求經驗分享：幼稚園應入英粵定英普

Kainy

幫小朋友揀咗學之園英粵，但又擔心小學普教中銜接唔到，揀英粵係想佢多啲表達得好啲，本身小朋友比較怕羞，但好好記性，怕揀英普班訓練唔到自信表達，連直私入場券都拎唔到

有冇家長可以俾意見
入英普會不會在家好難train佢認字及閱讀理解，
會不會只係國語好犧牲左其他嘢？

ddtt347

普通話都係中文嘖，有幾難？！真係當一門外語去學咩？媽媽們實在無必要大驚小怪吖！

pekovian

^GGmami^ 發表於 19-6-4 00:36
如果揀英粵而要出去外補普通話嘅話，咁請揀英普班

同意

無論樓主覺得係為考直私好、銜接小一普教中好，如果覺得揀英粵就有外補PTH既需要，點解唔揀英普班呢？

宮二

其實無所謂，我囡讀券校，學校有普通話唱遊，屋企無人講普通話，無外補，平時睇下普通話卡通，買本點讀課本自己睇下。
其實大部分學校面試都唔考的，有一間要考普通話，仲要係要求要流利英普的，都一樣考到。

keechoi

叻仔就英普

ToMing123

mingwing5 發表於 19-6-3 23:47
咁你有冇同小朋友外補普通話？我真係都係零普通話，我擔心佢唔適應。同埋你覺得普教中係咪普通話會有進步
...

沒有外補。上學期讀課文啲發音超恐怖，下學期已進步咗好多，普通話聆聽作業同考試都冇乜大問題。拼音係會差啲，但我要求不高，上課佢聽得明老師講乜我已經收貨。

^GGmami^

mingwing5 發表於 19-6-3 23:47
咁你有冇同小朋友外補普通話？我真係都係零普通話，我擔心佢唔適應。同埋你覺得普教中係咪普通話會有進步
...

我兩個小朋友都係英普，屋企0普通話，佢地完全掌握到無問題，大嘅升咗間粵教中嘅小學，都無適應問題。不過個人覺得普教中係對學中文無乜幫助，因為佢地都係用廣東話去諗野，普通話對佢地黎講只係一種外語，但比我揀多次都係揀英普。

^GGmami^

如果揀英粵而要出去外補普通話嘅話，咁請揀英普班

mingwing5

ToMing123 發表於 19-6-3 20:07
普教中小學多數都有一段適應期，小朋友慢慢會習慣。我仔幼稚園零普通話，上到小學普教中都適應到
...

咁你有冇同小朋友外補普通話？我真係都係零普通話，我擔心佢唔適應。同埋你覺得普教中係咪普通話會有進步

lulumelody

Kainy 發表於 19-6-3 23:16
點解呢？

因為考直資大部分考粵語和英文。除非一兩間。

Kainy

baby_112 發表於 19-6-3 21:49
英普 如果要考直私

點解呢？

RunningPig

英粤，如果考直私

baby_112

Kainy 發表於 19-5-31 13:57
幫小朋友揀咗學之園英粵，但又擔心小學普教中銜接唔到，揀英粵係想佢多啲表達得好啲，本身小朋友比較怕羞， ...

英普 如果要考直私

assado

Kainy 發表於 19-5-31 13:57
幫小朋友揀咗學之園英粵，但又擔心小學普教中銜接唔到，揀英粵係想佢多啲表達得好啲，本身小朋友比較怕羞， ...

英粵班, 都有普通話課呀!
考直/私, 好少考普通話。
所以, 英粤/英普問題不大。

ToMing123

普教中小學多數都有一段適應期，小朋友慢慢會習慣。我仔幼稚園零普通話，上到小學普教中都適應到

nicoleyying

如果小朋友廣東話冇障礙，我個人覺得學語言係越細開始越好，細個先冇包袱，夠膽講夠膽試

至於英粵升小offer 好過英普，我個人覺得家庭配合、敎導，每個家庭都唔同，而且，拎咩升小offer亦唔係整個幼稚園學習嘅最終成績表

利申：兩名LH 小朋友英普班

Yan_Melody

Yanamami 發表於 19-6-1 12:46
而家两文三語係指定动作，而語言既野係早学有著数，發音更準確，唔好錯过黄金期｡老实，上英普班－日只三个 ...

完全同意，我都認同小朋友語言係要由細開始浸，每日返學浸下好過一星期出去上一個鐘堂，又要帶小朋友出出入入，用啲時間玩同伴讀仲好。

Yanamami

而家两文三語係指定动作，而語言既野係早学有著数，發音更準確，唔好錯过黄金期｡老实，上英普班－日只三个钟，俾你每个礼拜学多个钟拼音，係屋企同家人时间長，出街遇上既人、睇电视全部广東話，点会唔識講？我係屋企伴讀就只会用英粤，考小－乜问題都無｡学校老師講过，英普粤－齐係唔会乱，不过講开果种語言既人就－直要保持果种語言，－句英－句中，或－时－种語言先係大忌｡我姑姐嫁法国人，我表弟妺法、英(番学校)、廣(同我地家人)、普全無乱｡

wongtw

有機會學好普通話也不錯，現在中小學有不少普通話課,避到小學也可能避不到中學，因為有的中學初中是普通話教中文,郅高中始全改回廣東話教，無論揀中小學懂兩句普通話點都多的學校揀。