你地赞唔赞成送仔女去外國讀書?

小厘子

想分享下去外國讀書好唔好?

會唔會好易學壞?

環境真的比香港好?

什麼年齡去會好D?

同小朋友關係係咪疏離咗?
我朋友話好唔捨得個女

你地點睇?

我又冇經驗, 想比點意見佢。

有經驗媽媽可分享下, 謝謝回覆

iloveorange

去英國的話，普遍入學點是Y9 或Y12, 即在香港完成中二或中四後過去。

annie40

孩子離開父母才會長大，有得選一定烹佢走。拜拜！

annie40

經驗是在香港時，父母給予孩子愈多自由選擇機會，特別是選科，（可以是最大赤祼祼的潛在沖突）孩子愈不會做甩繩馬騮，因為已經習慣左自己行為自己負責，試與唔試，讀與唔讀，都是自己的問題，心態一定比較成熟。在㚈happy, 揮霍，懶惰，扮有型？下一步咪喊甘口折墯囉，無人幫到你噃。

MrBeast

ps, e加有whatsapp 免費video call，唔捨得不是什麼大問題
pps, 反而冇睇住會否變luc 繩馬lou

MrBeast

小厘子 發表於 19-10-4 13:56
想分享下去外國讀書好唔好?

會唔會好易學壞?

睇你時運同低和有冇祖先bei 護。
至於幾大，要看你目標和career planning，學英文，當然越早越好，讀大學，在香港谷好個底高中才去，一定回港工作，可能要考慮埋考唔考dse(或許將來多d選擇）

MrBeast

whitwhit123 發表於 19-10-4 22:08
回覆 小厘子 的帖子

我自己就贊成送小朋友去外國讀書既，但係就唔會話響小朋友得11，12歲就送。其實去外國 ...

相見好同住難

小曳人

我地有呢個打算，不過唔會太早，我地唔會跟埋去，11-12歲太細，我傾向15+ 先去
其實幾時離開屋企，仲要考慮孩子嘅性格，同佢嘅意願
學唔學壞，好睇細個培養嘅價值觀，同你所遇到嘅人，但太細離開屋企係比較難控制
疏離... 青春期就算响身邊都會變得疏離，特別係仔

其實去外地，我地覺得接觸面唔同，眼界會大d，亦學習獨立

whitwhit123

回覆 小厘子 的帖子

我自己就贊成送小朋友去外國讀書既，但係就唔會話響小朋友得11，12歲就送。其實去外國讀書會唔會學壞好睇小朋友自己既性格同埋揀既國家同學校，好似美國就比較放啲，英國既私立寄宿學校規矩就多啲，變相學壞既機會都少啲。


咁學習既風氣就一定比香港好既，至少壓力少啲同埋啲老師好鼓勵學生發問，真係比佢哋自己去搵答案而唔係填鴨式。同埋響外國自己一個，溫書都專心啲。


最適合既年齡我覺得應該係高中，讀完高中直接考埋入大學，太細個始終唔放心既

同小朋友既關係就好睇家長點樣維繫，我姪女都係中學過左英國讀書，佢哋兩母女反而感情好左，次次姪女放假番黎兩個都爭取時間周圍去玩

littleparent

這題目應在"海外留學"區討論。