家長撒網報直資 學生易感挫敗 校長:最多報5至6校 個案:報20..

elbar

優才（楊殷有娣）書院校長陳家偉（左）稱若非屬意某些學校，無謂報過多學校，以免子女落選成「炮灰」。聯合基督教音樂幼稚園校監伍馮美娟（右）稱學生讀K2時，家長已可跟校方溝通並根據家庭狀况規劃未來升學。


【明報專訊】教育局不限學童投考私立和直資小學數目，家長或會漁翁撒網，為子女報多校。「一條龍」直資學校優才（楊殷有娣）書院校長陳家偉稱，發現有學生升小時曾投考20間直資小學，獲其中6間取錄，結果雖不俗，但因失落14間學校學位，令他挫敗。陳稱家長若非屬意，無謂報太多學校，宜報5至6間，免影響子女自信。


直資學校校長陳家偉過去接觸不少小學家長，他稱，有些家長心態「寧願報多不可報少」，認為藉此可累積面試經驗，一試無妨。不過，他認為多次面試失敗會影響學童自信，「賠了夫人又折兵」，認為家長毋須為子女申請過多學校。聯合基督教音樂幼稚園校監伍馮美娟也同意不應讓子女感覺是「輸家」，建議投考數目宜在10間以內。


面試簡歷繁複難細閱  精簡為要


不少家長會為面試準備個人簡歷，陳家偉稱，有些更附有光碟、區議員或神職人員推薦信。他說難逐一細閱，以優才書院為例，今年約有3200人申請入讀小一，學校難有足夠人手細閱每份簡歷。伍馮美娟稱，曾面試不少學生，她指出由於人數眾多，面試官只能在見學生前花10秒略看一下。因此，她建議簡歷以照片為主，宜放有價值且考官未能透過面試知道的內容，她舉例，有小朋友原來喜歡騎馬，還有一位「馬朋友」，這些資料考官或未會問及，可放入簡歷。


校監籲家長：容許子女經歷失敗


家長對子女入學面試嚴陣以待，送子女去面試班練習。伍馮美娟稱，學校面試期望看到學生專注、懂思考、主動和整潔，前三者不可單靠幾節面試班一蹴而就。她建議家長管教子女時「容許他們在安全情况下經歷失敗」，簡單如倒水動作，都讓子女試做，家長不用馬上指正錯誤，或許會倒翻水，但過程中可發現問題，繼而思考更佳做法。她說家長只需學會兩句金句：「不要緊」和「再試一次」，而子女也學懂道歉和說「不要緊」，日常生活已可鍛煉思考反應。


面試宜輕鬆  儀容整潔勝名牌衣服


面試當天難免出狀况，若不想子女過分緊張，影響表現，伍馮美娟建議父母先帶子女到學校走走，熟習環境，減低不安感覺。家長也需小心留意面試指引，看看學校有否要求父母共同出席或需子女帶同任何物品面試。倘無特定要求，她建議小孩帶備喜歡的書、玩具和家庭照，有助面試官和子女自然展開話題。有些家長或會為面試特意購買名牌衣服，她認為並無需要，但要儀容整潔，女生長髮宜束起，避免在預備室或遊戲環節玩耍後披頭散髮。

sunnymama2

B.B.BaBa 發表於 19-10-19 10:59
某版友真係堅離地！
間間學校課程基本上的確是一樣，但師資不會一樣，學校資源不會一樣，學生水平、秩序亦 ...

你指邊個?

Poyau

B.B.BaBa 發表於 19-10-19 10:59
某版友真係堅離地！
間間學校課程基本上的確是一樣，但師資不會一樣，學校資源不會一樣，學生水平、秩序亦 ...

玉不琢不成器

B.B.BaBa

某版友真係堅離地！
間間學校課程基本上的確是一樣，但師資不會一樣，學校資源不會一樣，學生水平、秩序亦不一樣...... 有學校係會教唔晒課程，有學校係會教淺考淺，有學大部分課堂時間用於處理秩序...... 有啲學校係會將某版友常說的 金子 變成暗啞...... 只能說某版友見識不足，常沉醉於自己的幸運世界中，說一些口號式說話，無甚參考價值，信佢一成都足以致命

sisbro

hom320 發表於 19-10-18 15:25
我都係"幸運兒"，上晒堂交埋功課都係唔收...傷心挫敗

最後，去咗邊間？
呢個校長，堅離地，由交表到interview 都與我無緣！

sushimama

hfnyd 發表於 19-10-18 15:32
若然間間都係好津, 亦沒有寶校的存在, 我不信個個都旨在攞苦嚟辛同埋嫌錢腥!
拜託先落返平地再發表偉論! ...

我完全認同。
眼見身邊朋友津小一開學，學校就跟你講升中目標，一條龍的確輕鬆好多，課程發展也自然可以較全面，不用一面倒催谷學術，就會明白為何這麼多人考直私，想控制權由大抽獎落回自己手中。

Poyau

hom320 發表於 19-10-18 15:25
我都係"幸運兒"，上晒堂交埋功課都係唔收...傷心挫敗

長痛不如短痛

hfnyd

若然間間都係好津, 亦沒有寶校的存在, 我不信個個都旨在攞苦嚟辛同埋嫌錢腥!
拜託先落返平地再發表偉論!

cat20203

每次interview佢開心玩完就算了
有offer先係bonus,冇先正常，每次500/5000...可能仲少
正面想大部份都不是贏在起跑線
現階段健康快樂就夠了！

hom320

b3410 發表於 19-10-16 12:38
真係有上嗮堂最後唔收的？我以為只有家長堅持到最後，一定收添。

我都係"幸運兒"，上晒堂交埋功課都係唔收...傷心挫敗


所以D校長既言論都係睇下就算啦，個個都睇成績，睇表現，邊有又SMART又叻又拎獎既學生會唔收?!

sisbro

回覆 sunnymama2 的帖子

Give me five

assado

當年報了13間, 但最後只選了8間合適去見。

sunnymama2

Poyau 發表於 19-10-17 18:44
運用損失規避心理減少offer decline rate

如果真係純為減少decline rate, 就唔會考DB 和SPCC啦!

考學校，係講覺得值唔值得花時間和心機。呢間係超花時間+唔值，所以冇報名。

helloeunicebb

sunnymama2 發表於 19-10-17 11:50
優才和我家距離點對點半15分鐘內到，但因為佢的收生程度，真係嚇怕好多家長。

唔好話我冇誠意，我地低級 ...

Interview嘅程序好得人驚，Chur過老細，所以完全唔會考慮呢間

Poyau

sunnymama2 發表於 19-10-17 11:50
優才和我家距離點對點半15分鐘內到，但因為佢的收生程度，真係嚇怕好多家長。

唔好話我冇誠意，我地低級 ...

運用損失規避心理減少offer decline rate

sunnymama2

Lilianyu500 發表於 19-10-17 11:43
agree. 所以大部份叻仔都唔會選佢，因為此校的收生方法太浪費大家時間了。
...

優才和我家距離點對點半15分鐘內到，但因為佢的收生程度，真係嚇怕好多家長。

唔好話我冇誠意，我地低級打工仔，老細一聲令下你都要OT, 邊得閒去聽你上堂，又睇書又做report,重要唔係實收喎! 所以冇誠意的招，係校長囉

Lilianyu500

legolas625 發表於 19-10-16 12:39
優才的收生程序，先係令人有好大挫敗感，個校長講呢d。

agree. 所以大部份叻仔都唔會選佢，因為此校的收生方法太浪費大家時間了。

Charlotte_mom

1998Ruby1998 發表於 19-10-16 22:58
回覆 maylulu 的帖子

你咁講，睇得出你好幸運，小朋友應該都屬於醒目同善於表達自己嘅人。

每年都有家長（重點係每年）在ek問，全軍覆沒，過晒deadline仲有咩學校可以報
邊有咁易考到丫

Raccch

回覆 elbar 的帖子

報20間6間收14間唔收已經好好成績，只報6間而無一間收的話，咁究竟係14間唔收定6間唔收挫敗感大d呢?後者雖然只收6個reject，但係一個offer都無，我諗仲傷心。報名的時候分析小朋友的情況而報適合的學校固然有道理，但係普通家長係唔知每一間學校心儀邊一類的學生的，因為家長認為學校唔會收而令個小朋友錯失了讀這間學校的機會好可惜。我覺得只要小朋友唔抗拒面試，就可以俾佢試下，不要抹殺了他們的機會。