傳統&國際

cheunes1

有無人可以分享下讀國際學校系咪可以唔駛再外補？國際學校活動教學難度就無跟唔上既問題？
國際學校如果仲要外補咪仲難搵補習社羅？
我諗如果可以唔駛外補，國際學校都未必貴好多啫(emoji)

nkd

回覆 nkd 的帖子

本地的高中課程，只能說，被改到一塌糊塗。理科生可以不懂微積分，文科生可以有史無文。為一科通識，削了主修科目。有得揀，必揀IB，或者出走，除非一早選定神科。

MrBeast

nkd 發表於 20-2-21 08:17
我再細想，自己有保障，會不會在說風涼話呢？不是的，那迷霧就在非入強校不可的執著。我兒子讀的學校，是最 ...

之前網友介紹：beyond the tiger mom, 不防借來看看

nkd

nkd 發表於 20-2-19 22:33
無錯，我係留意到龍校之下，可以放手畀空間小朋友自發學習，佢間直資學校算唔錯，有功課又有探究式學習，如 ...

我再細想，自己有保障，會不會在說風涼話呢？不是的，那迷霧就在非入強校不可的執著。我兒子讀的學校，是最近住所的，我陪他步行上學的，除了一所全英文幼稚園，也不過十分鐘保母車車程。他的學校不是名字奇怪，便是被視作二流。我們有想過考名校，但結果沒有報名。其實本地學校要教的東西，幾乎一樣，連教法也類似。名校的差別，在校風和同學，多於老師和課程，除了很重視課外活動。如果不過份著緊升中，非名校不可，對分數的壓力自然減少，反而可以從一開始注意平衡課內外的學習，即使臨到升中時仍未脫穎而出，到二線中學，仍有六年時間，那時小學所練的內功，便會發揮威力，銳不可擋。

nkd

1998Ruby1998 發表於 20-2-19 22:02
回覆 nkd 的帖子

難怪！你有龍校，心態、壓力差好遠（雖然龍校都有好多家長精益求精）。睇重學術嘅非龍學 ...

自信心、成功感建於分數上，就像心情建於恆指上，患得患失，電光泡影。長期閱讀研習，快樂中努力，知識廣泛而堅實，師生討論之間能舉一反三，大家如沐春風。一份數學卷，基本短答即使不能全中掄元，但在額外難題卻想出妙解，絕倒全級，那份喜悅又如何比擬？

nkd

1998Ruby1998 發表於 20-2-19 22:02
回覆 nkd 的帖子

難怪！你有龍校，心態、壓力差好遠（雖然龍校都有好多家長精益求精）。睇重學術嘅非龍學 ...

無錯，我係留意到龍校之下，可以放手畀空間小朋友自發學習，佢間直資學校算唔錯，有功課又有探究式學習，如果不爭取名次，不計較多元文化，我唔覺得比國際學校差太遠。我仔後來過美國讀過高中，佢話英文環境一下就適應，同同學全無隔閡。如果放心交個小朋友畀國際學校，點解唔放心交佢畀本地學校呢？對學校有信心，個小朋友又跟得好好，就唔使補啦。個人觀點而已，其他人想更上層樓並無不可。

1998Ruby1998

回覆 nkd 的帖子

難怪！你有龍校，心態、壓力差好遠（雖然龍校都有好多家長精益求精）。睇重學術嘅非龍學校，尤其去到呈分，家長唔俾壓力，學校老師都俾壓力，唔到你唔出手。攞個 7 字頭分分鐘俾老師叫你快快搵補習。就算老師家長唔俾壓力，小朋友見到身邊同學個個搏命，自己分數冇上升的話，就算本身冇落後，都有種自己落後嘅感覺。呢種感覺應該系好多家長去補習嘅原因，理論上正常分數、冇落後，只係心理上覺得落後。

奈何香港系講分數、排名嘅地方，少不免自信心、成功感建立於分數同排名上。既然遊戲如此，又冇得抽身，唯有盡一切辦法玩落去。你兒子命運皆好，能入龍校，資質正常又態度認真，可以小學時期避開呢類麻煩。

nkd

1998Ruby1998 發表於 20-2-19 16:38
回覆 nkd 的帖子

都要睇個別小朋友問題同補習導師有冇料到。有啲小朋友係有心無力（e.g. SEN 需要/唔識點 ...

講開又講，落後太多係好麻煩，我不介意分數，係去到一個點，長期DEF，好難有心機讀落去。傳統小學，肯做功課，溫習考默，可能我仔好彩，無試過甩ABC，中英數底子好重要，三科好就科科好。但我唔會要求有B就望A，因為有龍校無煩惱，更加唔望超前越級，有太多其他值得投入的活動。

Jane1983

回覆 nkd 的帖子

同意你講法。自發果度力，無嘢比得上。

補習，父母比錢就搞掂，即刻可以執行，容易。激勵小朋友自發學習，難度高好多。有d小朋友容易啟蒙，有d係豬油蒙心，一味就係玩和軟皮蛇，唔易引導。

1998Ruby1998

回覆 nkd 的帖子

都要睇個別小朋友問題同補習導師有冇料到。有啲小朋友係有心無力（e.g. SEN 需要/唔識點樣自己溫習/嗰科已經落後太多，靠自己追唔切），需要人篤一篤先開竅。起碼我自己有一兩科，靠自己真係唔識溫，父母學歷唔夠應付，亦越來越落後，補習完即刻開竅，進步 20 分。
都係嗰句，家家情況唔同，補習不限資質、成績，睇自己覺得需唔需要。成績差嘅補，成績叻嘅都補。你冇要求小朋友分數上立即見效，所以你唔需要補習。可惜現實絕大部份情況分數反映實力，如果補習可以拉高到幾分，排名差好遠，去到呈分可能就係兩個 banding 嘅分別，所以家長先追求分數。

nkd

1998Ruby1998 發表於 20-2-18 01:13
回覆 mslam1016 的帖子

錯了，傳統小學都好多補中文，到中學就更加多。

有少少補充：

小朋友是普通資質，不想隨緣(求求其其\由得佢\越讀越挫敗)，甚至對中英文好有要求(只不是分數上立即反映)，我覺得補習效用遠比自發讀書、自發寫作低，補習時間太浪費。

1998Ruby1998

回覆 mslam1016 的帖子

錯了，傳統小學都好多補中文，到中學就更加多。
國際學校都有人樣樣補，包括英文（補文法多）。都係嗰句，家長係緊張成績要精益求精，咁讀咩學校都會考慮外補。如果係打算隨緣、小朋友本身係超班馬，咁讀邊度都唔洗補。

mslam1016

cheunes1 發表於 20-1-23 21:43
有無人可以分享下讀國際學校系咪可以唔駛再外補？國際學校活動教學難度就無跟唔上既問題？
國際學校如果仲 ...

我二個小朋友讀IS,無補中文所以中文好差，Y3仍要經常靠睇拼音先識讀中文，英文我覺得唔洗補，佢哋已經日日習慣聽歌，睇書講野同睇戲都睇英文，即係好似傳統小學，我諗好少人會去補中文，讀IS係學校會好忙，放左學好輕鬆，都係一二樣功課，無考試，無默書，家長會好舒服

nkd

cheunes1 發表於 20-1-24 09:49
我其實只系衡量緊讀國際系咪真系會好好多，比錢出去會換到乜野，其實我囡依家幼稚園，我諗緊條路要點行啫
傳統就功課量多難度亦高，當然想唔補習啦，但得唔得先？...

功課多，就做快D，唔係再用多D時間補習。

功課難，就順其自然低分D，唔係你小朋友的錯。

小學是快樂時光，唔好畀分數蒙蔽。

===

畀錢國際換到非本地方式教育囉，係唔係你想要既野先？

nkd

cheunes1 發表於 20-1-23 21:43
有無人可以分享下讀國際學校系咪可以唔駛再外補？國際學校活動教學難度就無跟唔上既問題？
國際學校如果仲 ...

讀國際不是為了逃出外補嗎？

Jane1983

MrBeast 發表於 20-1-31 09:12
＄唔係萬能，既然diminishing rtn, 一係講數自己溫成績進步唔洗補，or 找另一個可以inspire 到女女的佰樂 ...

同意。不過唔到我呢d外人多言啦。對症下藥，幾時都係重點。

MrBeast

Jane1983 發表於 20-1-30 23:01
因為父母覺得個女聰明，想再上一層樓。同埋錢多、時間多，就照補。我覺得搞唔掂心散，根本係無用。
...

＄唔係萬能，既然diminishing rtn, 一係講數自己溫成績進步唔洗補，or 找另一個可以inspire 到女女的佰樂，my 2c

Jane1983

MrBeast 發表於 20-1-30 21:57
my guess呢個eg 可能唔補都差不多，若父母接受到中游，咁何必貼錢買難受，有時候退一步海闊天空。

...

因為父母覺得個女聰明，想再上一層樓。同埋錢多、時間多，就照補。我覺得搞唔掂心散，根本係無用。

MrBeast

Jane1983 發表於 20-1-30 19:33
補習有無用，其實都好睇個小朋友。心散，肉身坐係度上堂，無心裝載，只係浪費時間和金錢。

識個女仔初小 ...

my guess呢個eg 可能唔補都差不多，若父母接受到中游，咁何必貼錢買難受，有時候退一步海闊天空。