我仔間小學是咁的...

DELLENDA

我仔經大抽獎入讀了一間區內二線小學，小一由9月開學到現在，其他家長和阿仔跟我分享小事如下：

1. 阿仔開學兩星期，給同學弄壞了眼鏡，要買過。
2. 有同學在上課時經常走出位，行來行去，其他同學叩櫃桶吶喊。
3. 小息時有同學在走廊亂跑撞人，沒有老師當值。
4. 小息時，有同學在男廁大力踢廁所門，還爬上廁格頂偷看在廁格內的人。
5. 有同學打人，一打打十拳。
6. 有同學握住學生證飛打同學，把那同學的手指割起一塊肉。
7. 有同學上課時打女老師的屁股，女老師當場叫非禮。
8. 昨天，有同學在男廁亂跑撞跌同學，那同學個口撼落角位，成口血。
9. 今天，無厘頭發現有大便在男廁地上。

以上事情有些是阿仔親眼目擊，事情後來如何就不太清楚。有時我會問班主任，她多數說不知道要了解下就避開了。

有時聽到我覺得學校的紀律好有問題，但又無乜經驗，不知道是不是自己站在道德高地，請問大家小朋友讀的學校有沒有類似情況？

而我是不是只能教好自己小朋友，其他的就沒甚麼可以做呢？

Bigpig_2007

轉校啦！

DELLENDA

little_yolky 發表於 19-12-20 15:12
麥兄D嘢睇咗笑完就唔好咁認真諗啦，諗到你頭痛呀

多謝提醒

little_yolky

DELLENDA 發表於 19-12-20 10:24
點樣被揭發出黎呢? 係咪有個屋企人終於頂唔住沖完涼全身屎味，拆開個花灑頭發現有舊poopoo在裡面，再和所 ...

麥兄D嘢睇咗笑完就唔好咁認真諗啦，諗到你頭痛呀

DELLENDA

以後去旅行可能要認真check 下酒店房的花灑頭有冇味

DELLENDA

ar_mak 發表於 19-12-19 23:09
屎係一種好好玩,好令人著迷既玩意.

話說是咁的,有個同學就請大家上佢屋企玩,作客其中一位同學仔就人有三急 ...

點樣被揭發出黎呢? 係咪有個屋企人終於頂唔住沖完涼全身屎味，拆開個花灑頭發現有舊poopoo在裡面，再和所有屋企人一齊研究邊個做，發現只有某同學借過廁所拉大便最有可疑，就鎖定目標人物是某同學。

而追問下，某同學自爆佢係經過多次在自己屋企做實驗，要先衝破心理關口可以徒手拎起舊poopoo，再精通開拆花灑頭的技術，講到自己好似天才咁來表示自己似個整蠱專家。

呢個某同學係咪就係閣下？

little_yolky

ar_mak 發表於 19-12-19 23:16
飲水可以沖左D菌出黎???

係飲水令上廁所數量正常同尿量正常。菌就存在響度，就係靠定時定後去廁所，沖走大部分。如果無飲水，上廁所次數少，尿量亦少，就唔能夠沖走咁多菌，菌多咗，繁殖量亦相對多同快，就瀨嘢。

964000

little_yolky 發表於 19-12-17 19:35
本帖最後由 little_yolky 於 19-12-17 19:38 編輯

兩個女讀間小學呀！

男仔真係百厭好多, D女仔自小要學下點「容忍」D男仔

little_yolky

NNbaby 發表於 19-12-19 17:28
原來得個樣，早知就唔洗咁驚

NNbaby

little_yolky 發表於 19-12-19 16:10
裁縫D木尺好化學㗎咋，阿爸係裁縫，細個時佢用裁衫把尺打我，一打就斷
...

原來得個樣，早知就唔洗咁驚

little_yolky

Raccch 發表於 19-12-19 16:23
回覆 little_yolky 的帖子

我女好恐怖，可以返成日學水壺d水無少到我諗佢係唔想去廁所就唔飲水 ...

係呀，D細路係咁！如果飲水少，去廁所少同埋量少，咁D菌就唔可以定時沖出嚟，多咗，抵抗力一差就尿道炎。

Raccch

回覆 little_yolky 的帖子

我女好恐怖，可以返成日學水壺d水無少到我諗佢係唔想去廁所就唔飲水

little_yolky

NNbaby 發表於 19-12-19 10:39
我明，裁縫造衫咁大把既間尺

裁縫D木尺好化學㗎咋，阿爸係裁縫，細個時佢用裁衫把尺打我，一打就斷

little_yolky

Raccch 發表於 19-12-19 11:20
回覆 DELLENDA 的帖子

咁恐怖。。。我要同阿女了解下佢學校先，因為佢係唔中意係學校去廁所的，忍得就忍。 ...

唔好咁喔！我阿女P1又係咁，搞到尿道炎。

Raccch

回覆 DELLENDA 的帖子

咁恐怖。。。我要同阿女了解下佢學校先，因為佢係唔中意係學校去廁所的，忍得就忍。。。