主要是把資源傾斜到了英文語境上，但係上課時間始終都是三小時，英文多了，就是中文數學體藝少了，資源傾斜的結果是壓縮其他的項目。

如果講到有一綫券幼的offer,比如聖心，靈糧堂這一檔，其實大可踢走私幼，留番金錢外補好過，一個月六七千的私幼學費可以補好多野。從學術考慮，無非係外補中文還是外補英文的分別。

快樂火雞

有d家長好有趣，讀個私幼讀到自己高人一等咁。我券私一起讀，還不至於給不起私幼的學費吧。

我都係同大家分析下券私在資源上會有什麼不同，如果傷左某些家長的自尊，那就當是我的錯

soha2018

tommyxsarah 發表於 20-10-23 00:41
呢個時勢..梗係讀卷幼拉
經濟唔好..私幼收生不足..
一環扣一環..最驚殺校...

如果家長本身有學識，有時間，有耐性，的確選擇卷幼都能教出優秀既學童來，因為佢地跟本唔係跟學校既野來教(emoji)

soha2018

自悲心發作的自專心表現典形例子...

其實做父母只要自己問心無愧，盡力而為就是，
的確唔係每個家庭能負擔私幼係事實，但2類學校因應2大類方向及能力人士而設（最少2類啦～(emoji)）冇咩好比較？！

lovelovebabe

我同意一點， 要顧及家庭經濟環境， 尤其是疫情下，唔好盲目去讀私幼，也有私幼名氣高但課程偏淺靠出去外補。

tommyxsarah

呢個時勢..梗係讀卷幼拉
經濟唔好..私幼收生不足..
一環扣一環..最驚殺校...

同埋其實好多老師寧願做卷幼都唔去私幼做...聽我朋友講..福利好d （但實際係唔係甘..我唔敢肯定）

同埋最重要最重要..係家長發功...
讀私幼..家長唔跟一樣廢武功..
不過讀得私幼又好多都比較緊張小朋友進度....唔係卷幼 同私幼程度分別..最主要係家長既分別

lovelovebabe

心聲，
我小朋友資質平庸，揀左私幼比佢谷下，眼見叻嘅同學真係學嘢學得好快好叻，而我嗰個都跟到個進度，但唔敢想像如果讀happy 又唔谷嘅幼，連而家得到嘅一般進度都可能會冇咗，anyway, 我小朋友返學返得好開心，未夠鐘就急住孭書包出門口，真係仲意返學。

快樂火雞

回覆 HCTY 的帖子

學校名就無謂講啦，都算有點名氣，不方便開名評論。其實係間私的英文少，所以才和券的進度差唔多。

HCTY

快樂火雞 發表於 20-10-15 14:18
開始讀券私差不多一個月。我發現私同券的分別沒有太大。
兩間學校的NET時長差不多，課程安排也相當接近。而 ...

請問讀邊間劵校？

Dybala

jwingbb 發表於 20-10-16 11:09
兩者根本冇得比較，即使同一小朋友同時有上券校私校都好，極其量你只可以做個針對嗰兩間券校私校既比 ...

冇錯, 我個女讀緊果間私幼除咗語境(真係淨係計speaking)之外, 其他無論中英數所學嘅知識同劵幼係冇分別

快樂火雞

回覆 myhappylife 的帖子

如果小朋友體力可以支持，我都屬意兩間。因為不是FTM，相比起由長老陪看電視，上多一個幼稚園更加適合

jwingbb

兩者根本冇得比較，即使同一小朋友同時有上券校私校都好，極其量你只可以做個針對嗰兩間券校私校既比較；每間學校課程深淺都唔一樣，我個女今年讀緊私校K2而家寫緊"大"字，同住既區內某熱門券校進度差唔多，但佢之前讀過N班既私校已經寫緊"手帕"了；而家學校教英文都冇乜針對要講完整句子，但同事讀緊券校K2既小朋友已經要識用英文講搭咩返學；我個女而家間私校教Phonics去到"W"，但之前讀過既私校已教到"AT"。簡單嚟講莫講話私/券有分別，私/私、券/券都可以有分別
我相信令家長們心儀既學校，唔會純因為佢係券校或私校，除非錢係一個最重要既因素。對我嚟講，學校既教學理念、用家既親身分享、學校設施配套等等呢啲因素對決定係咪啱我小朋友更為重要。

myhappylife

回覆 快樂火雞 的帖子

你小朋友而家反緊兩間? 會繼續嗎?

快樂火雞

開始讀券私差不多一個月。我發現私同券的分別沒有太大。
兩間學校的NET時長差不多，課程安排也相當接近。而且間券反而更谷小小。

都係一句，券私的分別沒有一些家長想象的那麼大

janicy

joyce_yanli 發表於 20-10-14 10:17
讀過私校,而家讀資助學校
追求語境/學術一定係私校
但最重要係家長跟進

以前參觀過一間私校嘅open day，屬於平嘅地區性私校，個net活動完我想同佢傾幾句了解下個課程，發現佢嘅英文完全唔得，應該係東歐人,得白皮膚呃人！

kimlam953

yey883 發表於 20-9-26 23:05
回覆 快樂火雞 的帖子

我小朋友讀過聖羅撒 KM同KV，老實講，KM KV深好多

我大ge私幼, 細ge學卷, 我又唔覺深淺爭好遠喎

kimlam953

janicy 發表於 20-10-14 17:09
6年前為大女揀幼稚園時，一樣大把討論究竟學券定私幼， 最終我哋揀咗私幼，因課程甚至茶點等都比較適合，其 ...

小兒讀緊直資, 我又唔覺得學卷好少, 1/3吧

janicy

6年前為大女揀幼稚園時，一樣大把討論究竟學券定私幼， 最終我哋揀咗私幼，因課程甚至茶點等都比較適合，其實間私校唔係好出名，因從來只會喺open day 先張貼考入小學嘅名單，不過其實8成班裏面嘅學生都考到心儀嘅私小或直資，我女就入咗讀受歡迎嘅私校，宜家佢3年級，一睇但裏面嘅其他同學，就唔難搵到其實真係冇乜一兩個係讀學劵嘅幼稚園，有都係因為有家長，就算有兄弟姊妹讀緊，好多時細個個都會入私校唔會揀學劵

joyce_yanli

讀過私校,而家讀資助學校
追求語境/學術一定係私校
但最重要係家長跟進

之前讀私校(出名好語境),一心英文交俾學校,自己跟中文
但發現原來唔得
ZOOM見哂真章
NET老師都會呃飯食,可以唔記得上ZOOM,冇備課
所謂的Story and tell係30分鐘俾2x學生tell, 每人講得一句
老師的comment係nice, very nice
我亦發現班上英文好的同學係屋企本身已經強

我唔認同學術好=英文好
現今香港係要求兩文三語

b3410

蚊蚊mosquito 發表於 20-9-27 07:54
講到尾，以前未有學卷/幼稚園教育計劃，所有幼稚園咪都係私校。

而家幼稚園拎政府錢，咪要跟教育局rule玩 ...

問題係唔想俾一田價錢買野，結果發現質素差過百佳，更差過街市。