大埔英藝vs火炭樂基

tszkiupig

Hello想請教大家

如果想考直資小學，大家會點揀？
課程夠應付考直小嗎？需唔需要外補英文、普通話？

hfnyd

若只有這兩間比較, 而你又想出去打大佬, 樂基口碑較英藝好, 但兩間的名氣就不及出面的名幼, 幾時都要靠自己多多努力.

alibabah

回覆 tszkiupig 的帖子

謝謝，大埔一線既小學，希望你這幾年都有快樂既幼校生活啦！

tszkiupig

alibabah 發表於 20-7-6 19:26
樂基啦，我係住响大埔既用家，剛剛校長好幫手，小一叩門叩左間好好學校！ ...

恭喜你，入到好小學真係好開心！
介唔介意講咩間小學呀？

alibabah

樂基啦，我係住响大埔既用家，剛剛校長好幫手，小一叩門叩左間好好學校！

tszkiupig

piglover 發表於 20-6-29 08:14
其實，想考直資，仼何一間幼稚園都要靠父母同小朋友一齊努力。但我講嘅努力，並非係靠外補。係指家長有無 ...

英藝似乎好多媽媽都唔推介，咁我都應該會放棄啦

考慮報樂基如果學術夠考直小，咁小朋友唔駛花時間外補、有時間去玩同上興趣班，有個快樂童年
同埋我都會盡力跟吓功課、協助下小朋友適應希望對佢有用啦

piglover

tszkiupig 發表於 20-6-28 14:42
Hello想請教大家

如果想考直資小學，大家會點揀？

其實，想考直資，仼何一間幼稚園都要靠父母同小朋友一齊努力。但我講嘅努力，並非係靠外補。係指家長有無努力跟好小朋友嘅功課，掌握到課程。如果單靠幼稚園三個鐘，一定唔會足夠。

至於幼稚園課程，其實深又並不代表好，因為小朋友掌握唔到嘅話，又有咩意思呢？

樂基係好學校，課程好，一定足夠小學用。以前在沙田係超級難入㗎。不過，自從爆出兩次租約問題，好多家長跳船，而家真係易入佐好多。

不過，對於英藝，我個人就覺得真心麻麻地。以前見大埔英藝有唔少跨境學童。

tszkiupig

Orhome 發表於 20-6-28 20:46
佢只讀過N，K走咗，未考小學。
以我所接觸到嘅家長，大部分都無考直私打算，尤其K個班，有啲係哥哥姐姐已 ...

謝謝你分享，對英藝了解多咗，好有用

Orhome

tszkiupig 發表於 20-6-28 19:03
你小朋友最後考咩類型小學呀？

佢只讀過N，K走咗，未考小學。
以我所接觸到嘅家長，大部分都無考直私打算，尤其K個班，有啲係哥哥姐姐已讀梗小學，會跟入，入來係攞語境。其實坊間對英藝評語大部分我都認同，行政亂、老師轉得快、太商業雜費多，但仍然有家長buy，首先佢必收，係細b出路，其次係學術深而且net多，N班係用K1課本，不過教得深唔代表小朋友吸收得多，學校比我感覺係無乜理小朋友係咪跟到。
不過好彩係小朋友N時有遇到好老師，返得開心，所以無後悔讀，但再讀3年就應該唔會。如果你稍有要求，應該滿足唔到，樂基反而可能得，但我唔熟呢間學校。但都要有個心理準備，就算讀九龍塘名幼，都難保證唔外補考到直私，基本上要玩呢個遊戲，係要進取啲。

tszkiupig

Orhome 發表於 20-6-28 15:43
如果N就揀間近嘅，K嘅話，就算跨區都建議揀樂基。利申：小朋友讀過英藝。
...

你小朋友最後考咩類型小學呀？

tszkiupig

piglover 發表於 20-6-28 17:04
想考直資，一定係樂基啦。大埔區，安基司都好過英藝。

安基司學術夠唔夠考直小呀？
如果讀樂基仲駛唔駛外補英文同普通話呀？

piglover

想考直資，一定係樂基啦。大埔區，安基司都好過英藝。

Orhome

如果N就揀間近嘅，K嘅話，就算跨區都建議揀樂基。利申：小朋友讀過英藝。