讀學之園需外補嗎

Chocobee

仔仔下年K1 PE offer 但另有另一間心儀幼稚園 仲考慮緊邊間

學之園已經學術好強好全面
請問學之園的媽媽
可唔可以分享下你地小朋友讀LH其間，仲有冇外補？如有，會補咩科？

另外讀英普對考小一會唔會好大幫助？面試通常係咪廣東話+英文
thanks

wyan16

konew720 發表於 19-7-16 00:27
我2個囡都係讀LH，細果個今年都畢業。分享下。

外補真係好個人需要，幾次同校長講到外補，校長都話家長自 ...

好好的分享!

piglover

konew720 發表於 19-7-16 00:27
我2個囡都係讀LH，細果個今年都畢業。分享下。

外補真係好個人需要，幾次同校長講到外補，校長都話家長自 ...

你的意見最中肯。

konew720

Kainy 發表於 19-6-26 22:58
你好，我仔仔九月LH K1，想問下K1學校有提供英文班？

其實LH 一班會有3個老師全日係課室，1 Net & 2個中文老師。每日都有中英數科節，就算唔係英文堂，net 都會係課室幫忙處理小朋友。

konew720

我2個囡都係讀LH，細果個今年都畢業。分享下。

外補真係好個人需要，幾次同校長講到外補，校長都話家長自己覺得需唔需要，而唔係人補我補。
我大囡有補數，因為佢數感好差，我自己教會教到關係破裂，所以我俾佢補。另外，我對2個囡既英文有要求，我想佢地小一已經可以自己聽完個生字識得串出黎，純粹我係為左自己以後可以輕鬆d，所以就算學校有教phonics，我都俾2個囡出去補，而phonics係要成日接觸先會熟，如果唔係好易唔記得。同埋phonics學好，口音問題都大大改善左。
細囡數感好，所以冇補數學，只補phoincs。

經歷了2次考小一，得出結論係，考小結果受好多因素影響，學術只係其中一小因素，其他仲有性格、家教、溝通能力、與人合作能力、臨場表現等等，呢d係唔可以靠外補得黎。學校會通過唔同方式去試每個小朋友。有一間小學second in時問我細女好多關於屋企既野，我細女當然毫不隱瞞咁答。我細囡同我講返d問題，我覺得我地一家既私隱已被嚴重侵犯。所以未經歷過考小一，永遠唔會明白考小一既難處。一味谷學術係冇用，十幾張証書係冇用。我2囡既portfolio 只有學校成績表同學校奬狀。朋友有10幾張証書(Cambridge, Trinity, 各種比賽)，都係0 offer。

撇除考小因素，LH係一間好出色既幼稚園。學校冇過份催谷小朋友，只有家長自己催谷。眼見有好多幼稚園K1開始寫字，但LH係堅持K2先開始寫字，學校仲不停叫家長唔好太早要小朋友寫字，話對手肌發育唔好。另外一提，LH對德育都好著重，呢樣係我揀LH既原因，每個小朋友都單純、有禮、幾叻既小朋友都絕不驕傲。

另外，可能大家都低調，所以冇咩人知道其實好多小學同幼稚園校長副校長既小朋友都係LH讀書。咩原因唔讀自己既幼稚園，要俾錢讀其他幼稚園？

ceresves

wg_ann 發表於 19-7-3 18:12
如spk雖然直升比例高，但普遍都補得好勁，一來學校教得淺，二來家長揀得呢間都係有要求的人， ...

我識的那些卻是只顧玩樂，結果考其他小學多數落敗，但升自己小學卻不大問題，如果升上小學部最差最差也有2/3機會，難免外補方面會hea少少，我細女也是，因為哥哥間小學會關顧sibling一點，我女雖然也是讀happy幼，但我也不算太多外補，因為心理上覺得已有些back up。

ceresves

外補很個人，外補多少和升小结結果不一定成正比，我大仔在LH讀了三年，我不隱瞞，他是有外補，除了學校啓迪班，也另外有上面試班，但你問我上多上少跟考小的成績真的有關嗎？我也不肯定，因為外補得更犀利的同學也有，但考小成績亦未如理想。大仔他很幸運地入了南區某直資，我亦因此替小女兒選了另一家幼稚園（因當初希望maximize女兒入哥哥學校的機會），這叧一家的幼稚園比起學之園在學術要求方面較低，但這學校也有家教會辦的模擬面試，而在外補上可能有了哥哥的經驗我反而沒有替妹妹安排那麼多外補。不過去到最後，妹妹結果也沒有跟哥哥一起上南區小學，選了另一家比較適合她的學校。其實外補真的很個人需要，不用介意別人的眼光，補了心理上過得好一點已經是幫了自己和小朋友一個大忙。至於讀不讀學之園，其實也很個人，好像我一樣，哥哥讀得不錯但最終也為妹妹選擇了另一家。

cylau2

LittlemBB 發表於 19-7-3 16:44
想請教一下，我都想比女兒上興趣班，想佢接觸下唔同既野。你之前提到，果時你女一星期上3-4樣興趣班。甘我 ...

小女都係讀LH下午班, 興趣班安排如下 (過去一兩年到而家):
- 星期四 10am 鋼琴
- 星期六 下午 繪畫
- 星期日 10am 游水

呢三樣上咗小學都應該會繼續, 不過鋼琴就要改時間。

之前星期三上午有學唱歌, 不過已經停咗 (因為同佢一齊唱嘅同學都冇繼續唱, 佢就唔想繼續)。
之前間唔中都會試下其他嘢 (學過下芭蕾舞, 試過劍擊一次), 不過似乎佢興趣唔大, 而且唔想同時太多嘢。

wg_ann

vickling 發表於 19-7-3 08:16
本帖最後由 vickling 於 19-7-3 08:18 編輯

如spk雖然直升比例高，但普遍都補得好勁，一來學校教得淺，二來家長揀得呢間都係有要求的人，更擔心小朋友成為少數跌入公海果批。

LittlemBB

cylau2 發表於 19-7-2 18:04
小女的確有佢嘅優點 (開心，有愛心，關心別人，冇乜物質追求，好奇，愛分享，等等)，但缺點亦唔少。

正如 ...

想請教一下，我都想比女兒上興趣班，想佢接觸下唔同既野。你之前提到，果時你女一星期上3-4樣興趣班。甘我讀 LH PM 係咪無時間上興趣班囉？我啲時間唔知點分配好。

Forgetmenot999

不明神校校長在簡介會上，經常強調上面試班那些小孩神校職員一眼看穿，學校不會對這些小孩有興趣，但我想話比大家聽，身邊無論過往甚至現屆，我所認識的家長及其考獲神校的小朋友，全部均有上過面試班。

vickling

cylau2 發表於 19-7-2 18:04
小女的確有佢嘅優點 (開心，有愛心，關心別人，冇乜物質追求，好奇，愛分享，等等)，但缺點亦唔少。

正如 ...

我覺得你分享好好 又好有氣度，你女女有靚offer 不無道理

vickling

piglover 發表於 19-6-29 11:57
真正少外補的，反而係龍幼，因為有小學back up，小朋友成績不太差，已經有保障。
...

人人接收的資訊唔同，我聽到/朋友身上講的同你的好唔同。

我所知龍家長真係唔少有外補，龍好多教得淺.
如果升唔上龍小而要出公海，真係等運到，龍家長多唔會坐以待斃..所以都唔少有補 由其英文。

cylau2

Kainy 發表於 19-6-26 22:58
你好，我仔仔九月LH K1，想問下K1學校有提供英文班？

唔肯定今年有冇，有嘅話學校會通知，係額外收費嘅英文班，應該係畀英語能力稍遜嘅小朋友上嘅。

cylau2

tyyho1 發表於 19-6-29 09:16
你女女好叻

小女的確有佢嘅優點 (開心，有愛心，關心別人，冇乜物質追求，好奇，愛分享，等等)，但缺點亦唔少。

正如我所講，佢嘅學術亦只屬平平。呢個亦解釋咗點解小女好多直私面試結果都係 rejected 或者 waitlisted (有去面試 同 收到offer 嘅比例大約係 4 比 1)。如果大家目標係注重學術嘅直私或者官津 (叩門)，咁就有必要提升學術能力嘞 (慶幸小女唔需要)。

我覺得家庭同學校既要相輔相成，亦要互補不足，譬如學之園唔會特別培養音體藝，咁就由我哋做家長嘅安排。我堅持嘅係，每一樣興趣班都要係小女自己有興趣去上堂嘅。實際啲諗，如果面試時候，校長見小朋友嘅申請有講乜乜乜興趣班甚至比賽獲獎，問小朋友你中唔中意學乜乜乜㗎，小朋友答：「Errr... 可以啦 / 爸爸媽媽叫我去上我咪上囉 / 唔中意㗎 / 其實好攰㗎，我想多啲時候休息或者玩。」你覺得校長會點諗？ (我亦喺簡介會聽過有校長講返類似經歷。)

家長嘅教養理念唔同，選擇唔同好正常，只要認清自己想要嘅係乜，多啲用心觀察小朋友嘅成長，加以調節，唔好人云亦云，人做我又做。譬如我想小女培養好嘅品德，加強同人嘅溝通，現階段唔需要太注重學術，要多元化發展，所以有我嘅選擇。 (當然，上咗小學後可能要調節。)

piglover

真正少外補的，反而係龍幼，因為有小學back up，小朋友成績不太差，已經有保障。

piglover

我覺得外唔外補，好睇個人需要。通常都係小朋友好醒目，唔靠外補都有好成績嘅，才會出嚟分享。 外補考到好成績的，通常唔會出聲，因為會被有d人話，你的好成績靠外補。無外補，又衰佐嘅，更加唔會出聲。網上世界嘅嘢，得啖笑，大家講完都不用負責任。 我可以好肯定咁講，要好成績，9成人都有補，補d咩，補幾多，就睇下自己的要求。 做人不要太天真。

樓上無外補，不過一星期三四樣課外活動，咩又係另類的補習。

tyyho1

cylau2 發表於 19-6-24 14:11
以下純屬個人意見，僅供參考...

小女即將由 LH K3 畢業。

你女女好叻

Kainy

cylau2 發表於 19-6-24 14:11
以下純屬個人意見，僅供參考...

小女即將由 LH K3 畢業。

你好，我仔仔九月LH K1，想問下K1學校有提供英文班？

cylau2

以下純屬個人意見，僅供參考...

小女即將由 LH K3 畢業。

除咗學之園本校安排嘅英文班 (K1) 同面試練習班 (啟迪班)，小女冇外補學術。每星期會上嘅係音 (鋼琴，唱歌)，體 (游水)，藝 (畫畫)。學術主要由我自己用學校嘅教材去教，另外加圖書閱讀 (但亦冇追求譬如 ORT 要讀到 Level 幾)。如果要講同中英數相關嘅，唯一係K2時期因為發音口齒不清去過言語治療。

至於考小學嘅整體成績，一般 (waiting 多過 reject, reject 多過 offer)，不過慶幸有幾間心儀嘅小學收佢 (亦非常幸運及意外地包括 DGJS)。所以冇乜話「冇人不外補」或者「零外補是冇可能」。

不過我唔否認補習係可以有用，譬如部份直私考嘅數學係超出LH K2/K3上學期範圍，譬如20以內要進位借位嘅加減，另外一啲百/千/萬嘅基本概念，譬如一百加一百係幾多。

如果目標係所謂神校，我認為家長花時間去陪伴小朋友 (唔一定要去圖書館科學館太空館動植物公園海洋公園濕地公園, 可以係落樓下公園玩下, 喺屋企一齊砌下lego, 甚至簡單如每晚一齊食飯, 分享下每日生活)，令小朋友更有自信，安排多啲小朋友同其他小朋友相處嘅機會，比學術更重要(小女喺班入面，學術肯定唔係前列)。呢啲大都唔使用錢，但係亦係最貴。

如果目標係其他直私，咁的確要加強學術能力。

至於普通話，對考小一的確冇乜幫助，反而有時會混淆粵語同普通話，不過當年只有普英班有位，所以小女係讀LH普英班，靠我去教粵語。(不過如果小學係普教中，咁普英班可能會有幫助小一適應。)