如何提升孩子英語能力, 預備入讀國際學校

muichu1102

女兒快一歲, 我們預備為送她到國際學校。
我和先生都是本地人，現在家裏只講廣東話， 英語水平普普通通，正煩惱現在家中溝通該否加入英語。如此心急因為有感疫情仍會持續一段時間, 女兒恐怕playgroup PN 也參加不成。我們擔心自己無論口音和用字都與native speaker有都距離，亦未必可以時刻流暢地以英語表達自己的意思, 如今急就張會否教壞女兒。現在每天都會一起聽英文童謠, 翻看英文圖書但以中文說看圖畫。想問大家如何為子女營造英語環境？



另一問題是, 本打算報讀區內有一間以英普授課的國際幼稚園PN 班, 但翻查其升上國際學校的比例很低, 想問大家意見, 我該報別區的學校嗎？

小寶貝兒

muichu1102 發表於 20-8-3 15:35
回覆 Jenjanjan 的帖子

謝謝你，可能我們太多顧慮。我會試試用自己都覺得舒服的方法與女兒一起學英文 ...

我果陣係比女睇iPad聽 phonics song同睇d比較簡單既卡通片（我知有好多家長唔想比小朋友咁細睇iPad，但的確對我女來講係一個有效的方法），我哋都係用d簡單既英文同佢講嘢（唔係全部，例如只係會食飯時問佢do you want more?)，仲有我自己鐘意英文歌，佢都陪我聽，同埋暗佢訓既歌係英文流行曲，聽左幾年佢都識哼幾句。
佢pn前我記得已經識好多發音及可以簡單英文溝通, pn時我都係報區內有國際班既幼稚園，幸運地PN既NET好好，讀左半年我同女既英文都有進步（因為我以為net唔識中文，咁要了解女既情況唯有用英文溝通，半年就逼到我都進步埋 ）
直到入IB學校（7歲時，我哋插班入）前，我哋搵興趣班同補習都盡量搵以英語授課，一來當時佢英文已成主要語言，二來果幾年轉左好幾次學校，有部分覺得英文唔夠，唯有自己加d。
入左IB學校，因為playground language係英文，我哋就冇咁著緊提住自己一定要同佢講英文，而家興趣班用咩語言都係睇佢自己，幸運佢喜愛英文得來唔抗拒中文

muichu1102

回覆 Jenjanjan 的帖子

謝謝你，可能我們太多顧慮。我會試試用自己都覺得舒服的方法與女兒一起學英文

muichu1102

回覆 美美羊 的帖子

多謝提醒，我亦認同英文原著不但內容原汁原味，句法和用字更可能是精心安排（如押韻，語帶雙關）
她的中文程度待她入學後再考慮。現在婆婆在日間照顧她，婆婆只懂幾個英文單字不能用英語溝通，至少我們不用擔心她中文日常會話。

muichu1102

回覆 chbch 的帖子

聞說ESF 幼稚園play visit 中其中一考慮準則就是小朋友的英語程度，所以我已經有擔心，希望及早做準備。

Jenjanjan

1 歲仲好細，可以每天讀英文故事書給她聽已經好好。國際學校幼稚園面試通常是要看到小朋友能夠明白英文指示，和家裏能提供英語學習環境。幼稚園可試吓boxhill, tutortime 等等，唔讀PN 也可，間中去下英文playgroup 都好

chbch

回覆 muichu1102 的帖子

一心諗住讀國際學校的小學, 不如報多多或ESF的幼稚園.  

美美羊

睇英文電視節目，將來睇書，如原著是英文，就不要看中文翻譯本，況且翻譯本很多時未能譯到原著的神髓。入到IS後，就掉返轉，我怕你到時會嫌孩子中文太差。

muichu1102

多謝回覆 :)

gfkwong

用點讀筆看書。上英語的playgroup 如tutor time. 或者請net. 但一般要兩歲。可以考慮用IS 畢業大學生同佢玩。