INTERVIEW N 班後,感覺到老師覺得是有問題小朋友

sheepandyan

小朋友男仔20M,最近3 間INTERVIEW左 3間n幼兒院,其中有間是group in, 無問題都乖乖肯坐,第二第三間補in兩次單獨IN時都大喊吾坐,想出番去等候區到玩玩具!

其中一間我覺得老師暗示佢有問題,想問下各位意見!

interview老師覺得佢仲未識叫講野,同流口水情況嚴重,是口肌發展有問題,所以導致佢未識講野,加上我們是雙職父母,工人主力湊,工人未必會識同佢溝通.
另外nterview當日老師同我叫佢名都無反應,掛住玩玩具,又無望我地,所以老師問我平時係未都甘,但其實係家佢會應我們.老師叫比野佢,同我仔仔比野我都吾理我地.

本身我都打算等到2歲健康院評估後有問題後再找協康會評估, 但INTERVIEW完後我就好驚,因為似暗示我仔有自閉症.


總結一下我留意到小朋友既技能同特徵:

1.聽到媽媽說沖涼、刷牙，識得自己入沖涼房,識自己用牙刷刷牙
2.知道媽媽快回家，叫工人姐姐著襪，因為知道可以去公園玩
3.唔順意時會撞頭自殘，最近再次出現的行為,之前細點時試過,後來停止左一半年都有
4.鐘意車（巴士、小巴、的士、紅綠燈、過馬路）對車聲敏感，有時會望樓下既車, 但家中車就好少玩
5.鐘意開門、關門，面試時也有玩門表現
6.喜歡睇自己鍾意既書（需父母伴讀）能維持20分鐘,暫時喜歡既書都有10本左右,睇新書可能都要一睇一排先會睇,有時會自己睇書
7.對外人拍手及讚賞會表現出扁嘴及喊行為，有時家長拍手讚都會
8.對聲音敏感，當媽媽開房門時同廚房時會快速衝入房間想入房玩其他野，或玩門，因為知道門會很快關上。
9.到陌生環境，第一時間會抱媽媽腳，上playgroup 會成個人軟曬,又要WARM UP 一陣先無事
10.脾氣差同固執
11.識自己用叉同手食野,匙就未識,一叫佢試,會推番比你,叫你餵,因為知道餵食比自己食快好多
12.1歲就識行,現在行得好好,喜歡出街
13.指令識9成以上,但就未識講野,最近發多左BABABABA音,都聽過POPO音,但見到爸爸都吾叫
14.成日會手指指,叫你拿東西同叫你發音

最近成個蘋果比佢咬,希望訓練到口肌,佢都食到!仲幾叻,同開始有幫佢按摩口肌同叫佢合埋口,話佢知好多口水!


想問下各位有無咩意見比到我?謝謝!

SukiLeungCheung

請問你和小朋友係邊度上私人言語治療啊？我仔仔今年九月也上E位 現在也想幫他報

wingrio

流口水情況嚴重 - 都好明顯特徵要小心留意下
擔心就拿拿聲去評估下

sheepandyan

回覆 lovely_b 的帖子

小朋友上左私人言語治療,協康會密集集班同E位後,係2歲半時開始講有意義字爸爸,當中我覺得幫助最大係言語治療同E位!我無同佢PN,因為疫症都網上學習多幫助不大!及早做治療!現在3歲可以自己講簡單短句!同我細個教佢既字佢都慢慢出到黎! 同無自殘行為了!社交方面仲係弱,要WARM UP 時間長點!雖然同同年紀可能仲差好遠,但我覺得已進步好大!所以快點幫佢地!對症下藥!

lovely_b

sheepandyan 發表於 20-11-30 21:44
回覆 crystal媽咪 的帖子

對!只比了IOE位! 最後我簡左E位!好感恩及早發現小朋友既問題,現在能安坐面試,行 ...

樓主，我小朋友同你小朋友好似，26個月都仲未講嘢，心理學家話有自閉譜系特徵。我而家排緊O位。請問樓主你小朋友而家點，講嘢未？有冇做OT/ST/密集？最後有冇讀PN? Thx

Lili1113

打去建康園，講小朋友情況，好快會安排評估。

sheepandyan

回覆 crystal媽咪 的帖子

對!只比了IOE位! 最後我簡左E位!好感恩及早發現小朋友既問題,現在能安坐面試,行為都改善左好多數!及早幫小朋友是對!

sarah_cy

回覆 sheepandyan 的帖子

心理學家只係評估你小朋友合適排EIO位，咁排唔到S位架。而且S位係比中度至嚴重殘疾的小朋友，根據你描述，你小朋友個情況尚算輕度情況。我有朋友嘅小朋友差唔多情況，又係自閉傾向，唔點講嘢。最後係用I位。依家個小朋友5歲啦，情況好咗好多，咁當然除咗I位老師嘅幫助，我朋友都付出咗好多心力。

crystal媽咪

sheepandyan 發表於 20-7-1 20:09
(最近狀況更新)
我最近27M都帶左小朋友去協康會做心理評估,心理學家評佢係自閉傾向,智商只DELAY 1-2 個月!  ...

S位特殊幼兒中心，有治療師、全日、人數比例較少
但佢唔係只比你揀E、 I、 O位咩？

sheepandyan

回覆 Mrscatcatfung 的帖子

戒左訓前個3-5分鐘youtube見佢有專注力好左,肯睇番書,先生吾想我吾做野,驚負擔好大

sheepandyan

回覆 奇趣寶 的帖子

我剛評估了,我覺得心理評估有用過言語評估,我2樣都有做! 小朋友可仿說,言語評估都吾係幫到佢d咩,佢教左我訓練口肌既方法有dd用,但可能自己上網都搵到

sheepandyan

(最近狀況更新)
我最近27M都帶左小朋友去協康會做心理評估,心理學家評佢係自閉傾向,智商只DELAY 1-2 個月! 佢強調自閉徵狀不明顯,個日好合作肯玩,大部份tasks都做到底但因為佢有撞頭打頭,笑同咪眼鬼瞼,用腳尖行(我無用地墊就變番正常),開關門(現在都都停了),定期轉行既固定路線等行為

現在心理學家會做
1.比轉介信尤德建議小朋友做言語治療
2.比信我去排精神科,話入學前再做多次評估我去簡學校
3.比信我抃社署再排服務,EIO 位佢話叫我自行決定

我想問一下各位意見我係未同佢排S位比較好?本身8月中就入私人N班,我都想佢試下讀,建立番社交, 但又好怕老師吾理佢,好多人話呢d小朋友好多都簡錯幼稚園害左佢,同佢成日都要開門走, playgroup 同interview都有想開門走,想問下各位意見,小朋友仲未講野,見過佢有意識講過下姐姐同食同吾食,都多BB話,仲係好多口水,比以前口水係小左D,提佢識抹同合口,食野可以自己食,識去洗手,刷牙,除衫,除片! 我覺得佢自理比我訓練後好左好多,同行樓梯見佢開始識左右腳交換上樓梯, 仲有好肯自己行1-2小時無問題!未識跳同吹動作.
playgroup老師摸佢就話佢肌張低,d肉林,大小肌發展吾好,所以行路左搖右擺及吾隱,要多運動! 我都幾肯定佢智力無問題,個日協康叫佢指形狀,大細,佢只識圓形,因為我無教佢,回家教佢,見佢都好快有概念指到!

我會自己在家再train佢,但平時斬係工人湊,我要番工,想問大家係未排s位岩佢多點?

Mrscatcatfung

回覆 奇趣寶 的帖子

另外，家中有無人看iPad iPhone,小朋友有冇接觸?

我个小朋友之前又係工人照顧，
好多手机，小朋友完全不理人。

後來把心一横，全部收起。
日日講故事，看圖書，做親子遊戲。
捱左8个月，4歲仔由講三個字去到中英文講簡單完整句子。
比較會看人臉色，仲唔会那麼執著。

我之前亦有些老師暗示我仔可能是自閉，
也有人暗示他似資優。
check 了自閉，說不是，但可觀察住。
我个case 特別，没有人敢说是或不是，我也不想理。
好像職場一樣，什麼人都有。
只要不為别人帶來麻煩便可以了。

其實 確不確診也要自己好好教。
樓主媽媽，有冇可能自己照顧?
我之前觉得阿仔有d特別時，便不請工人，
和婆婆自己照顧。
日日逗他玩，家中Role play 打招呼遊戲，
現在他一出街见到阿姨叔叔會甜笑賣萌。
你试一试零手機零電視零電腦先...

祝福你

奇趣寶

已覆

chpolly

回覆 sheepandyan 的帖子

我仔呢排講野多左。但都系叫佢講先講。唔會主動講，有時叫佢叫爸爸媽媽，要叫到發脾氣先肯叫🤦🏽‍♀️，我都排緊協康會做訓練。但都唔知排到幾時先有位。想問你小朋友有沒讀n班或k1.

sheepandyan

回覆 chpolly 的帖子

想問下你小朋友最後講野未?我小朋友26M都未講野, 流口水係好左點,自,理都好左,仲係得BB話同BABA音,見到爸爸叫佢叫吾叫,但就指到晒D人出黎,見佢指令都完全聽得明!但都吾肯開口,等緊協康言語治療, 我諗緊排期做埋心理評估!

chpolly

我仔26m同人沒眼神接觸，唔應人，都排緊政府做評估。因為呢排疫情問題推遲左做。大家可以交流下心得。

sheepandyan

我最後去22M左協康會做左言語評估,話佢只識發A音,教左用咩方法教我點教仔仔講野, 自己覺得作用未叫好大,都會再排期等治療,23M了都未識講D咩,我覺得佢既指令方面係再好左既!但真係吾講野!依依呀呀手指指甘表達自己想要咩.下個月睇下健康院點安排!

vanemama

都有D似自閉譜系.. 如果擔心就見下專業人士先啦. 我排到政府評估之前就先搵左治療中心，佢地會做埋簡單assessment. 可以知道小朋友大約咩程度， 有冇需要擔心.. 等等. 有需要既話俾資料你

skytobb

sheepandyan 發表於 19-11-6 12:41
小朋友男仔20M,最近3 間INTERVIEW左 3間n幼兒院,其中有間是group in, 無問題都乖乖肯坐,第二第三間補in兩次 ...

老師每日接觸不同類型幼兒，佢應該觀察到你小朋友的情況，自閉有分輕重，玩門、通常叫名幾次才回應、表達能力，排車和自殘也是一部分特徵，有些會到幼兒上幼稚園群體生活和學習時才發現。可以的打去健康院給姑娘約見，再安排轉介，黃金治療期是6歲前。