關於集團
集團品牌
presslogic-logo
廣告查詢
工作機會
用戶登入
用戶名稱:
密      碼:
搜索
教育王國 討論區 小一選校 小一這一關- 留給有緣人的拙見
查看: 25512|回覆: 73
go

小一這一關- 留給有緣人的拙見   [複製鏈接]

Rank: 3Rank: 3


493
1#
發表於 19-6-18 15:01 |只看該作者 |正序瀏覽 |打印
今個升小之旅終於完結, 有以下經驗總結給有緣人借鑑:

1.        如果係細B又想考直資私校, 最好係等多年先玩呢個遊戲, 差半年都好緊要, 個仔舊年7-9月面試個陣5歲未到(12月B), 相比今日去叩門5歲半, 各方面都有顯著進步. 除非小朋友係天才, 否則直私幾千人考百幾個位, 讓半年九個月真係好難讓得起.
2.        面試班係有一定作用, 起碼令個小朋友知道入到去係要做啲咩, 依家啲學校唔係佢問下你答下, 唔係讀下字講下故仔咁簡單, 特別係多人考個啲直私, 好多花款, 例如有啲玩BINGO, 小朋友如果無玩過, 單靠老師用英文同佢講一次規則就埋位, 點可能會知做緊咩? 有啲睇電視之後IPAD答問題, 又或者舉手搶答; 有啲就入去同你講一段野, 玩完遊戲走個陣問返你一開始老師講過咩… 如果完全無試過, 出到黎都唔知入去做過咩.
3.        讀名幼有一定優勢, 我發覺名幼係長期有相類似於面試既訓練, 小朋友行出黎係比較有自信, Outgoing, 識玩好多野, 肯同陌生人講野. 唔係話啲老師見佢地係名幼就揀佢地入, 而係有啲特質名幼小朋友身上會搵到. 另一點, 好重要, 就係叩門見你係名幼, 俾機會你面試既機會都大啲, 有得見就有機會.
4.        人事關係很重要, 識人好過識字, 信教既搵神父, 要有力的(唔識就諗辦法搵人介紹). 唔信教既, 睇下識啲咩教育界人仕如校長校監等. 可能一封信或者一個電話就搞掂.

大家努力!共勉之!   

點評

rafaelbaba    發表於 19-6-19 17:02
   53    0    1    0

Rank: 6Rank: 6


8683
74#
發表於 20-6-20 10:46 |只看該作者
本帖最後由 B.B.BaBa 於 20-6-20 10:47 編輯

愛閱讀呢點係好重要,唔講對考小考中呢 D 關口有幾多幫助,在整個求學階段係非常非常重要,受用無窮

Rank: 11Rank: 11Rank: 11Rank: 11


43597
73#
發表於 20-6-20 09:54 |只看該作者
lambeanmama 發表於 20-6-20 08:08
同為今年升小一的超大B家長,我覺得有以下可分享:

1. 超大B肯定是有「著數」的。我仔K1做過一年細B, 知識 ...

良心分享

補充一下名幼論,或者也適用於三私一直。可以講,係某種程度的物以類聚,人以群分。考入去的父母,家庭,大家通常目標一致,重視教育,出來的效果自然不同D。

Rank: 11Rank: 11Rank: 11Rank: 11


43232
72#
發表於 20-6-20 08:26 |只看該作者
lambeanmama 發表於 20-6-20 08:08
同為今年升小一的超大B家長,我覺得有以下可分享:

1. 超大B肯定是有「著數」的。我仔K1做過一年細B, 知識 ...
十分同意(5),一些家長話repeat 小朋友會悶,我就用左that extra year 去培養閱讀、加強phonics 應用。不過大家要留意,有閲讀習慣未必代表在小學有好好的成績,這是個長線投資。

Rank: 5Rank: 5


4879
71#
發表於 20-6-20 08:08 |只看該作者
同為今年升小一的超大B家長,我覺得有以下可分享:

1. 超大B肯定是有「著數」的。我仔K1做過一年細B, 知識學術全無問題,但自理社交小手肌是需要時間發展的;在K1下學期中,我決定要重讀K1。這個決定,無悔。當然身邊有很出眾的細B, 但父母也要「很給力」才可以拉近與其他大B的距離;我是一個不想太追趕的人,所以不想競賽短途跑。

2. 面試班是否必須?我有上,覺得是「安心錢」多啲。我同意在EK可資料搜集很多;但雙職父母有沒有時間教,有沒有能力教是一個問題。還有一點,便是不少直私面試都有出現的「合作考驗」;這是家有獨子/獨女的家庭很難在家自教的。不過,最終還是要睇家長想考咩學校。考傳統學術型學校,真的是「操」好學術便最重要,打算考活動教學的,也別以為不考學術,但基本功是夠用的。我家兒子幼稚園期間沒有中英數外補,但媽媽我有跟中英文,無串字,無考cert; 所以沒有報考三私一直及出名學術深的學校;目標一直只是合適兒子的學校。

3. 作為「名幼」家長,我不敢說有無幫助,但身邊家長多是「全攻型」,不多不少在耳濡目染下也會對考小更上心。也會接收到更多相關資訊。

4. 我揀幼稚園時,不重學校學術能力。反正學術我可以自己教。但我更著重學校教嘅軟實力;如社交,表達,自信等。相比其他名幼,我覺得我哋學校嘅學術能力不過是中上。但大部份小朋友也屬於自信樂於參與類。

5. 最後,想提醒一點;閱讀最重要。真的。我仔學術一般,中文、數學是正常K3程度;絕對沒有超前教育。但一樣有心儀offer, 除了因為超大B, 少少靚仔(我覺得眼緣遊戲的面試都有啲用)外,便是因為他真心喜歡閱讀。在面試過程中,展現到出來而獲得垂青。

Rank: 5Rank: 5


1324
70#
發表於 20-6-20 07:58 |只看該作者
euniceyuyan 發表於 20-6-19 16:48
樓主說得很中肯。我個女也是今年準備升小學面試。之前有諗過要不要上面試班,看到很多家長話面試班冇用,所 ...

本帖最後由 jtw_ki 於 20-6-20 07:59 編輯

呢間應該唔算名幼,算係學術唔錯嘅私幼

Rank: 5Rank: 5


1324
69#
發表於 20-6-20 07:47 |只看該作者
其實要睇小朋友性格同睇下想考邊類型小學,唔一定讀面試型同名幼先入到心儀學校,不過我同意大b著數d

Rank: 11Rank: 11Rank: 11Rank: 11


43232
68#
發表於 20-6-20 07:07 |只看該作者
tummypooh 發表於 20-6-20 02:56
我玩左兩次︰
1. 報幾多間學校?
視乎小朋友情況,呢樣真係好主觀了,報名考直私,我覺得你可以報好多間, ...
名幼光環在我小朋友朋友考小一時已開始減弱,不少身邊朋友讀名幼加乜班物班都冇乜offer。
其實名幼都有不同,真正好的,課程不會太深,循步漸進,commercial 的就教快和深,只有叻的小朋友才能受惠

Rank: 11Rank: 11Rank: 11Rank: 11


43232
67#
發表於 20-6-20 06:59 |只看該作者
chloe_b 發表於 19-6-24 13:22
我小朋友正正就係呢個情況,細b,無讀名幼(讀普通私幼),又係當年考直私全軍覆沒,後尾我同我個教名校既親 ...
與其說學校只喜歡收大B,不如說大一年有明顯差異(generally speaking), 這不單只是在學術上,其他地方如淡定一點,呢d在小一面見時都會觀察,試諗下一個小朋友若上堂坐唔定搞搞震影響其他同學,幾叻都沒有用

Rank: 5Rank: 5


3454
66#
發表於 20-6-20 02:56 |只看該作者
我玩左兩次︰
1. 報幾多間學校?
視乎小朋友情況,呢樣真係好主觀了,報名考直私,我覺得你可以報好多間,點解呢,因為實會撞期,你報五間,撞三間,已經將你入讀直私機會減半。到出晒時間表後,你再要揀當中最多十間到去IN就夠了﹐因為IN太多,可能會出現反效果。

2. 學術要到咩程度?
老實講,我估冇人知學校考到咩,就自小朋友出黎可以100%講返俾你知佢IN左咩,但學校想係面試過程中睇到啲咩有幾多人知?學術我估大部份學校「最多」都係要求去到小一開學時的程度,反而小朋友的臨場反應,對答,題問、舉動、互動(老師同在場小朋友),可能先係關鍵。

3. 面試班?
成效唔敢講,因人而異。唔同人教又有唔同效果,自行考慮啦下。我女皇要個女上左三堂,都唔去了。

4. 名幼優勢?
與期話名幼優勢,我更傾向係俾小朋友入讀名幼的家長大部份更有資源\更谷\更有方法去為小朋友準備。一班勁家長集合埋一齊,更係會有優勢,因為小學都會睇下讀更的學生來自邊度多,咁呢班師兄自然會幫到手了。但調返轉,讀卷幼都有好多人考到直私,咁又點解呢?所以小朋友的實力,家長下的苦功不能少。樓主話讀私幼小朋友有自信,可能係真,但點解有自信,除左學校外,家庭影響有冇考慮埋?同埋我估自信某些情況下會有反效果的。

5. 家長要做咩?
我認為如要直私,小朋友要保持一定識字數量,呢個會係一定優勢,但不是全部。有啲小朋友真係對認字未掌握到,但點算?呢句真的,同佢一齊睇下書,講下故事,互動下,哪怕佢跟本唔睇個啲字,但佢個腦其實係活動更的,佢會吸引知識,而呢啲知識可能會有大作用。

6. 關係?
呢樣更係有用,但真係唔係人人有。有的話就唔使上呢度了,係咪。 ^_^

Rank: 5Rank: 5


1474
65#
發表於 20-6-20 02:08 |只看該作者
amwau07 發表於 20-6-20 00:35
樓主講既情況, 作為細b 家長真係好深感受。 考小一, 大部分學校first round 都以 Soft skill 為主。 就算 ...

之後,就會有人沖出嚟,講識得邊個細B入咗邊間邊間學校!
但係你係嗰啲,幾千人考嗰啲學校,睇吓個壁報板,6789月出世嘅小朋友,係成班加埋都冇四個!
九月打後,分分鐘嗰啲都係大B!
這個遊戲已玩完

Rank: 2


94
64#
發表於 20-6-20 00:35 |只看該作者
樓主講既情況, 作為細b 家長真係好深感受。 考小一, 大部分學校first round 都以 Soft skill 為主。 就算小朋友學術ok, 都唔會有人知。 先唔講比少人時間train, 高度都輸一截。 真係有苦自己知。。

Rank: 5Rank: 5


1474
63#
發表於 20-6-20 00:14 |只看該作者
chiumingchun 發表於 19-6-24 10:36
回覆 tiger1106 的帖子

就係一間都考唔到, 又派得唔好要周圍叩, 所以先有此檢討.

請問,現在如何?
我正正就是你翻版!

Rank: 3Rank: 3


322
62#
發表於 20-6-19 23:09 |只看該作者
Lomum 發表於 19-6-23 17:23
剛玩完考小一遊戲,覺得父母栽培最重要,栽培並非指上面試班補習班,而係培養軟實力同豐富生活體驗
...

很同意“軟實力”和“豐富生活體驗”是很重要的。

Rank: 5Rank: 5


1474
61#
發表於 20-6-19 19:17 |只看該作者
多謝告知!

Rank: 3Rank: 3


117
60#
發表於 20-6-19 17:47 |只看該作者
樓主嘅分享好好,有好幾點我都有親身感受,thank you.

Rank: 5Rank: 5


1221
59#
發表於 20-6-19 17:34 |只看該作者
chiumingchun 發表於 19-6-23 02:49
本身唔諗住再覆任何嘢, 但見有不少回應, 咁就再分享一下. 純粹個人經歷及意見, 可以自行選擇性參考:

首先 ...

請問小朋友最後有 offer嗎?還是大抽獎?

Rank: 5Rank: 5


3466
58#
發表於 20-6-19 17:28 |只看該作者
rchan1 發表於 19-6-24 15:14
「個人見解, 幼稚園嘅小朋友跟本唔知咩係辛苦唔辛苦, 咩係無憂無慮, 返到幼稚園見到身邊所有小朋友都係咁做 ...

同意。幼稚園少功課,每週適當地安排一些課外活動,唔會太覺得谷的。如果上小學先發覺跟得辛苦,做功課溫習都花大量時間,老師對小朋友又有不好的評語,同學間又有比較,又要外補,到時更谷更辛苦。況且如幼稚園太happy,小學突然咁多workload,小朋友會更不開心。幼稚園開始循序漸進地谷下,漸漸佢適應咗就冇問題了。

Rank: 5Rank: 5


3466
57#
發表於 20-6-19 17:21 |只看該作者

回覆樓主:

如決定以細b身份考小,盡量報多幾間打底(收咗會讀的話)。有間私小(就算不是最心儀)揸手抽獎都可以進取啲,唔使咁心慌慌,就算叩門都輕鬆些。學術基礎一定需要的,否則升小一辛苦。如想以超大b再考小一,讀小一時再考小一也是可以的。或者小朋友成績好,可直接插班P2。3私1直,英華果啲都收細b的。

Rank: 5Rank: 5


1944
56#
發表於 20-6-19 16:48 |只看該作者
樓主說得很中肯。我個女也是今年準備升小學面試。之前有諗過要不要上面試班,看到很多家長話面試班冇用,所以未上。呢半年,我自己當full time 媽咪,自己係屋企教小朋友學術方面嘢。加上幼稚園提供支持,每天個幾至幾個鐘Zoom上堂。然而,我宜家發現我教小朋友有限,佢需要一個環境,同其他小朋友一起去操面試時實際遇到的問題。所以,最近我都還報咗一個面試班,上咗一堂,老師話個女講嘢細聲,冇乜自信。其實呢個係面試時好大問題,希望通過面試班有所改進。另外,我唔知我女的幼稚園是否屬於名幼(York),但學校在課程編排上好用心,停課期間持續對小朋友進行視像教學,功課量都唔少。我覺得對小朋友係有好大幫助。
‹ 上一主題|下一主題
返回列表
發新帖