性格懶散嘅小朋友讀國際學校

mandy_ng207

呢個topic我估會好惹火，請大家手下留情
我仔剛讀year 1，佢讀幼稚園果時我係唔理佢學業嘅，總之老師無投訴就得。但上左小學，我都決心要跟一跟佢嘅學業，咁就發現左佢嘅懶蟲性格...
功課佢在我監督之下都快手做完嘅，亦都識晒，但我一拎reader出來佢就揾九萬個藉口唔讀...明明識讀唔少字但永遠只肯讀同一本書，學校有本自選reader佢keep左三星期都唔肯還，為左唔駛學新野...
但佢出街又會自己睇告示牌認字，不是沒有學習動機。
我未讀過國際學校，但我自己小學果時性格都係懶散，經阿媽迫一迫先至考到好成績（當然我亦因此同阿媽唔太好感情）。國際學校唔會逼學生，咁性格懶散嘅小朋友會唔會學唔到野？
定係我擔心太多？
希望能有過來人分享，謝謝～

hkkkfu

回覆 behd 的帖子

請問係邊一間學校? 我有興趣想了解下

weijiagao

我們學校老師每天會讀書，小朋友都好喜歡，自己主動去借老師讀的書。還會請作者來學校和小朋友見面互動。每週自己可以借2本，家長也可以去學校圖書館借5本

sze~sze

bigbighei 發表於 19-10-26 09:56
我有少少分享，如唔啱聽希望唔好介意.
我家3孩子，唔多唔少都看得到多啲.
Y1 啫 唔洗咁緊張，我家小孩 佢 ...

bigbighei, 你小朋友讀邊間國際學校呀? 可以分享一下嗎?

Ashleycorina

mandy_ng207 發表於 19-10-11 14:30
呢個topic我估會好惹火，請大家手下留情
我仔剛讀year 1，佢讀幼稚園果時我係唔理佢學業嘅，總之 ...

唔好擔心咁多呀！我自己讀過IS又响外國讀書，其實每個人個進度同表現唔同。
我仔year 1時，我懷疑佢識啲字仲少過k2個cousin ，佢日日都係玩。但year 2個暑假同佢去書店，佢揀啲書令我好surprise，佢成個假期睇咗好多書！

bigbighei

mandy_ng207 發表於 19-10-11 17:12
多謝各位回覆。
佢性格貪玩，講嘢無哩正經，唔認真學習，所以我先頭痛
正如Jane1983的朋友所說， ...

我有少少分享，如唔啱聽希望唔好介意.
我家3孩子，唔多唔少都看得到多啲.
Y1 啫 唔洗咁緊張，我家小孩 佢地Y1-6 在家真係冇乜點睇書，但佢地在學校有睇書時間 一齊睇實會睇到啲既，我從不跟他們功課，我都冇咁既能力跟，但係上佐中學大個佐，就會自然識發力.  
我家小孩Y1-6 每天都係玩玩玩，我都冇見佢地做功課，不知幾開心，到中學、佢地發現自己冇什麼困難才主動叫我揾補習，都只是補一科，到Y11 先補多一科佢需要，所以我唔洗擔心.
令我感恩既係佢地間學校幫佢地揾到自己既興趣，有了興趣就自然向住目標去行，就會努力因為喜歡嘛。
我家孩子讀IB 滿分56 佢分平每次考試都有50或以上，不是差吧.
由得佢地在小時候先找到自己所愛的科目吧

mandy_ng207

Jane1983 發表於 19-10-14 13:38
上得EK的家長多數係對孩子學習比較重視的家長，多少會伴讀、會自己比練習小朋友做，甚至報一d都唔平的CTY課 ...

哈哈，說國際學校越來越本地化是真的。本來學校的功課，閱讀計劃等都不是必須參與的，學校只係話交左有house points，唔交係絕對無問題。港人家長如我當然是不敢怠慢，但我諗學校原意可能不是如此？我雖未有勇氣在這時候放手叫小朋友安排自己的學習，但這個帖也提醒了我不用像自己讀小學時那麼緊張成績，只要小朋友不是抗拒學習，進度慢一點或hea一點其實不是問題（而我相信學習是一分耕耘、一分收穫，我仔早晚都會明白讀書的重要性...）

Jane1983

上得EK的家長多數係對孩子學習比較重視的家長，多少會伴讀、會自己比練習小朋友做，甚至報一d都唔平的CTY課程。呢個同樓主講的懶散小朋友在寬鬆環境下會唔會學唔到嘢，或者學少咗嘢，係無關。家長介入或者比小朋友報讀額外課程，已經無得懶散。

964000

mandy_ng207 發表於 19-10-13 21:05
多謝你嘅分享，可能我用緊大人嘅角度睇一個小一學生，宜家知道大家都只要求小朋友每日做10-20分鐘功課，同 ...

嚴格來說只是K3, 我女這個年紀都冇功課，主要是運動下練下琴玩下，你應該好好enjoy下在IS今年已經是賺了，和你同齢在LS的小朋友，正在如火如荼的準備考小一，想輕鬆也不能。

Saboc

我自己都係讀傳統學校長大, 但我會成日警惕自己 要跳出自己過往嘅框框, 要對小孩同埋 學校有信心,。我哋讀本地學校嘅家長都偏向會比較心急 眼前成效。

Saboc

我家兩個小孩，看書習惯同發展都唔同。我認為先投其所好，尤其喺得學校借嘅書，我覺得乜嘢書，有字無字多字少字，我哋都可抱开放態度。唔好經常用自己大人嘅角度同实用性去睇件事。 就算佢借咗一本 冇乜字嘅書其實我哋都可以 引導下佢 ，照樣用嗰本書發揮吓。 小孩發展有快慢。兩人起步唔同，但而家兩個都非常熱愛睇書。 同樣地我用呢一種態度去develop 佢哋睇中文書嘅習慣, 我都覺得係好work.

mandy_ng207

964000 發表於 19-10-13 04:55
終於有時間覆你。
其實Y1等如local K3年紀還細，你先要培養佢閲讀習慣及責任感，對佢set番D要求，例如每天 ...

多謝你嘅分享，可能我用緊大人嘅角度睇一個小一學生，宜家知道大家都只要求小朋友每日做10-20分鐘功課，同埋bedtime story嘅話，我仔都不算特別懶。咁佢有樣嘢好，就係一學就識，教佢唔算勞氣，相信好快會明白做小學生同幼稚園學生嘅分別。

964000

mandy_ng207 發表於 19-10-11 14:30
呢個topic我估會好惹火，請大家手下留情
我仔剛讀year 1，佢讀幼稚園果時我係唔理佢學業嘅，總之 ...

終於有時間覆你。
其實Y1等如local K3年紀還細，你先要培養佢閲讀習慣及責任感，對佢set番D要求，例如每天閲讀10-15min，最好睡前，伴讀也可，但又小心不要變成虎媽中英數十全大補。

我都識人小朋友很聰明，但在比較freestyle的學校（不是IS), 到高小仍然很hea, 她説最大問題是老師要求不高，例如欠交功課也沒所謂，佢小朋友便懒懶閒，所有東西以最低規格完成，不喜歡的科目就不理（中文），朋輩間又hea鬥hea，當初選這學校是想小朋友冇咁谷，但現在又嫌唔夠谷。

BTW我見大部分IS高小其實都不太hea, 同一間學校都有些老師要求高有些冇咁高，羣了的同學也有影響。所以有些人會喜歡selective school, 但有些人又嫌壓力大，到冇壓力時又驚。

咁香港IS的成績咁好小朋友又開心，個制度是成功的，家長按子女特性和能力執生，not one formula.

aray2

回覆 Radiomama 的帖子

Thank you very much!!

Radiomama

aray2 發表於 19-10-12 20:45
回覆 Radiomama 的帖子

請問什麼是 CTY?

Centre for Talented Youth, 附屬Johns Hopkins University，専門為學生提供各式課程，有online courses, 也有summer programs; 門檻不高，不少香港國際學校的學生均曾接觸。

aray2

回覆 Radiomama 的帖子

請問什麼是 CTY?

Radiomama

果陣主要响Page One買，外國出版果D，內容簡單易入口。

mrsB

Radiomama 發表於 19-10-12 11:02
夫家三姊弟，三個小家庭均生男，所以好睇到男孩子的種種情況。

老公同叔仔都會話，用50%的力已達到老師要 ...

請問你D工作紙係自製定買市面嗰D？ thx!

Radiomama

夫家三姊弟，三個小家庭均生男，所以好睇到男孩子的種種情況。

老公同叔仔都會話，用50%的力已達到老師要求，點解要下下用盡全力呢？的確，太早發力，未必著數。

女人仔先會覺得「盡力而為」好重要，我也是讀傳統女校出身，明白你的想法。取個平衡吧，我仔在初小階段無乜功課，我會每天讓他完成一份工作紙，Y1-3均是10~20分鐘，志在養成習慣。Y4之後因參加了CTY 的online course, 因此每天的工作量增加至30～40分鐘。而Y9之後，學校功課漸多，我們便停了online learning.

mandy_ng207

其實唔止睇書，連做功課都懶架……不過我自己傳統學校大，當然有辦法逼到佢做功課啦，同埋知道傳統學校嗰一套點樣可以幫小朋友打好學術根基。我只係諗，國際學校咁freestyle，係咪要自學動機較高嘅小朋友先至適合呢？話說回頭，我係女人堆長大嘅，讀左15年女校，屋企有個妹，我完全唔知男仔成長過程係點……所以都十分感謝Radiomama嘅無私分享，我諗我真係要睇下書了解下男仔性格先！