為預備升中，在小學階段可做的準備

keep-calm

請教各位前輩有關升中準備，大家純粹討論一下：朋友囝囝，一線學校P4, 過去學業成績大約徘徊級5至25名左右。大路樂器剛考了5級但冇玩學校樂團，有運動校隊但冇攞個人獎。中學心儀傳統男校。朋友打算嚟緊盡谷樂器，放棄運動校隊。原因是覺得體育比賽較多變數把握細d，但樂器考級比較可以循序漸進做到。
好多前輩都分享過，要入心儀中學最重要是學業成績。但如果成績未去到全級top 1 , 點都要有啲配菜點綴下。純粹討論下，大家會點樣準備？大約要去到乜嘢程度？如果體藝去唔到最高程度，係咪索性唔好投資太多時間？
另外除了體藝外，還有什麼可以在初小階段提早預備？謝謝各位

0030

只要學習成績能保持到band1水平，不一定要band1頭，盡情去享受興趣班帶來的樂趣，我的小朋友都係甘，體育校隊跳遠/跑步，參加九西運動會雖然沒得獎，每個星期都有訓練兩天，我都照給她參加，學校的管弦樂團/手鈴隊，她想參加，就參加～但如果到小五成績退步，可能會考慮減少一些興趣班，但目前來講都讓她玩下～

kirstyau

最忌同學只得學業，係生心理問題，如果人生得返讀書，冇地方放空，發泄情緒壓力，唔係一年好事，尤其升到中學，由初中到選科走到DSE，要懂得調節壓力。

所以搵到興趣好重要。長遠做運動強健體魄，人都開心D。

happybebebe

成績最重要
而體藝、服務是建立個人自信心，令他在成績以外也有其他令自己自豪嘅事

b3410

初小不妨試多些不同課外活動，希望搵到小朋友興趣所在，而且家長的時間，師資，地點，金錢都配合到最好。冇都唔緊要，唔係人人有天份，小朋友自己唔覺得辛苦，肯玩落去就可以。
我相信每個小朋友都有自己的特長，只是我哋識唔識去搵返出來，加以鼓勵栽培。

而且課外活動絕對不是儘限於體藝，範圍好廣闊。
有時真的係緣分，加小小鼓勵。

小四左右已經可以見到D成效，重組課外活動，調整興趣投資。重點栽培一兩樣，輔助以另外一兩樣。



如果你朋友的情況，會睇小朋友自己喜歡什麼。興趣第一，之後就是考慮時間投資。例如小朋友喜歡校隊運動，暫時冇個人獎項，可以認為其實在這項運動天份有限。如果訓練地點時間都算方便，時間投入一星期一兩次，咁keep住都唔錯，也可以強身健體。不過如果學校好遠，訓練日日有，每日需要投入大量時間，就未必值得再堅持落去。

樂器更加係。我覺得除非好有天份，級數低唔緊要，也不必強谷考到高級數。反而考慮多參加一些比賽，拎幾個獎，自己也開心。如果小朋友其實並不喜歡，不如考完5級就cut, 或者唔追進度，平時練琴當放鬆休息， 多時間於學業。

畢竟升中最重要的還是成績。課外活動可以出色到令中學好想因為呢樣特長而收，投入的時間精力金錢絕對唔小。 還好大機會最後竹籃打水一場空。有課外活動，其實是為了小朋友人生豐富一些，有趣一些，不要太悶，將來多一些興趣愛好調劑，減少fatigue/ burn out.  而且多活動的小朋友，如果成績也好，說明已經掌握了一項人生重要技能： 時間管理，而且通常自律性也高。對於將來繁忙的中學生活多一些保障。

所以，不必強求，小朋友做到，自然做到。

kirstyau

vikkietse 發表於 19-12-30 17:05
不如，用另一個角度去睇。
運動校隊，邊一項呢？
如果係團體運動，要真係拎個人獎，或者有難度。

小5考演奏級大有人在，阿妹個級已經有個。

keep-calm

kirstyau 發表於 19-12-30 17:00
本帖最後由 kirstyau 於 19-12-30 17:04 編輯

個人覺得樂器都太遲，要撞岩人地學校需要，或較冷門，仲 ...

明白，體藝真係講天份，有時唔係淨係努力就得。當然堅持、耐性、毅力、家庭支援等等都不可缺少。作為家長，其實都係盡量輔助一下

vikkietse

不如，用另一個角度去睇。
運動校隊，邊一項呢？
如果係團體運動，要真係拎個人獎，或者有難度。
或者，真係可能要到高小，做到隊長，咁先有D機會。
至於樂器，坦白講，依家周街小朋友都N張證書係手。
當然，小四左右已經五級，其實都真係好叻架喇。

我會咁去睇，的確，先要問清楚小朋友個興趣係邊先，有時，雙線發展都唔係一件壞事。
學樂器，唔係一定係靜，到第日更高級，其實都幾考體力架。

體藝雖然講「體藝」，但都幾講求成績，始終唔可能只收「體藝」好o既學生。
呢方面，我諗除非小朋友第日真係想係體育或藝術到有發展，或者大學都會讀呢D科，否則的話，其實都唔一定要考體藝o既。
有好多都幾重學業o既中學，體育藝術都發展得好好架。
我唔講直資啦，一間林護、一間聖馬可，一間梁球鋸(屯門)，重學業之餘，其他課外活動成績都唔錯。

kirstyau

keep-calm 發表於 19-12-30 15:19
請教各位前輩有關升中準備，大家純粹討論一下：朋友囝囝，一線學校P4, 過去學業成績大約徘徊級5至25名左右 ...

個人覺得樂器都太遲，要撞岩人地學校需要，或較冷門，仲要8級或以上。

音樂 樂器 運動真係講talent，運動仲要有全港排名先算數。朋友某項球類打到分齡第一， 成日見代表香港比賽，女校爭住收，但堅係辛苦， 放學放低個書包就係打波， 成個小學生涯都係咁。 唔係有咁嘅talent 興趣點捱。

還是專心發展學業，樂器運動叫申請表有嘢填下唔好咁吉。 叫你朋友求其download幾間直資神校申請表就知道需要有啲咩。

keep-calm

LSYHK 發表於 19-12-30 15:35
先問問你朋友的仔仔
佢的興趣是音樂還是體育
升中是重要 但若果要因為升中 為了一張証書

同意，要尊重小朋友自己的意願及興趣。朋友仔仔有繼續做運動,不過時間分配有調整

keep-calm

longlokma 發表於 19-12-30 15:26
你朋友囝囝已小四，為何還研究初小可以做什麼？

因為我自己小朋友仲係初小，相信睇呢個論壇嘅亦有唔同學段的小學家長。
分享朋友諗法主要係想集思廣益,聽多啲大家意見.謝謝

LSYHK

先問問你朋友的仔仔
佢的興趣是音樂還是體育
升中是重要 但若果要因為升中 為了一張証書
而要去谷佢學樂器 就要想清楚!
始於講緊體育同樂器都是一種嗜好....

longlokma

你朋友囝囝已小四，為何還研究初小可以做什麼？