俾你地選擇多次

catlover1026

會讀/唔讀N班？
有上N班小朋友，係未上到K會容易適應啲？
謝謝大家

altl

yanyanli1234 發表於 19-9-11 12:09
我仔岩岩返左幾日N, 全日班 ，日日喊住比老師抱入課室 好心痛諗緊係咪轉半日n/playgroup分離班 好d
...

I would change him out to playgroup or transition class that has flexibility for the adult to accompany only say for first 15 min of the class. it is not healthy for them to cry until they are tired like 30 min etc. teacher may have no time to comfort your child and he will be psychologically harmed. like sleep training crying out method.

wing901

再揀都一定讀n 亦都好慶幸有讀n
因為ftm本身無諗過讀n 但先生想佢讀學多d野
仔仔本身勁好動 控制唔到 出街爆走族
但只係返左2星期n班已經好大改善 學識規矩 會跟住會拖實會等待會排隊
依d我地以前屋企成日教都教唔到
同埋學野快左多左好多

malsuryc

一定上啦

自己教 同成班小朋友一齊上根本兩回事. 接觸多d人好過由朝到黑痴住父母
而且K面試都好大幫助， 除非個小朋友好外向完全唔怕陌生人， 如果唔係無讀開N分分鐘野都唔肯同面試個老師講

kyleebc

上N班幫到個小朋友聽和講多D英文好有幫助, 好快可以戒片, 和其他小朋友互動多左笑容都多左, N班是有用的

janicetai2002

catlover1026 發表於 19-9-7 22:58
會讀/唔讀N班？
有上N班小朋友，係未上到K會容易適應啲？
謝謝大家

我仔1歲多D開始上playgroup，一星期一堂，之後2歲幾3歲讀N，我覺得自己情況好有需要讀。因為獨仔可以早D同其他小朋友多相處，學到自理(我仔係番學2星期幫我戒到片，跟住好快戒埋奶咀，之前係狂扭要食奶咀，因為同學仔都冇食佢要面，仲好笑係佢唔想俾同學仔見到爸爸抱住佢上校車，所以未到上校車前會要求唔好抱自己行)，冇咁怕陌生，早D進入學習模式但唔係好似K1咁已經有競爭存在。

其實都睇家長時間、能力同要求。若果家長有時間，又識得自己教，又或者冇咩大要求唔讀係可以的。
我自問要番工冇時間，又唔係好識教(雖然自己都大學畢業)，又真係有要求(希望佢將來最好入到大學)，所以我會讀。至於病就真係病多左嫁。

Yee_1984

catlover1026 發表於 19-9-7 22:58
會讀/唔讀N班？
有上N班小朋友，係未上到K會容易適應啲？
謝謝大家

會！一定會！小朋友返N班 有日常規律！規律對咁細個嘅小朋友好緊要！

asukav6

再揀都一定讀n班，唔關有冇人湊事，讀左n班成個人sharp醒好多，講野叻左食飯叻左識野多左，比起有個親戚同齡但冇讀n班的確醒好多

xi_belle

我平日係長老湊, 再選都係會比佢返N。
其實讀N無咩壓力, 都係一齊玩吓, 唱吓歌咁, 點都好過全日對住長老, 長老又可以稍稍休息下, 大家都好。

細佬Bebe

對升學點都有少少幫助 想谷入名校 湊仔困身 如唔返n係對住長輩/工人...等情況 就應該返n

但如果自己湊又得閒自己同佢玩 又唔特別想入名校 我覺得n班係麻麻

所有option都是比較
最好係媽咪自己同佢玩
其次返學
跟住先係對住長輩同工人

唔谷就好過谷
但如果無得揀都要升學 咁都要谷

藴藴

會返，半日n，同小朋友一起玩下，學下野，好多係屋企學唔到既野會係學校學到。
一開始返有時會病，幾個月之後就好好多，反而太細playgroup 真係無必要上，直接到兩歲返n就可以。

starryling

我大女無讀n, 讀學卷幼稚園，冇外補，讀直資小學... 但宜家twins, 頂吾住，報N.. 俾大人休息下，冇諗教育問題，純想大家有空間休息... 如果我第2 胎吾係twins, 我一樣吾讀N

crystal媽咪

catlover1026 發表於 19-9-7 22:58
會讀/唔讀N班？
有上N班小朋友，係未上到K會容易適應啲？
謝謝大家

讀半日n

maryhll

回覆 yanyanli1234 的帖子

必經之路⋯⋯成長總有眼淚總有小病小痛，但適應咗環境又合適嘅全日N 其實真係可以帶俾佢家嘅感覺，仲多咗一班同齢兄弟姊妹姊妹一齊成長𠻹⋯⋯家長也應該慢慢學下放手讓佢成長

Happyface00

我ftm,返左個半月n,無後悔俾佢，
真係睇到小朋友另外一面，好似原來係學校，其他小朋友同佢爭野，佢會大叫媽咪，又掉野，但係我面前從來唔會發生。
又會主動同我講返返學有啲咩開心野。
心態都好重要，唔好覺得n返學就為咗讀書，俾壓力佢，我自己放學都會帶佢去玩下，對佢黎講多咗一個大公園玩三個鐘ja,佢又開心，又學到野。

YokoS

我屋有工人同長老，但我仍然俾小朋友讀N班，仲要係全日制，開左學兩、三個星期，我堅覺得當初的決定係無錯。

理由如下：
1）自理好左，無論食飯定去廁所，做得比係屋企好好多。

2）自我戒掉壞習慣，係屋企有偏食同要私家被先瞓到，係學校無偏食仲添飯，午睡時無私家被一樣瞓到，應該受朋背影響。

3）個人開心左，一話番學就好興奮話要換校服，喜歡番學。

屋企長老同工人只會當佢係寶嚟揍，出到去就要跟大圍，真係改變左好多。

VvTara

唔讀n，因為自己湊(emoji)

如果工人姐姐或長輩湊就一定會報N

eebeam

其實都要睇返家庭需要, 係咪得長者湊, 因為湊2歲既小朋友真係辛苦既, 比佢返學, 老人家會輕鬆好多; 另外就是小朋友性格, 可能仲細, 有些小朋友好抗拒返學, 日日喊, 其實返N係optional, 個人覺得都唔需要逼佢咁細個返學; 同埋其實返N班, 可能小朋友年紀真係細, 會容易病咗。

都好多因素影響決定, 家長衡量吓先; 不過個人偏向返N, 因為返學對住同齡既小朋友, 朋輩影響, 真係分別好大, 同埋我哋係婆婆湊, 返咗N, 婆婆冇咁困身。

sumpo

catlover1026 發表於 19-9-7 22:58
會讀/唔讀N班？
有上N班小朋友，係未上到K會容易適應啲？
謝謝大家

唔會囉，我自己湊嘅，除非要返工冇得講，我個女冇返n一樣適應到，返n好易病，咁細個有時帶佢出去玩下，自己教下上k都唔會難，媽咪冇時間的話就另計，讀書條路咁長，得個兩歲人仔同佢玩多啲好過，即使上k1真係唔適應其實老師會體諒……我覺得唔洗咁緊張囉