阿囝21歲,想去加拿大讀書(學院,唔係大學),需要揾agent安排嗎?

~仔仔媽咪~

阿囝依家讀緊IVE高級文憑課程,學校依家至安排搞緊網上教學,冇學番,
阿囝主動想出去讀,因加拿大我地有親人有住宿提供,所以都暫時決定去加拿大揾學校,
但突然間有咁既決定,我做人阿媽既乜都唔識,唔知點樣安排,
暫時嗌阿囝温定書考咗IELTS考試先,但未考,我呢刻可以能夠做啲咩?
有冇媽咪可以教我點做?
暫時我所知,都只係,就算我囝呢個月考咗IELTS又合格&人地又肯收佢既話,最快都係下年九月至有得過去讀.
其他我真係企咗响度,乜都唔知.

如果真係要揾agent幫手,邊間好...?

vespa

每間學校唔同科目都有自己入學要求，建議先搵到心儀學校同科目，評核自己成績是否可以達到要求，同埋注意申請報讀的deadline。
可以一邊搵學校一邊考IELTS ，一般大學入學要求係overall 6或以上，IELTS 可以重複咁考，唔合格考到合格為止，成績單有效期兩年。
另外，有乜嘢問題可以直接電郵或打電話問學校的advisor ，一般會好樂意回答你嘅問題。
當年都係自己申請無經agent，盲中中一步一步摸着石頭過河，但係定左目標問題總能解決，加油！　

Cara2006

~仔仔媽咪~ 發表於 19-11-25 11:01
如果唔考IELTS試住, 直接報咗學校先,去到加拿大報埋兩年英文班後補番IELTS資格可行嗎?如果真係OK可以咁樣做,大概係咪先報咗學院等佢地批,批咗有得讀後就報埋英文班,然後至申請VISA?

每一間學校要求不同，申請大學是需要 IELTS ，大專就可能未必需要，中學就肯定不需要。
我建議你去心儀大學/大專 website 看看入學要求，間間有不同要求。
假設真的要 IELTS ，他們未必要求填申請表的同時，必須已經有 IELTS results 。
當然，已經有 IELTS results 最簡單。
我說 "後補" ，原因是很多學校快 application deadline ，你考都未考，等 IELTS results 就錯過 deadline。
如果現先申請，同時安排考 IELTS ，就可以後補 IELTS results。
大學/大專如果有要求 IELTS ，就一定要考，冇人可以例外。
如果已在加拿大或英語國家（美英澳等）(including 香港的國際學校) 完成四年高中，可以括免 IELTS。
你說的英文班，是大學學內的，還是外面的英文班？
部分大學，的確有類似 ESL 或 foundation program，但你一日未完成這種班，你都不能算正式入到大學的課程。
外面的英文班，良莠不齊。的確有一些正統 language school，但是否被大學承認可用作代替 IELTS ，建議你直接向個別大學 confirm。而且，有些 language school 是學店而已。
讀大學自己的，或校外的英文班或 foundation，金錢和時間成本也不少，不如自己花點時間考 IELTS。
其實，除了 IELTS ，也有其他高中成績的要求。
建議先看看個別大學的入學要求。
當有正式大學收，會給你 acceptance letter ，就可以申請 visa。

~仔仔媽咪~

回覆 Cara2006 的帖子

謝謝您! ;)
如果唔考IELTS試住, 直接報咗學校先,去到加拿大報埋兩年英文班後補番IELTS資格可行嗎?如果真係OK可以咁樣做,大概係咪先報咗學院等佢地批,批咗有得讀後就報埋英文班,然後至申請VISA?

Cara2006

大專大學都差不多 application deadline 喇，而家快 d 揾學校。
submit application ，等 acceptance letter 再整 visa ，真係要等九月先得。
一係睇下有冇學校比你 summer term (即 5 - 8 月 ) 入學，但相信好少。
主要問題係，整 visa 都快唔到。
IELTS 反而可以一路揾學校一路考，一般申請時不用有 IELTS results ，可以後補。
你自己上網睇學校 website ，睇下有乜入學要求，唔明先 email 問。

~仔仔媽咪~

回覆 bbba05 的帖子

感激您俾既意見,我完全一味掛住諗考英文試,其他我乜都唔識諗.
我暫時上網揾都係關於建築設計呢科既課程,因為我囝依家剛剛學緊,但真係讀咗得果兩個月囉...
集中揾温哥華,暫時睇到一間响市中心好似都幾好咁,唔知難唔難入,我諗我先email問咗間學校詳情先,
至少都得個知字,唔會好似依家咁冇哂方向,唔知除咗考英文試仲要搞乜...
温哥華果邊親戚都好熱心,話會幫我揾吓有冇咩課程資料...我膽粗粗問佢可唔可以收留我囝,佢諗都冇諗,家庭會議又唔駛開,即刻嗌我地過嚟住...呢吓真係覺得真心感動...至少我放低其中一舊大石先...

暫時上咗間學院個官網睇,其實依家至下年一月已經要報名,報到又收就係2020年9月開學...IELTS試要6.0成績...暫時知既野就係咁多.

bbba05

~仔仔媽咪~ 發表於 19-11-24 12:13
阿囝依家讀緊IVE高級文憑課程,學校依家至安排搞緊網上教學,冇學番,
阿囝主動想出去讀,因加拿大我地有親人有 ...

課程會唔會都係credit based,  可以插班唔使等到明年九月？如果有心水學校，試吓直接email 問吓。唔熟搵agent問多d資料都係好事，記住問多幾間，聽多d意見。