中文打字學哪一種好?

pingu_k

想小朋友(小六)得閒學中文打字，請問大家覺得學哪一種好?

速成?(我自己用這種)
還是廣東/PTH拼音已夠?(c6用廣東拼音)
還是學番倉頡較好?

先多謝大家意見!

pingu_k

多謝大家的分享！ 結果我仔自學倉頡，雖然無太積極練習，但至少識咗D規則，無聊時打吓，都係個好開始！配合埋佢已識的 PTH拼音，將來做功課都夠應付吧？！

洋蔥頭媽咪

S-Kwok 發表於 20-8-21 08:37
我會揀倉頡。
我仔學校普通話教學, 就用普通話併音輸入。
我自己喜歡倉頡，識拆碼會打得好快。

其實學倉頡著數啲，始終將來見工好多公司冇咁多輸入法比你揀，但普遍公司一定會有倉頡同速成囉！

S-Kwok

pingu_k 發表於 20-2-10 12:38
想小朋友(小六)得閒學中文打字，請問大家覺得學哪一種好?

速成?(我自己用這種)

我會揀倉頡。
我仔學校普通話教學, 就用普通話併音輸入。
我自己喜歡倉頡，識拆碼會打得好快。

SeptKid

pingu_k 發表於 20-2-10 12:38
想小朋友(小六)得閒學中文打字，請問大家覺得學哪一種好?

速成?(我自己用這種)

倉頡最好

小余

本人用倉頡，但聽講速成係可以打得更快。
諗過轉漢語拼音，但發現自己的拼音不夠強的話，一用就變烏龜。

結結巴巴

fishballbaby 發表於 20-7-31 10:29
我自己用倉頡，而阿囝用普通話拼音，因為自幼稚園開始學，對佢來說唔使特別學就識得打，但是我覺得慢了點
...

如果小朋友對拼音掌握得好，可以考慮用拼音輸入法中的雙拼方案，會快好多好多。

dingyan

我都想知大家小朋友用咩輸入法。我自己用拼音，但記得之前係圖書館用電腦，好似冇得揀拼音？唔知學校電腦會唔會有呢？前老板鬼鬼哋，中文麻麻，都係用拼音，似乎而家拼音輸入法係香港都多人用？咁仲使唔使練倉頡呢？

fishballbaby

我自己用倉頡，而阿囝用普通話拼音，因為自幼稚園開始學，對佢來說唔使特別學就識得打，但是我覺得慢了點

b3410

kate_85 發表於 20-4-22 10:25
拼音會快好多，而且可以提升埋普通話能力；倉頡就一定要識寫字先打得出，呢家好多時候大家都提筆忘字 ...

我哋都係用拼音。

kate_85

拼音會快好多，而且可以提升埋普通話能力；倉頡就一定要識寫字先打得出，呢家好多時候大家都提筆忘字

洋蔥頭媽咪

kirstyau 發表於 20-2-22 12:28
快快樂樂學倉頡其實幾好玩  我個時學。

係，隻蝶我高小時買比呀仔，入面都有嘢玩㗎

kirstyau

IloveJJ 發表於 20-2-22 12:22
爸爸通常都好有智慧的

阿媽通常衰心軟
隔離個post。

kirstyau

洋蔥頭媽咪 發表於 20-2-22 12:23
我覺得佢地想學自然會學，年青人好難迫㗎啦，可以照提供比佢，引導多啲。所以我買隻蝶比呀仔，佢哋無聊可 ...

快快樂樂學倉頡其實幾好玩 我個時學。

洋蔥頭媽咪

kirstyau 發表於 20-2-22 12:15
本帖最後由 kirstyau 於 20-2-22 12:16 編輯

阿女交網上中文功課， 用電話手寫完再send返去電腦

我覺得佢地想學自然會學，年青人好難迫㗎啦，可以照提供比佢，引導多啲。所以我買隻蝶比呀仔，佢哋無聊可能又會拎黎學

kirstyau

洋蔥頭媽咪 發表於 20-2-21 19:56
我仔就好少用中文打字，可能係英中，間中有但唔多。

阿女交網上中文功課， 用電話手寫完再send返去電腦

本來心軟想買個手寫板畀佢，但爸爸又話唔好，咁即係佢一定唔會學好中文打字。

洋蔥頭媽咪

MAMAMEEE 發表於 20-2-16 23:38
請教一下，在中一/中二，需要幾多是中文打字呢？

我仔就好少用中文打字，可能係英中，間中有但唔多。

洋蔥頭媽咪

pingu_k 發表於 20-2-10 12:38
想小朋友(小六)得閒學中文打字，請問大家覺得學哪一種好?

速成?(我自己用這種)

個人會建議學倉頡，我自己用速成唔太快，但我有同事倉頡好叻，真係可以打得好快，連我呀頭打文件都會揾佢。

我都叫我仔學倉頡，有同佢講將來工作中/英文打字少不了，就算見工好多公司都考中/英文打字，而且多數公司都只有装倉頡/速成，須然九方/拼音.....學識都可以打得快，但倉頡會較普遍，所以學倉頡一定冇衰。

之前我買左隻碟比呀仔自己學，部首佢都自學過但赖用，屋企電腦有裝手寫板，佢多數用手寫，平日大部份嘢佢喜歡打英文。最近唔駛返學响屋企得閒，見佢自己拎番隻碟黎練，倉頡好快已經上番手，但要快一定要打多啲先得。