小朋友唔跟時間表...心好累

wishofstar

雙職家庭, 返學期間都無乜大問題, 放學都會自覺做功課, 梳洗, 係懶散少少, 通常晚飯後要三催四請先肯溫習。但現在停課, 每星期只有少量功課同一星期一兩小時網上教學。停課初期, 一齊訂咗個時間表, 中間插咗起碼5段free time, 跟咗一兩個星期之後, 以家朝早一瞓醒, 食, 睇Youtube, 打機...要不停催先肯做功課, 催到自己都嫌自己煩。一來好快會復課, 然後考畢業試準備升中, 個心散曬...二來細嘅又跟住有樣學樣, 成日睇電視iPad, 我心好累....有無家長可以分享一下點樣安排好？

wishofstar

你地嘅小朋友都好生性, 有培養到自己嘅興趣, 肯自己去學習。我都要繼續努力D, 發掘下佢嘅興趣, 唔駛日日係度無所事事走去煲劇睇youtube

S-Kwok

LeeCC 發表於 20-3-30 16:24
你個肯做練習都好，暫時我只係要求星期六做下數學，閱讀理解，grammar，但都唔係個個星期肯做

一至五上午 ...

其實真係無咩時間㗎，我仔停課初期就上網學coding, 寫下game，參加下比賽咁。 依家比賽完咗，就上網學日文，近排迷緊一套書，就用多咗時間睇書，隔日就同我講睇完一本，然後就叫我買下一集比佢睇。

呢啲時間，我自己會希望佢多啲增值自己，為升中一做準備，例如睇多啲不同類型嘅文章（尤其呢段時間有咁多外國網站提供免費使用），睇下non-fiction、歷史書/video咁，但總係拉牛上樹咁

LeeCC

S-Kwok 發表於 20-3-30 16:13
要培養小朋友平時要温書真係難。
我個都係準備升中，依家每日上完堂，做完功課 （基本上每日只有1、2樣功 ...

你個肯做練習都好，暫時我只係要求星期六做下數學，閱讀理解，grammar，但都唔係個個星期肯做

一至五上午學校的網上學習，下午睇書，練樂器，做運動，玩一陣電腦(coding，online learning),其實已經無咩時間

S-Kwok

LeeCC 發表於 20-3-30 14:28
我個都係準備升中，做完學校的功課，就睇自己揀的書，做其他野，無溫習

其實佢一向都無每日溫習的習慣的 ...

要培養小朋友平時要温書真係難。
我個都係準備升中，依家每日上完堂，做完功課 （基本上每日只有1、2樣功課做），就每日做一個中文練習 + 中、英閱讀理解間住隔日做 + 數每日一個練習，IS就睇課外書，不過每日睇嘅份量唔多，平時睇fiction多。

不過基本學業搞得掂，會自己睇書同會advance自己，已經十分好。

wishofstar

回覆 LeeCC 的帖子

始終唔係FTM, 要陪養小朋友每日溫習做練習, 真係要由細開始。已經既有嘅學習模式, 其實都好難一時三刻可以扭轉。
你小朋友都好乖, 起碼完成咗學校嘅課業肯自覺睇書, 睇下有興趣又有益嘅學習短片, 我嘅係講緊完成學校作業, 只會由朝到晚睇Youtube (大陸網劇, 台灣馬來西亞大陸嘅綜藝, XX去哪兒？或者第幾季歌手乜乜嗰類, 或者Youtuber嘅開箱文...完全唔覺得睇完會有得著, 只係娛樂居多, 除非佢諗住第時做Youtuber啦), 停課前可能完成功課一日都睇半個鐘至一個鐘, 家下由朝到時, 話多兩句又可能嫌你煩, 對住佢係心灰意冷個隻。

阿細, 以家希望用時間表建立返比較好嘅學習模式, 多啲睇書同定時做練習, 6年後再升中唔好重覆行阿大舊路。

LeeCC

wishofstar 發表於 20-3-30 14:13
回覆 b3410 的帖子

如果揀佢自己喜歡想睇嘅內容, 應該全部都同學習無關。用學習進度取代時間表都係一個唔 ...

我個都係準備升中，做完學校的功課，就睇自己揀的書，做其他野，無溫習

其實佢一向都無每日溫習的習慣的，我都想在停課期間培養佢每日溫習的習慣，但原來無返學，沒有了評估默書就更難了，我真系好佩服一些保持住每日做練習溫習的小朋友

我都放棄了，總之做完功課，由得佢睇想睇的書，上網自學編程或中學課程，唔好掛住打機就算。

wishofstar

回覆 蓮蓉包 的帖子

咁睇黎要同屋企人協調一下, 嚴格執行先得, 因為有時係阿大做唔唔好, 細嘅可能有完成曬所有tasks, 包括做家務, 反而如果罰大嘅無得睇電視或打機, 會連累細嘅一齊受罰。

wishofstar

回覆 b3410 的帖子

如果揀佢自己喜歡想睇嘅內容, 應該全部都同學習無關。用學習進度取代時間表都係一個唔錯嘅提議, 會再試試同佢傾下, 攞個共識, 多謝你嘅意見。

wishofstar

回覆 LeeCC 的帖子

都有同小朋友傾過升中問題, 可能因為兩間直資都reject, 有少少心灰意冷？好似打沈咗, 更加懶理, 只怕皇帝唔急太監急

蓮蓉包

wishofstar 發表於 20-3-27 09:47
回覆 LeeCC 的帖子

今年小六, 我其實貼咗時間表, 佢地完成咗就會mark 剔號, 想佢自覺去做多過要老人家管住 ...

除佐獎勵之外，會唔會考慮比後果？我家兩個高小男孩，如果我返工我都係寫checklist 比佢地，做到獎打機（平時冇得打），做唔到就夜晚冇電視睇，直到佢做返好d工作為止。

b3410

wishofstar 發表於 20-3-27 14:10
回覆 LeeCC 的帖子

無offer啊, 只考咗兩間直資, 純粹諗住試水溫, 當練下面試點知取消曬。因為係基層家庭,  ...

其實依家取消嗮面試，呈三，好大機會叩門遊戲都唔使玩，已經等於小學畢業。溫書？溫習小六內容？如果係，我都覺得好悶，毫無動力。如果話為叩門而溫書，好似感覺付出好多，去追求一樣唔實際的無謂野。
其實應該展望將來，當自己已經進入升中后的暑假。自學中學課程，或者學習一些學校內唔會傳授的內容，閱讀，睇Ted talk 果D，有趣好多，而且可以更加好的準備將來的中學生活。

做佢自己想做的事，有動力。

至於時間表，我覺得因人而異。如果小朋友喜歡嚴格的時間規劃，就做。如果喜歡自由，唔想被限制，我就會只制定一個學習內容和大致進度，每日完成進度即可。

LeeCC

wishofstar 發表於 20-3-27 14:10
回覆 LeeCC 的帖子

無offer啊, 只考咗兩間直資, 純粹諗住試水溫, 當練下面試點知取消曬。因為係基層家庭,  ...

既然未有學位，就同小朋友講清楚自己的形勢，萬一派位唔好，就要叩門，就要幾個月裝備好，要佢知道，要升中了，要為自己前路努力

wishofstar

回覆 LeeCC 的帖子

無offer啊, 只考咗兩間直資, 純粹諗住試水溫, 當練下面試點知取消曬。因為係基層家庭, 無可能讀得起, 而且小朋友都唔係級頭, 成績亦唔夠人爭

LeeCC

wishofstar 發表於 20-3-27 09:47
回覆 LeeCC 的帖子

今年小六, 我其實貼咗時間表, 佢地完成咗就會mark 剔號, 想佢自覺去做多過要老人家管住 ...

是否已有學位，不用擔心要叩門？

wishofstar

回覆 LeeCC 的帖子

今年小六, 我其實貼咗時間表, 佢地完成咗就會mark 剔號, 想佢自覺去做多過要老人家管住先做, 再者其實管唔住。頭兩星期都跟得好啲, 其實有俾獎勵希望可以鼓勵佢做好啲, 可能停課一再延遲, 呈三又取消, 已經越黎越心散

wishofstar

回覆 star_skn 的帖子

平時奶奶幫手湊, 但好難叫奶奶督促佢, 叫咗佢都未必會聽。奶奶幫手睇住細嘅, 等細嘅唔好搞住大嘅上堂已經好好

S-Kwok

LeeCC 發表於 20-3-26 21:59
小朋友幾年級？

如果初小，可以叫照顧著幫手mark住每一節有無跟時間表，如果一個星期內跟到八成以上，有小 ...

見話係考畢業試然後升中，可能係小六。

LeeCC

小朋友幾年級？

如果初小，可以叫照顧著幫手mark住每一節有無跟時間表，如果一個星期內跟到八成以上，有小獎，跟足有大獎

star_skn

你地返工後邊個湊小朋友? 叫佢督促下小朋友要確實執行所訂立嘅時間表