考到 GSIS，掙扎中

WFsmart

本身唸住過兩年先唸小朋友讀local定IS好，不過都想早d攞下經驗想知IS學校會點面試所以都報左GSIS，無唸過小朋友會考到GSIS有K1 Offer，突然要提早決定，我同c6都15,16中。

依家小朋友返緊名幼 PN，可以直升K1。不過都好驚放棄左 GSIS 將來會後悔，始終一條龍。不過又擔心揀GSIS自己到時唔識同小朋友溫習，又擔心無中文。如果繼續名幼浸一下中文先考GSIS嘅小學，到時候係咪無可能入到？ 其實C6之前唸住讀住名幼，依家呢間其實幾好，重中文、紀律，大部分入SPCC 或者兩間拔萃，或者 K2轉 CIS，或者K3轉 ISF，不過依家突然有 GSIS Offer又好吸引，始終我哋保證唔到小朋友到時考唔考到 CIS/ISF/SPCC/ DxS。其實係咪唔需要太擔心無中文學/ 學簡體字定繁體字呢？

當然，我哋唔係一定要小朋友小學考IS，如考到 SPCC/DxS/ ISF 都絕對會考慮的，所以都有唸過繼續讀名幼，不過都擔心到時唔好話考IS，小學競爭異常激烈，SPCC/DxS/ISF都考不到就會後悔今日無揀 GSIS

大家有乜睇法意見？謝謝大家！

Creativesummons

回覆 钧熹 的帖子

Agree!

AL1987

daijuju 發表於 21-5-26 18:03
你讀GSIS將來一樣可以報SPCC/DxS/CIS/ISF架

調轉頭由SPCC 轉GSIS唔知有冇可能?

daijuju

你讀GSIS將來一樣可以報SPCC/DxS/CIS/ISF架

NKpa

bighang 發表於 21-5-6 15:52
回覆 bighang 的帖子

https://topick.hket.com/article/2760264/【星二代】鄭丹瑞孻女由讀考古變鋼管舞導 ...

\\ 2016年，Amanda首次接觸了鋼管舞之後，亦如同上癮一樣，瘋狂地愛上這項舞蹈 \\

越早發現自己會瘋狂的東西，越少遺憾。

如果四十歲才發現，前二十年的人生算場夢？

QueenYY

字裏行間感覺到你其實應該係心儀本地學校，只係咁岩試吓考IS ,又咁岩考到，所以又唔係好想放棄。
有 GSIS offer 你都仲要考慮的話，證明國際學校根本唔係你杯茶，勉強無幸福。

964000

licpd 發表於 21-5-11 00:57
話你知係事倍功半！基本上是拉牛上樹的感覺。

其實教小朋友任何沒有興趣的東西，都會係拉牛上樹的。

licpd

WFsmart 發表於 20-5-25 11:33
如果希望小朋友日後工作能讀和寫中文、讀報、寫文章，自幼外補中文可以做到嗎，力度有多大？有沒有家長讓小 ...

話你知係事倍功半！基本上是拉牛上樹的感覺。

honeymelonkids

964000 發表於 21-5-7 06:58
小學LS中學IS的考慮，你可以看看我的舊帖有討論過。
都係睇吓自己的expectation.
...

謝謝分享！ 請問點樣可以睇返你嘅舊帖？因為我click去你個名，見到你私隱受保護，所以看不到哪些是你的舊帖，對嗎？

gavroche915

WFsmart 發表於 20-5-24 16:22
本身唸住過兩年先唸小朋友讀local定IS好，不過都想早d攞下經驗想知IS學校會點面試所以都報左GSIS，無唸過小 ...

建議樓主先諗清楚究竟點解想小朋友讀本地學校....又究竟點解想讀國際學校.....如果見人做我又做...只會兩頭唔到岸....因為你去LS 版問...自然就係得出 LS 係好....去IS 版問又係比較多撐 IS 果 d 家長答你...到頭來你都係決定唔到...跟住就索性把心一橫...小學讀 LS...中學讀 IS...就覺得實無執輸
其實呢個世界無 best of both worlds 呢樣野 ... 做任何事只有專注先可以將果樣野發揮到極致...周身刀...但係無張利...係永遠都差過一把劍..獨步天下

你想有一個全面 d 既理解就先要撇除本地學校只係學中文...國際學校只係學英文呢個既定思想.....中文同英文只係佔據選擇教育極少極少部分....如果咁單一就可以決定...小朋友根本唔需要番學...淨係請個 native mandarin 加個 native english private tutor 就搞掂

同樣地...當你諗得國際學校...即係證明你係負擔得到....負擔唔起既人根本完全唔會諗....好自然...呢一刻學費唔係你個考慮....淨番既只係你覺得值唔值...值唔值就只係睇你睇唔睇重果樣野....一個手袋幾萬蚊...論成本就點計都唔值...咁點解有人買? 又有人好不屑? 咪就係因為有人睇重有人唔睇重手袋背後既價值...

當然...手袋係身外物...今天覺得值...可以買 10個...他日唔鍾意...可以賣晒佢...但小朋友係一張白紙...一筆畫左落去就係畫左...果一筆都永遠係到....細個畫一筆紅色...大個畫一筆黃色...係會變左橙色...唔會變番張白紙....唔係要去講紅色係絕對抑或黃色係絕對...而係要帶出呢個世界魚與熊掌...係唔可以兼得...覺得可以兼得...係因為忽視左教育入面一 d好重要既元素

或者樓主試下撇除 1.中英文; 2.學費; 3.個個都讀所以我又讀呢 3 樣野...睇下會唔會搵到答案?

964000

gavroche915 發表於 21-5-6 14:46
相信討論區本地版又好...國際版又好...都歡迎大家理性討論...每個家長走上黎...都係想拎 d 意見...再自己決 ...

對，mindset係自小建立，所以我冇考慮小學LS中學IS, 始終先入為主。

964000

honeymelonkids 發表於 21-5-6 23:23
可否分享你點解突然會研究 is 同埋決定俾小朋友讀is？是由幼稚園開始讀嗎？
...

突然會研究IS, 好多機緣巧合：  
首先兄弟姊妹中的孩子大過我女，有讀IS有讀所謂神津，直接比較到。
另外接觸不少專業人士，原來都是自小讀IS的（但廣東話同我地一樣所以我都唔知），會向佢地了解下。
加上舊老闆仔女都係自小讀IS巳入大學，那時認識他孩子印象很好，所以又請教下。
另外我工作上有幫手培訓大學生，近來多了不少自幼讀IS的學生，又會了解下，感覺佢地冇咁拘謹。有次仲撞到我女的師兄，他自幼在IS, 說自己可以閲讀中文報紙和小說的，立刻向他請教。

親身體驗就係女一歲開始入了IS的playgroup ，接觸了真正IS的文化(不是雙語國際幼稚園），一試已覺得有種找到知音的感覺，所以就開始研究IS了，當時都好勤力，到處參加school tour，去了十幾個，有D學校仲年年去，校舍來説已經靚和先進好多，老實講，揀學校最後都係憑感覺的。

964000

honeymelonkids 發表於 21-5-6 23:21
回覆 lui 的帖子

我正是自己沒有讀過國際學校， 讀過 b1a 中學後升讀本地大學，又沒有子女讀過國際學校的 ...

小學LS中學IS的考慮，你可以看看我的舊帖有討論過。
都係睇吓自己的expectation.

honeymelonkids

964000 發表於 21-5-6 18:00
我好明白她的想法，我都曾是b1A畢業，身邊好多人名校神校畢業，中學出國回來又有，我都曾經覺得LS名校無敵 ...

可否分享你點解突然會研究 is 同埋決定俾小朋友讀is？是由幼稚園開始讀嗎？

honeymelonkids

回覆 lui 的帖子

我正是自己沒有讀過國際學校， 讀過 b1a 中學後升讀本地大學，又沒有子女讀過國際學校的父母，所以帶著戰戰兢兢、好擔心自己揀錯嘅心情黎國際學校版學下野。心中嘅掙扎都係同樓主差唔多，就係應唔應該咁早開始讀國際學校，究竟應該係幼稚園階段開始讀國際學校，定係先讀本地學校，在初小或者高小先至轉國際學校。 我都知道呢個冇一個絕對嘅答案，其實都係睇返家長想栽培小朋友邊方面， 同埋願唔願意畀較貴學費。

lui

回覆 964000 的帖子

所以沒有子女讀過國際學校的父母，真係唔好隨便下一個好行貨，以自身經歷only (自己，冇孑女讀過IS）的結論。

964000

lui 發表於 21-5-6 14:18
回覆 celinechan117 的帖子

Sorry I can't agree with you.I am a parent with kids studying/studied in  ...

我好明白她的想法，我都曾是b1A畢業，身邊好多人名校神校畢業，中學出國回來又有，我都曾覺得LS名校無敵，中英雙絕（現在才知英文），當年也覺得IS沒有好處，眼尾都不會望。

不過接觸IS的世界後，想法不同了，我想自己小朋友有不同的經歷，她在IS幾年，我自己都眼界開了，不會把教育的目標定為只為學習語文和找工作，這樣目光比較狹窄，而且我覺得過程亦都重要。

celinechan117

唔同意唔緊要，大家都係討論下，交流吓咁:)

bighang

回覆 bighang 的帖子

https://topick.hket.com/article/2760264/【星二代】鄭丹瑞孻女由讀考古變鋼管舞導師%E3%80%80鄭珉感激開通爸爸支持女兒追夢
貼番個主題,好似佢都係GSIS畢業，咁佢叫做立唔立足到呢？係我定義，佢嘅人生一定好美麗圓滿

bighang

回覆 gavroche915 的帖子

成功定義每個人都唔同，我最希望學習環境培養到小朋友可以繼續追尋夢想/理想/知識，對生命充滿熱誠，對人同社會有責任感，足巳