放榜在即，你問我答（中文系Year3）

vincentlui12345

有見各位爸爸媽媽為子女前路苦惱，如果唔介意我見識淺薄就請向我隨意發問，力所能及之內都會盡力回答（e.g大學各學系實際環境、風氣etc，因為我做過學會幹事，所以多少都了解）

catf2

想問吓樓主,你讀中文系, 係咪自小中文好叻架..初中至高中, 以至DSE 中文科係咩成積先入到?
高中時有冇讀中國文學, 中國歷史, 英國文學  ?, 會唔會到人都顛

Lovelymame

同學，你好！
我仔成績較差（各科可能得2），佢話對中文科有興趣，也對做老師有興趣。
佢修讀地理和中史，地理興趣多D。佢可以選什麼科目呢？
有冇副學士或文憑的這類課程，畢業後是否夠條件可教小學？或之後再升讀教大？
唉，成績咁差都唔知點

ff2005

回覆 vincentlui12345 的帖子

得333331可以讀到咩？唔該

luck8888

Charlotte_mom 發表於 20-7-6 11:16
點會唔開得咩校，多謝你有心分享就真
始終幼稚園就多家長傾，去到大學就較少用家出場了
...

的確少在讀DSE/大學生分享

瑩瑩老豆

momosheung 發表於 20-7-6 11:50
回覆 vincentlui12345 的帖子

請問中文系徐了做老師仲有何出路？

Management Trainee

瑩瑩老豆

Charlotte_mom 發表於 20-7-6 11:16
點會唔開得咩校，多謝你有心分享就真
始終幼稚園就多家長傾，去到大學就較少用家出場了
...

去到大學家長除左比學費已冇角色咪少用家出場

vincentlui12345

回覆 BBma 的帖子

Sorry甘多位私信我既家長，今日先得閒覆，唔好意思啊！希望大家都入到心儀既科系啦！
BTW，港大中文 VS 中大中文，我曾經見過一個兩年前既post有討論過，佢分析得幾全面，我相信家長可以參考下：

「其實好多人唔知港大係 文史哲譯 不分家，有三個major 中文、中史、翻譯
出過好多學者同埋作家，中大歷史系有唔少都係港大嘅alumni黎

中大就近呢20年開始起得好快，其中一個原因係港大堆人退休退得7788，同埋小人當道。本身港大係搞傳統中文起家，中大搞唔少現代文學，新儒學呢類，依家反而調返轉， CU多人搞古代嘢多，HKU就搞華語文學，雖然HKU一路都係跟西方漢學個套


課程方面HKU flexible啲，唔少人都係中文+中史/翻譯咁讀，睇嘅嘢會全面好多，都有人讀其他科，例如達哥係讀中文+藝術（HKU藝術係讀藝術史&考古），但基礎訓練都比較少，例如聲韻，文字，文獻呢啲硬功夫太難，無咩人讀。中大就會逼你讀曬呢堆嘢，有啲似中國、台灣個種。但同時因為咁，中大唔少人寫論文比較死，無HKU咁靈活。

簡單講，HKU勁就好勁，廢就好廢。中大未必會出到好TOP嘅學者/文人，但你會覺得自己係讀過中文」



我都好同意樓主既看法，因為港大中文應該算係八大讀中文裡面最古墓派果種（係讚唔係眨），所以得出尼既人，一係好勁一係好廢。

BBma

請問港大和中大文學系 邊間會好啲？

vincentlui12345

回覆 Kanyckanyc 的帖子

今日先睇到，遲左回覆真係唔好意思⋯⋯
CIE可以直接報讀學士課程的，我果位讀媒體既同學就例子。

BTW今日放榜，希望各位家長同小朋友都順順利利，可以放低心頭大石。無論出路如何，面前既迷惘都只係暫時，有心拔霧何處不尋陽。

Kanyckanyc

回覆 vincentlui12345 的帖子

你好，想請問BU CIE，DSE 生 係唔係一定要讀副學士先，唔可以直接報學士，謝謝

吉蒂0603

vincentlui12345 發表於 20-7-6 17:28
回覆 momosheung 的帖子

依個真係好問題（真心Respect）

很安慰，代文學生發聲 !
我個仔都係文學仔（中文），理想和興趣皆是。偏偏多年來面對一般人的疑問，偶而會有所迷思。樓主的解讀，正正就是喜歡文學的大衆心聲 。

vincentlui12345

回覆 kenchtam 的帖子

忙左好多日，終於可以回覆大家。
我專誠去問左CIE讀既朋友，大概討論左設施、師資同證書三方面，九龍塘本校既分別。
先從設施方面講起，套用佢原話就係「資源黎講緊係差得遠」。佢認為CIE場地相對較細，同時可用設施較少，譬如公用電腦室只有四部Apple電腦，同時依D電腦冇得預約要「先到先得」，因此對於學生進行媒體剪接等工作，就會被限制。

我自己都有去過CIE（之前既活動），佢地係冇所謂既「綠幕房」，如果有要用到既同學，係要去九龍塘本校借用的（e.g. media）



而師資方面，佢就認為冇乜太大分別，因為「教cie果啲多數都有教九龍塘」，我都認同依一點。因為響香港大部份既大專課程，其實老師都幾有質素（就我認識既HKDI或者其他副學士同學分享），所以依一點可以放心。

最後係畢業證書（cert）既討論，其實好似我之前回覆甘，認可性基本上都同本校冇太大分別。佢就證實左依一點：「同埋當初睇中cie係佢張cert😂太重要了。佢張cert唔會有cie名，係直出bu名。」

不過以事論事，上面都只係拎CIE同BU比較，一個係分校、一個係本校，教育資源有差別都係正常。正如你拎CU同BU比較，一個有成座山頭、一個得幾間建築，甘都係無可厚非，因為每間大學或者大專本來都各有千秋。所以即使未能夠直升大學，其實都可以考慮各種出路。

kenchtam

回覆 vincentlui12345 的帖子

謝謝回覆！
其實各方面都想了解一下，教學設施亦是。

fcy888

vincentlui12345 發表於 20-7-6 18:11
回覆 fcy888 的帖子

「除了重考，有冇人走去讀副學士，搏入到心儀」

多謝分享！

vincentlui12345

回覆 kenchtam 的帖子

「請問你對浸大的 CIE, 有甚麼見解？ 謝謝！」

唔太清楚你指既「見解」係邊方面（沒有惡意，請見諒）。因為單純討論CIE都可以有好多範疇，佢既「升學前途」、「教學設施」又或者「認受性」等等，其實都可以講好耐。

不過我估你大概係想問「認受性」方面？如果係依方面，其實無需太過擔心，因為你讀完佢既學士學位課程出尼，你就有學士資格，依個係無需爭議既。我有兩位同學都響CIE畢業，一位去讀藥劑，一位去讀媒體。依家都有各自從事返相關職業，所以我估大概由「認受性」既角度出發的話，應該無需要太擔心。

btw如果係其他範疇，歡迎你再問！

momosheung

vincentlui12345 發表於 20-7-6 17:28
回覆 momosheung 的帖子

依個真係好問題（真心Respect）

謝謝同學詳細講解、分析。

vincentlui12345

回覆 fcy888 的帖子

「除了重考，有冇人走去讀副學士，搏入到心儀」

有喔！而且都唔少！無論係我師弟妹定師兄姐，其實都有D係由副學士升上去。由我個人角度，感覺佢地好似升得幾容易（可能只係睇到表面）。但我有了解過，如果由副學士升上去，果年既GPA就會高要求，所以一定唔輕鬆。


不過又唔洗太擔心，因為經依個途徑搏入心儀既案例都唔少，所以依個都係可行方法之一（前提係夠努力）。


另外，POLY副學士入職業治療既比率，我真係唔太清楚。如果有機會，我幫你了解下。


補充但唔知有冇用，我有朋友係英國讀物理治療前年回港（強調係物理治療！物理治療！物理治療！），但依家都未謀求到一份公營養療院既職位（多數時間都係做緊私人，相對唔穩定），由此睇得出佢行業既飽和度相對較高。

vincentlui12345

回覆 momosheung 的帖子

依個真係好問題（真心Respect）
大眾社會可能假定左讀中文系（或者英文、數學etc）既出路可能只有做老師等等。
但應該甘講，讀大學唔係為左「綁定你既出路同方向」，而係「俾多一個可能性或者選擇」。
正如魯迅先生本身都讀醫，大家可能就會認為「除左做醫生，應該冇其他出路啦掛？」

但佢最後做左現當代中國最偉大既作家、思想家。

我地每個人（包括你同你子女）其實都潛藏好多可能性，唔一定要被「某樣東西」（可能係指你既學系，亦有可能係其他事物）規範左自己既人生。


以我為例，無論係私補定補習社，都有好多補習既家長話：「哥哥你教人甘叻，第時係咪打算做老師啊？」但事實上，我舊年就拒絕左浸大個教育文憑課程（佢俾左offer，但我最後冇讀），因為我同在職教師朋友傾過、三思過之後，覺得自己唔適合依份工作。


但我並唔擔心自己會冇左個飯碗（老師工作穩定、薪酬又不錯），因為我識畫畫（有教畫班），支筆都OK（有人會搵我代寫自傳，補習社會搵我寫範文，間唔中都可以拎到文學獎）。甘我可以選擇之後全職去教畫、或者全職補習、或者寫作、或者做記者、或者編輯，even去讀碩士，都可以。

所以講到尾，其實大學既學系只係「給你更多選擇權」，唔好陷入「讀咩就要做咩」既思想泥沼。中小學十二年，大學四年，其實應該將自己所得所學更好思考如何靈活運用，而唔係不假思索獨沽一味。


世界太大，社會越來越進步，學中文既可以做廣告，將自己既才識融入文案之中；學畫畫既可以去做工程，將自己既美學匯入建築設計上面二十世紀，世界更多需要既係「通才」，而唔係「專才」了。

補充：中文系好多校友既職業都與學系無關，有做IT，都有做保險，因人而異，各自出彩。
（再次感謝拋出好問題有感而發too long thx for read）

vincentlui12345

回覆 Charlotte_mom 的帖子

心心版主我就係見好似中學升大學既資訊較少，所以先出尼分享（承蒙大家唔嫌棄）。畢竟雖然中學老師（升學組）都會提供資訊，但又鮮少有第一身用家既分享（視野角度唔一樣）。Anyway，幫到大家就最好！