轉監護人一問

patell_au

本身諗住間監護公司啲人識講中文先用, 但簽咗之後佢地啲email同msg回復永遠都係中文問佢, 用英文答咁濟, 我識睇但真係吃力囉, 如果搞得掂唔使要咁貴搵佢地啦  (本身係貪佢地用中文)
好啦, 咁本身有個監護主任跟開, 都係講中文,. 點知佢地成日轉人, 都唔知轉咗幾多手啦, 依家都唔知邊個跟緊,  MSG永遠都係遲幾日覆甚至成個星期覆 (依然係英文), 好似孤兒仔咁冇人理!
3月到依家, 雖然冇返英國, 但學校都有好多email, 佢地就完全無人跟, 但錢就收足晒, 學校有online schooling都故且減咗學費啦, 3月到依家, 間監護公司可以咩都冇, 都唔好話有冇錢退減, 就開學呢個學期啲homestay家庭都未有消息, 個group完全冇人講過嘢, 學校啲表同email全部都係我自己覆返晒!

真係一肚氣..純粹想發洩下, 同埋依家都過咗第一年, 其實好多嘢自己做返都冇分別, 有冇平平地掛個名嘅監護人推介?

Wilfredma

- delete -

katrinafu

patell_au 發表於 20-9-1 01:16
唔係呱..我之前冇為意終止合約要一個學期通知，仲要用埋呢個學期呀！諗緊好唔好直接當蝕俾佢算，反正佢哋咩 ...

你要在未開學時要同監護人公司說明下學期不再使用服務， 要有一整個學期 。
如果你開學先提出 ， 有機會要用埋下一個學期先可取消服務。

patell_au

katrinafu 發表於 20-8-31 19:03
你搵監護人時要講明你的要求 ， 因為不同Plan不同的價錢和服務，你要講清楚要跟埋學校通告/ 回覆等。

我 ...

你用緊邊間？佢係乾乾脆脆有咩嘢唔跟係冇問題，問題係佢寫明會包嘅service冇一樣做到！

patell_au

jamhappybobo 發表於 20-8-31 18:10
咁你攞返錢未？我追咗佢幾個月都未有回覆

唔係呱..我之前冇為意終止合約要一個學期通知，仲要用埋呢個學期呀！諗緊好唔好直接當蝕俾佢算，反正佢哋咩服務都冇

katrinafu

patell_au 發表於 20-8-31 12:12
完全理解.. 特別係初初, 真係人生路不熟, 先諗住搵個好啲嘅監護人, 點知乜都係自己搞掂!! agent果時其實有 ...

你搵監護人時要講明你的要求 ， 因為不同Plan不同的價錢和服務，你要講清楚要跟埋學校通告/ 回覆等。

我用的監護人公司的Plan不是最貴，也不是最平 ，唯一是可以What’s app聯絡和中文溝通 ，淨係呢一樣野 ， 係個Plan價錢相差近£120/Term。 其實監護人公司那邊跟我說過幾次可轉平D的Plan，話我都甚少用他們服務。

我女學校通告我都是自己跟進， 往返機場的車 都係我自己跟學校訂車，由阿女11歲飛去讀書已是自己Check in ,睇牙醫都是阿女學校安排車接送，她自己入去睇和箍牙，都沒要監護人陪同。

jamhappybobo

patell_au 發表於 20-8-31 12:12
完全理解.. 特別係初初, 真係人生路不熟, 先諗住搵個好啲嘅監護人, 點知乜都係自己搞掂!! agent果時其實有 ...

咁你攞返錢未？我追咗佢幾個月都未有回覆

patell_au

jamhappybobo 發表於 20-8-30 18:11
我不是用同一間agent ,我係用JL, 不過都係好嬲。之前學校close down要叫學生走，都係係學校個WhatsApp 同 ...

完全理解.. 特別係初初, 真係人生路不熟, 先諗住搵個好啲嘅監護人, 點知乜都係自己搞掂!! agent果時其實有推介其他平啲, 但果陣我見JL個香港同事, 覺得佢好細心(佢話以前喺英國有跟開小朋友), 咁貴啲都OK啦!
點知佢地英國果邊做嘢原來完全係另一回事, 零主動, 咩都係推返香港呢邊同我跟, 咁兩地有時差, 有咩要同學校聯絡要安排, 始終都係要英國果邊搞架MA, 個香港OFFICE幾好都冇用啦!

明明就係要個喺英國在地嘅監護人去跟, 結果佢地乜都唔做, 啲人換來換去, 成日搵個喺香港嘅覆我, 仲要見親都係得佢一個人, 都唔知係咪得佢睇晒成間公司啲學生!  最慘係依家果個女仔好似都冇做, 連有返少少擔帶嘅人都冇埋, 真係冇眼睇, 錢就局住俾!!

PS 我都係靠學校先知lock down, 去機場都係自己搞, 真係唔想再用多個term..有監護人同無監護人無分別囉..唉..

jamhappybobo

patell_au 發表於 20-8-21 17:49
本身諗住間監護公司啲人識講中文先用, 但簽咗之後佢地啲email同msg回復永遠都係中文問佢, 用英文答咁濟, 我 ...

我不是用同一間agent ,我係用JL, 不過都係好嬲。之前學校close down要叫學生走，都係係學校個WhatsApp 同學校email度知道，同阿囡差唔多返到香港，JL都無人通知過，所有機票接送自己攪掂，仲要第一次到步都係我地自己同學校傾，自己安排的士，JL連阿囡都無見過，但收£3xxx一年，所以第二年已立即換了

katrinafu

你要通知監護人公司，下個學期不用他們 服務 未呀？

趁未開學就要通知 。

patell_au

最主要想大家以後揀監護人小心啲...呢間真係永不推介

patell_au

學校以前有俾過個list，依家等小朋友開學，問下佢啲frd用邊間，有個伴好啲

JChan

可以問學校 用開邊間

longlokma

patell_au 發表於 20-8-24 14:10
回覆 longlokma 的帖子

叫咗佢問下, 如果假期可以去同一個家庭, 佢地都開心

  

patell_au

cfs 發表於 20-8-23 18:31
原來佢，你並不是第一個投訴了。其實你孩子讀邊間或邊區呀？可以問下同校寄宿生用邊間丫
...

我都估到唔止得我..佢地收咗錢之後愛理不理咁, 都唔知係咪就嚟執

patell_au

回覆 longlokma 的帖子

叫咗佢問下, 如果假期可以去同一個家庭, 佢地都開心

cfs

patell_au 發表於 20-8-23 14:38
回覆 DOUGLASMAMA 的帖子

J字頭

原來佢，你並不是第一個投訴了。其實你孩子讀邊間或邊區呀？可以問下同校寄宿生用邊間丫

longlokma

patell_au 發表於 20-8-23 17:34
我果個都係寄宿學校，只係half term先要家庭，但佢學校離倫敦都幾遠

既然佢都讀咗成個term, 不如你叫佢問下自己啲同學有乜好介紹啦

patell_au

我果個都係寄宿學校，只係half term先要家庭，但佢學校離倫敦都幾遠

giver

我仔上年開始在英國讀高中，都係搵在 London 的朋友當監護人，慳返啲錢嘛。但我仔住學校宿舍，上年都係未有需要到監護人幫忙的。
您的學校在哪區？ 只是放假時需要 host family 嗎？ 孩子多大了？ 是男孩或女孩？
或者我可以試問問現居英國的朋友們，有需要嗎？