九月小六<呈二>出去補習社or 上門補

小冰雪冰

我仔呈一衰左，可能壓力大，因之前失左小小分，之後呈測前情緒緊張，老師call我不能给他太大壓力，所以呈測也没迫他<當然成績不理想，到呈考D分好少少，真係少少升1~2分但也不理想，
，我自問不是怪獸，只求 band 2……不想band 3
現在請教有經驗家長，我這暑假係比佢出去補習社補底還是請人上門，之前是上門補，因為可以見到老師点教及1對1，而補習社好在有以前卷操及有教技巧答題，我仔未去過補習社，這暑假很重要，他要把握時間……大家有冇好提意？

小乖豬

回覆 小冰雪冰 的帖子

搵着呢D補習老師真係把幾火!

kayi0556

回覆 仔仔錫錫你 的帖子

我係講全職補習老師， 唔係現職老師現職老師我都請過， 同你一樣， 補得唔好， 所以冇再請

同意老師的責任感好重要，
全職補習老師好多時都靠口碑， 佢地做得好的當然有一定數量先做到全職補習

只係大學生補習老師質素好參差， 樓主試過幾個，所以俾樓主多個選擇， 始終好老師唔易搵，因為佢地時間通常好full

仔仔錫錫你

回覆 小冰雪冰 的帖子

暫時無呢個問題發生。第一堂個老師已講如果佢果日唔得會盡早通知我，可以早/遲一兩日補回，講左一星期補一日就一定比到一日我。
我覺得呢d係責任感，同是否full time 無關，我仔之前私補中文係full time 的中文小學老師，教得好學校果隻style,我小朋友原全唔明。間中上唔到來亦只是即日通知，退回錢。

kayi0556

點解唔搵全職補習老師？要有起碼5年全職補習經驗
全職補習老師唔會小朋友考佢又考， 同埋佢地有技巧可以響短期內有進步

rulerL

小冰雪冰 發表於 19-6-25 15:14
明白，但我返工，多數上門補，但D補習姐姐好多時臨時話唔黎先惨，所以先諗其他方法TT
Thank you so much
...

放工返嚟教、放假教，係辛苦嘅。我都係返工的，但小朋友學業都係由我專責跟進。

小冰雪冰

王家爸爸 發表於 19-6-25 09:45
係要補底，但係我唔相信坊間既補底班幫到達佢。原因係每個小朋友唔熟既地方唔同，補底班有可能教既係佢識既 ...

明白，但我返工，多數上門補，但D補習姐姐好多時臨時話唔黎先惨，所以先諗其他方法TT
Thank you so much

小冰雪冰

仔仔錫錫你 發表於 19-6-25 09:32
回覆 小乖豬 的帖子

你個私補同我果個講的一樣，難道是同一人

咁……你點？佢地仲會忽然又話黎唔到><
又冇左1~2堂

對我仔黎講好重要><

小乖豬

回覆 仔仔錫錫你 的帖子

有可能

subb

其實唔同CTR好唔同，
私補及ＣＴＲ有好有壞，

在自己區及附近找一間.

用心機找一間合適的　！

有ｄ補習社大班工廠式做卷
(我覺得好似中學補習)，不過唔識都會教及解

有Ｄ小班式幾個人去做卷，做時及做完，老師會教會解 !

襯暑假, 可以月試過邊一款,是小朋友喜歡的形式
他喜歡才投入..

王家爸爸

小冰雪冰 發表於 19-6-24 18:01
明白，你講得啱，如果佢清晣咪識做，唔會唔夠時間做
另外……有5~6題留空，佢話自己識但冇時間所以留空，

係要補底，但係我唔相信坊間既補底班幫到達佢。原因係每個小朋友唔熟既地方唔同，補底班有可能教既係佢識既野，揸錯重點，浪費時間。試下自己一課課同佢溫一次，佢明既地方跳過唔駛再溫，佢唔明既地方再同佢重點溫。溫完一轉就做一個模擬考試，可以自己根據課本練習出擬考試題，或者買本坊間既模擬考試題目。

仔仔錫錫你

回覆 小乖豬 的帖子

你個私補同我果個講的一樣，難道是同一人

小乖豬

回覆 rulerL 的帖子

如果家長學歷高而又時間許可, 又肯放棄自己的應酬, 娛樂和休息, 科科都可以由家長自己跟, 最敝香港現實情況是多數父母都要外出工作, 有番咁上下學歷的母親多數都會工作, 好似我咁, 我唔會甘心在家做煮飯婆架, 自己搵到錢寧願請菲傭請補習老師.

而且數學通常都是女性弱項 (當然有例外), 我小朋友個補習老師常對我說教數學不是單看答案對定錯, 更重要的是看小朋友解題的思維和運算的步驟, 當你的小朋友能做到以上幾點, 就什麼題目也識做, 亦唔會唔夠時間做, 但現實情況是我自己數學亦唔叻, 只係做完用model answer去對答案, 效果可以相差好遠!

小乖豬

回覆 tingting_mum 的帖子

係呀, 補習班好多時D補習老師只係派份數學卷給學生做, 然後就自己坐低睇手機, 夠鐘就收卷, 收完卷改完答案就關人了, 如果去這些補習社, 我建議你買習作回家做好過.

rulerL

其實如果自己教得唔得？我細仔都係剛考完呈一。
佢以前考試數學科成日都係做唔晒，話唔夠時間，但其實係佢未掌握到有關方面的知識。

平時我會自己教，佢唔明白的地方盡量講解，到考試前就將學校的數學課本、補充練習、小測等等，喺當中抽出啲題目（因應考試範圍），限時要佢完成（限時原因係等佢好似考試咁要有啲壓力底下去做。）如果夠鐘都未做晒嘅，我另外俾時間佢做埋。之後喺佢唔識嘅題目度集中講解，稍後時間自己另外出卷要佢當考試去做，我發覺係有一定嘅成效。

skywaya

回覆 小冰雪冰 的帖子

針對性解決問題就係精王家爸爸講得很清楚,我也是大概這個意思

有錯或者猶豫的題目,讓他用草稿紙寫低解題的步驟和思路;
發現問題就搞到明,理順數之間的關係和單位的轉換.
相同的題型做兩三題鞏固下,讚下,慢慢建立信心,解題速度自然會快.

仔仔錫錫你

如果無85分以上，咩補底班咩操卷班作用都不大，只要個班人數多過3人都唔會學到野。
考試前應該有測驗，有無問題？如果OK，應該只係睇唔明題目而做不到；如果測驗麻麻地，應該要換個私補

小冰雪冰

王家爸爸 發表於 19-6-24 17:00
表面問題係「唔夠時間留空左5-6題」，但係速度未必係問題既重點，「唔夠時間留空左5-6題」可能係概念唔清晰 ...

明白，你講得啱，如果佢清晣咪識做，唔會唔夠時間做
另外……有5~6題留空，佢話自己識但冇時間所以留空，


其實即係要補底……咁好似上門補好D，集中佢的弱點，但好多時補個時佢知点做，但到考又要諗，咁係咪要不段重覆做？

小冰雪冰

skywaya 發表於 19-6-24 10:39
學生識惊又有私補,b2好易達到:D
係數學和常識著手見效快
老師嚴家長鼓勵,演好雙簧對小學生有用.

多谢你鼓勵，但点先為之要精？
Thx