事在人為 s位可以轉中心 s位可以轉返高津

Antiveg

S轉另一間S
S轉回高津

全部都可以，唔需要最新評估報告，
唔係搬屋，
根本係事在人為！

特派員

文責自負，會員所有留言，不代表教育王國立場。

會員如在文章中發表任何言論而被告誹謗，一切後果教育王國恕不負責，並保留刪除有關文章之權利，如教育王國因會員言論而需負上民事責任，將保留向會員作出追究之權利。

Antiveg

回覆 opclk99 的帖子
如果一個家長，其子女不用任何催谷/監察都讀到精英班，
我會說這位家長一點也不進取，也很幸運，真係要恭喜她/他。
明明這頁是講緊s轉高津，你就走去睇下我之前有乜post,你好叻呀，其中一個post係我問人公文數進度，然後我說了句以乜乜級數為目標，就比你呢位友善的網友無限放大為進取的家長。
如果自己很進取，孩子都讀精英班，然後在唔知人地小朋友情況下，”友善地”勸喻另一個SEN家長”接受現實”,唔好咁進取，這人又是否"無x"!

接著，就以我的回覆不是你想見到的意見，去把協康會鯉魚門特殊幼兒中心-高級特殊幼兒工作員-關菜茗女士指罵本人為無賴一事合理化，協康都認錯，你的神邏輯卻認為是合理，多謝賜教。

你又真係好奇怪，在公開的討論區叫人唔准覆你。你有自由去批評其他人，卻意圖叫人不准反駁。以閣下對陌生人都尙且如此專橫，閣下如何教出二位高貴的SEN精英，大家心中有數了！
你不如請版主加一個選項，不准某某回覆咁喇！！

我出post唔係要搏人點擊，也不是要搏人”喜歡”,
目的係想揭示學前服務的問題！！！
誰也知道不管寫什麼，他們的服務都是排長龍！！以你咁叻去搜別人的post,又有兩名高貴的SEN,一定知道有s位發生過懷疑虐兒事件（我唔係指協康），該中心一樣要排長龍。。。

問題的核心係學前康復服務不足，對一筆過撥款機構監管有限，結果是有需要的學童淪為某些機構的大水喉！

Antiveg

回覆 opclk99 的帖子

你呢個精英班的家長真係好神奇！
你的神邏輯：

就好似睇醫生，個個都話個醫生好，
但佢一次醫療失誤害死人。咁就錯在個病人，個醫生係無錯既！


你有二個SEN咁多，就可以証明協康會鯉魚門分校職員應該都是專業的，應該都是斯文有禮的！你呢位精英班的家長真係出類拔萃！


多謝你呀！

Antiveg

回覆 opclk99 的帖子

你都幾叻呀，一邊未知我仔確實情況，一邊就批評我太進取去為仔仔試不同的野，
找出佢既優點！

原來你自己個SEN就叻到讀緊精英班
一定唔係你進取既結果！你咁憎人地進取！

上左岸，你講乜都得！

Antiveg

回覆 JanetCMC 的帖子

我出得post，就預左比人鬧。某些人回帖時間，岩岩就係我收齊所有退學文件之後。
既然有人鐘意幫我把帖文不斷置於本版前面，
我只好講聲多謝！

唔係話追唔追得返徙左的時間，
我係覺得呢些機構的監管真係令人大開眼界。

S位，不論做得好/唔好，都一樣大排長龍
收生無憂！

家長就算有意見，都礙於小朋友仍在校就讀，唔敢出聲。
轉頭都走喇，下一班又繼續來幫機構賺錢！！

唯一可以監察，可能就係透過互聯網了

多謝你的回覆。

JanetCMC

其實呢，事情只會愈描愈黑……
你話某機構唔好，但機構都已經出咗信話無問題，連社署都唔跟唔理，小朋友又已經退咗學。如果你繼續落去，受害嘅會係小朋友
做 SEN 嘅機構唔多，協康耀能明愛新生會女青保良局楊震……
呢個圈子好細，D 職員做完A機構就跳去B機構再跳去C機構
D 人傳下傳下，事情就會變質
忘記過去吧，就算追究，都追唔到小朋友嘅黃金期

Antiveg

回覆 Antiveg 的帖子

如果人地指稱我為無賴，係正確的，人地就唔駛焗住去認, 更加唔需要書面道歉。有些人的回應，就是blame the victim !! 只要機構繼續包庇，自圓其說，這些人就繼續蠶食社會的資源！

由一開始，我係向該中心主任講出一系列的問題，
通常是被拖延，或者以某些理由去解釋，
就我角度去睇，她是極保護同事。

我投訴的事項，例如功課上我認為有錯，
副總裁只以不影響訓練目標為理由去解說，
並沒有”焗住去認”。

SEN係唔係=全沒有優點？不能有訓練目標呢？每個SEN的情況都唔同，有些可能音樂、藝術、電腦有天份，有些可能係其他方面，但真係要試過先知！就算試完，發現個仔係好平庸，好笨，又有乜野損失？
我比個仔試做公文式，現階段完成了加減，當然唔等於佢一定達到所謂目標，但唔試又點知？唔得就試第二樣囉，又有乜問題？他並非一開始就是操公文式，而是先訓練其他的基本功。
他九月是k3學生，要去試下同主流接軌。無人會保證到佢得，話唔定幾個月後評估，一樣入返特殊。
我自己覺得，SEN就係已經無野可以輸, 由特殊做起點，大不了回到起點，還要有顧慮嗎？如果訓練就叫捽，唔訓練就叫hea, 我只能認我係捽個仔。

如果你地曾經收過好green治療師把慣用手都寫錯，你還會有信心嗎？我不能怪好green的治療師，我相信佢地都唔想green，所以退學, 留返個位比岩用的小朋友。

佢地好green，只是我唔想留低的其中一個原因。
師生比例，相對於其他中心”唔靚”，亦是原因之一。
那些高層處事方式亦都令我大開眼界。

原來好天真咁以為，是有限米煮有限飯，怪不得機構，但發現一個仔入s讀一年， 政府係比廿萬出來，再估算下究竟幾多錢落在直接服務小朋友身上，就會覺得唔理想。

選擇高津而放棄s，是的，高津的固定言語治療師很有經驗，係我見過最好的言語治療師。高津是一小時一堂。不過，我都要公道咁講，呢間s的言語治療師係好的，我認同及感謝佢的努力。

你地的回應時間都幾好，剛剛就在我收齊所有文件之後，讓我可以全沒顧慮去寫出心中所想。

一位學童一年二十萬，換來這樣的人手安排，你地可以話係合理，又或者你們遇到好的中心，恭喜你地。只是大家見解不同，多謝你地。

JanetCMC

anyway 喺呢個 forum 講都無乜問題，但建議你唔好 post 上 Facebook
因為我第一次睇你個 post 係喺 facebook 某 secrets, 之後d 人傳下傳下，傳到喺 telegram 公海group 都有……

JanetCMC

opclk99 發表於 20-8-8 07:37
應該冇,流主真係特別,
流主如每月上六堂高津,
都未必肯定全部全年資深又固定人仕負責小朋友吧,

有同感
香港係投訴之都
太green > 無經驗，唔識教
好有資歷 > old seafood, 太守舊，唔夠與時並進

咁又有資歷又創新嘅治療師呢？
噢，佢會轉做 private sector
多勞多得，又唔洗做機構嘅 admin 野

JanetCMC

依家好多機構轉用 zoom 上小組/個別訓練，
如果轉高津，有無機會可以申請到多過6堂？

Antiveg

回覆 submit 的帖子

唔會留在協康,我無咁偉大，
幫人地賺大錢。。

submit

回覆 Antiveg 的帖子

那是否轉同同一間中心的津貼訓練

Antiveg

回覆 diffmo 的帖子
我係叫referrer做, 我有問佢用乜理由去寫，佢話”互不信任的關係”！她都要我寫幾隻字，我只係寫”我的兒子並不適合接受小組訓練”！

我所知道的係，她替我”申請”轉另一間s , 然後call 負責學前訓練津貼個邊，將學津揀機構的表格寄去referrer office,我上去填，填完寄左佢。同時，機制上派左另一間s比我，千祈唔好答覆要/唔要！等到收到社署高津派位確認信，才reject 新派的s位, 留高津。

其實，只要referrer肯做就ok，我冇搬屋，冇新的評估報告，全部情況冇變。我都有問過做社工的朋友，都話好多野係”事在社工為”！

diffmo

回覆 Antiveg 的帖子

明白。
如果想轉返去高津，直接同社工講就會OK？需要什麼理由嗎？

好多家長都話入左S，是不能去返高津，要有特別原因eg 搬屋。

Antiveg

diffmo 發表於 20-7-28 22:21
回覆 Antiveg 的帖子

請問為何退出S，返回高津？S仲更加密集訓練，應該更好。 ...

治療師，有二個係去年才畢業
佢地慢慢積下經驗先，唔好攪到我個仔
高級特殊幼兒工作員就hea爆等退休。
中心主任就管理失效。

政府津貼一個s位，每年廿萬，但呢間咁新既s， 我自己計出的數，直接用在訓練學童的比例，比想像中低。

明明夠錢請社署的建議人手及職級，但冇做到。佢地無違反社署規定，因為這只是建議人手，並非強制。

我亦曾質疑點解幼兒工作員比例比其他分校少，有人答我係要講成本效益！！！成本效益就是人地機構總裁年薪二百萬，跟社署署長有得比 ：）

與其留係度，幫人地搵錢，我不如出返去用六堂高津，至少我滿意個服務質素。