請教大家小三男孩

kiukiu1016

岩岩出了考試成績，一般（睇左考試卷好多都係大意出錯，佢本身係一個好大意男孩）不過考試前每天都好努力溫書，成績還不太好，平日默書會有9x.但考試就落差很大，問佢原因，佢話十分緊張，我可以點樣幫佢？2月會下一次考試，依家要多睇課外書，還是做練習？

vin105

sunnymama2 發表於 19-12-16 10:24
唔知樓主和小孩有冇一致的目標。。。
我小孩和你仔相反，唔肯温書，曾經就阿仔學習態度問題揾學校社工幫忙 ...

同意，尊重孩子是很重要！但要同時適當在試協助孩子定好溫習目標及時間表，若果能好好執行。我想不論結果好壞，都好似其他家長分享般先肯定孩子，再在適當時才和孩子就他的答題技巧檢討！

樓主開得此題目，相信已經有改善方向！繼續加油！


另一方面，孩子能力是否真的可以谷得起，家長應該如何定位？成績不理想後，加習作？加補習？在加操後，仍留在中游，到那個位才應該為孩子以中游能力去教導？小四？小五呈一分後？小六呈二後，報直資/自行時？

家長對孩子期望如果與孩子能力有落差，其實要盡快調整及找出一致，否則每次考試也可能出現不愉快的場面！但當對孩子期望拉近從，將對孩子的推力（push)變成拉力（pull), 孩子收到家長的同理心，結果往往事半功倍！

☝️以上只是個人吹水，我兩個仔仔的學習仍然拉牛上樹，但我和他們媽媽的期望調整了又調整，成績中游中的中游，但學習總算愉快。開開心心又一年！

各位家長，孩子愛同理爸媽；不愛虎爸虎媽。加油！

Lu324

我個仔小三, 佢學習態度差, 叫極唔溫書, 默書可以唔合格, 但考試ok. 我既溫書定義同佢應該唔同, 我今次覺得佢冇溫, 但出黎其實差不多. 自己同補英文老師都認為佢可以再上, 但事實係佢已經滿足.

kiukiu1016

sunnymama2 發表於 19-12-16 10:24
唔知樓主和小孩有冇一致的目標。。。
我小孩和你仔相反，唔肯温書，曾經就阿仔學習態度問題揾學校社工幫忙 ...

我最近有些事話了佢兩句，佢就發脾氣講一些我鬧佢既事，之後。。明白，佢只要努力學習，成績不是最重要，佢依家仲肯讀書，仲有得救，我要改變相處態度，希望可以有改善

kiukiu1016

Cheeselover 發表於 19-12-16 07:29
忘記一點，多點讚賞小朋友懂的，是一種鼓勵，他們會更有信心，因為一猶豫，錯的機會更大。
我女也有不專心 ...

對，要改變態度

sunnymama2

kiukiu1016 發表於 19-12-16 07:33
係，有時自己太心急或者太勞氣，就忘記佢只係8歲小孩子，要慢慢黎

唔知樓主和小孩有冇一致的目標。。。
我小孩和你仔相反，唔肯温書，曾經就阿仔學習態度問題揾學校社工幫忙。社工同阿仔傾完後，同我講番阿仔的心裡話，聽完我覺得心酸。

自此之後，我學識“尊重”阿仔，其實分數都唔係最重要，最重要係小朋友精神健康發展，佢才可以行得更遠，親子關係才可以更長久

kiukiu1016

sunnymama2 發表於 19-12-14 07:14
同意你所講!

有時壓力太大會失準，嘗試學習唔好太睇重

係，有時自己太心急或者太勞氣，就忘記佢只係8歲小孩子，要慢慢黎

Cheeselover

kiukiu1016 發表於 19-12-12 10:25
係好谷，考試果陣我都覺得自己癲癲地

忘記一點，多點讚賞小朋友懂的，是一種鼓勵，他們會更有信心，因為一猶豫，錯的機會更大。
我女也有不專心或發夢時候，都幾火滾，現在試下另類方法，叫她玩15分鐘，等大家氣氛緩和一下，再繼續。

Cheeselover

kiukiu1016 發表於 19-12-12 10:25
係好谷，考試果陣我都覺得自己癲癲地

我告訴女兒，試卷個個同學都識，老師考大家哪一個眼睛精靈，哪一個小心。她也粗心大意，失分在無聊地方，例如漏個＂s＂，有時寫錯數目字，有時忘記簡單的生字。
不要太著緊成績，努力過就行，溫習態度比識多少更重要。

sunnymama2

jli008 發表於 19-12-12 09:53
看到你講平時都9X,基本不會太差,你要做的就是家長唔好令孩子一到考試就緊張萬分,好像差了就失去人生意義咁 ...

同意你所講!

有時壓力太大會失準，嘗試學習唔好太睇重

kiukiu1016

jli008 發表於 19-12-12 23:18
正常妈妈这份工作是最辛苦的。

要返工，放工又要理功課、溫書

kiukiu1016

多謝大家，依家做媽媽不容易，每天都十分累

limei0101

回覆 kiukiu1016 的帖子

要欣賞小朋友努力付出的過程，結果不是太重要。我小朋友P4，今次考試都未如理想，都是好大意，失好多分，以後仍有好多次考試。

1998Ruby1998

三年級仲係「眼殘」階段，睇唔到就係睇唔到，唯有就係鼓勵。四年級就開始減少。

佢緊張，多數係唔熟，你要 keep 住平日溫書。考試前一個月就開始慢慢溫。做練習係 short term，要黎臨考前谷一谷，睇下自己跟兩有幾多。課外書係長期累積，唔會咁快 2 月就見效。

little_yolky

jli008 發表於 19-12-12 10:19
香港教育令很多家長眼光看狹窄咗,要孩子做高分機器,家長放開些,孩子沒太多壓力,開心學習下唔會差得去邊.好 ...

咦？原來你女女中一都試過唔合格？咁我都要樂觀D至得

b3410

平常心，平常心，平常心，考前可以督促溫習，派卷一定唔會鬧。就算鬧，都係揀科其實成績唔錯的，揀D careless mistake 督促一下，提點下次要小心。
越係低分的科目，尤其是小朋友已經努力過，還考的唔好的科目，一定唔會鬧。反而要搵亮點鼓勵下，話原來咁刁鑽題都識做。其他題目更加小意思，下次再來過。

低年級建立信心為主。久而久之，小朋友就會有正確的考試態度，緊張程度會慢慢下降。