N班退不退學

Jeana88

準備在9月份入讀幼稚園n班，但係疫情這樣子，究竟退不退學比較好？你地n班有退學嗎？。假如退學就虧了註冊費同床單被單費而已。呢間係屋邨全日幼稚園，可以直升k班，但係又覺得用錢留住個屋邨幼稚園的學位好不值得，畢竟不知道幾時允許面授開學。但係又怕疫情會好快過去，想讀，又找不到幼稚園全日n班讀書。好糾結，求意見。

fasola

唔好預有託管
現時係類似3號風球狀態. 多數學校係預你好急先至俾你留仔女係學校.
預設係唔開放. 家長無可能日日放仔女係學校. 個個都咁做, 豈不是無停課

codyalbert

卷幼支援看一間間, 朋友讀聖彼得堂, 一星期三次Zoom 又有NET,
一級得三十幾人, 照顧得好好

50267612

Jeana88 發表於 20-8-23 23:54
準備在9月份入讀幼稚園n班，但係疫情這樣子，究竟退不退學比較好？你地n班有退學嗎？。假如退學就虧了註冊 ...

退吧！把資源留給有需要的人吧！

kisani

另外，學費有所調節，而幼稚園嘅"產物"都早已改變，家長要調節心態唔好淨係不停同舊時比較，太離地...疫情下其實我覺得私vs卷嘅距離拉得仲遠...卷幼老師仍要照顧小朋友亦受教育局指引所限難行zoom教學;私幼家庭本身較多support，較少家長送小朋友返學令老師能專注轉型改curriculum design去迎合網課需要，始終私幼要做生意就要令家長滿意，應變得快好多。(利申，大寶剛k3全日卷幼畢業，讀左4年，細寶剛讀私幼，對兩邊網課安排上有感而發)

卷幼: 免費/學費較平，託管功效仍在，通常同區更近屋企(方便拎功課)，慳左校車費，家長同區多較同聲同氣，缺點係學校較少資源同經驗處理遙距上課，冇zoom/少zoom, video係有少少成效但冇左老師同學生互動同觀察學生、改功課同比feedback依part係差好遠，升小較少support

私幼/名幼: 優點係學術較有保障，有人話語境差左唔值原來學費，但日日zoom足近半日加埋星期六一節zoom其實語境方面已盡力補救。大部分私幼老師照要求學生交功課，改功課比feedback, 實時上課並會持續觀察學生發展。升小support依舊有只係轉左zoom練習，不過而家面試都轉左拍片/zoom in, 其實都relevant.仲有係升小有私幼/名幼身份較易喺portfolio screening 中突圍而出，直私2nd in同一線叩門offer果班大多私幼出身。缺點當然係學費(較)貴，但唔好同舊時比，如果本身見到私幼真正value果班應該未必會郁。

kisani

Jeana88 發表於 20-8-23 23:54
準備在9月份入讀幼稚園n班，但係疫情這樣子，究竟退不退學比較好？你地n班有退學嗎？。假如退學就虧了註冊 ...

或者你先問問自己最初報讀全日N班嘅初衷? 託管? 疫情下全日N多數仍開放比有需要家庭作日託，此功能不受影響。社交? 在家0社交，在校半日/全日N就算復課後都相對以往少左社交; 保留k1位? 今年9月再報過k1，坊間應該不乏學位，只係入唔返你原來果間了; 近屋企? 學費? 試下將各因素排序唔難等出答案，其他人好難答到你。不過你都要諗，如果疫情反復 (即停幾個月，開學幾個月格住咁)，咁到時你想小朋友有個點嘅幼稚園生活? 諗4年唔只係N, 因疫情難斷尾，而私vs卷，半日vs長日喺疫情下停面授嘅影響程度都唔同。

bayshorebb

Jeana88 發表於 20-8-23 23:54
準備在9月份入讀幼稚園n班，但係疫情這樣子，究竟退不退學比較好？你地n班有退學嗎？。假如退學就虧了註冊 ...

其實你有答案，既然"好不值得"，就退學，等疫情過去，復課再報學校