培正不取錄失落區⋯ 進來互相安慰一下吧

Angelina_barbie

久等了的培正終於放榜了！一切都已塵埃落定喇。

少少後悔既係當初無好認真填問卷，畢竟係第一份申請，無經驗，以為簡單回答就得。短短10分鐘不到的面試，應該係睇問卷答案而決定結果吧

不過過左去喇，會專注返留咗位既學校。上學生涯漫漫長路，希望無揀錯啦！

bleeblee

Angelina_barbie 發表於 19-1-31 14:12
久等了的培正終於放榜了！一切都已塵埃落定喇。

少少後悔既係當初無好認真填問卷，畢竟係第一份申請，無經 ...

你咁講，我又認同，份問卷我都hea填(emoji)，故deject

sunnymama2

其實無謂糾纏於問卷寫得好唔好，好唔好係由學校話事，家長覺得好時可能學校覺得言之無物。

而喺問卷之上，相信學校係睇是否校友和面試表現為先。面試表現除左睇大細B,亦要睇BB是否夠獨立，冇爸媽在身邊都可以答問題。有些BB可能識答，但冇爸媽在身邊，唔想答都唔奇，佢地唔喊已好叻了。

況且，唔需要因為培幼reject 而否定自己孩子的，比多d心機伴讀，多些親子時間，考小一又係另一番境界。

Amymichelle

當係去買六合彩所以沒有失望,已有其他幼稚園offer請相信自己小朋友,共勉之!

Dragonmama2012

我好認真填都唔收。

不用失望，唔係小朋友唔夠叻，係人太太太多，位很少，同樣叻既小朋友，學校都要作出決擇，學校揀得仲困難。

pekovian

當年我好用心去填問卷，小朋友應該都醒醒目目但PC都唔收
每間學校都有收生既準則，唔好怪自己同小朋友，盡左力就得
到升小一時，你會發現世界好大，好多學校都好好，不如好好準備投入新階段

利申：女女今年考小一，考幼稚園時都失落過流淚過，塞翁失馬，焉知非福。大家加油再試上路！

3RMYbaby

最失望果間已經試左，所以今次培正唔收，我好平常心，反而仲好似鬆左口氣，當日亞女自己入課室，無喊，笑住出返黎，離遠見到我仲同我揮手，果一刻我已經覺得我贏左，我個女好叻，入唔到，係無緣分啦！

sunnymama2

KatieSo11 發表於 19-2-1 17:46
培正招生通告寫2016年10月31日前可報呀
朋友女係16年9月出世即細b
你朋友不會報不到

咁我同事應該搞錯了。

KatieSo11

sunnymama2 發表於 19-2-1 17:40
係唔係超大B?我同事的仔9月，連表都冇得交

培正招生通告寫2016年10月31日前可報呀
朋友女係16年9月出世即細b
你朋友不會報不到
我見另一offer group 都有個9月細b有培正pm offer

sunnymama2

KatieSo11 發表於 19-2-1 16:40
我同事女9月細b
考st cat kv lh 甚至屋企附近幼稚園都無offer
非專業人士 問卷沒有特別花時間填

係唔係超大B?我同事的仔9月，連表都冇得交

chriskaan

我2015年8月b , 2017年考培正 k1 無 offer , 同樣亦無 LH, KV, SC offer , 2018 年有考慮過想再考多次 PC , 但最後都無去。

原因1 , PC 係中文幼稚園 , 小學同中學都係中文 , 同樣不是我首選。
原因2 , 小朋友K1最後入左一間係九龍塘 , 同時大部份家長認為商業化的幼稚園 , 但見到小朋友每日返學都開開心心同有明顯的成長 , 做家長的就已經滿足。
原因3 , 由於小朋友係讀緊國際班 , 大部份時間對住 NET 上堂 , 返左半年K1 英文的對答確進步不少 , 同樣朋友個小朋友由英文私幼 PN 轉去 PC K1, 英文明顯退步 , 佢仲頭痕緊要另外搵外補英文。
原因4 , 學術淺 , 大部份龍校學術唔會太深 , 但如果升小唔收你 , 再加零外補 , 想考其他私/直小 ,  出路不會太多。

所以 , 大家對 D 個遊戲大家不要太在意吧。

KatieSo11

natalie1111 發表於 19-1-31 17:58
其實正面D, 一間學校仲肯留位比細佬妹其實都幾有人情味的, 佢大可以由幼稚園收晒最優秀的, 升小學又西走一 ...

我同事女9月細b
考st cat kv lh 甚至屋企附近幼稚園都無offer
非專業人士 問卷沒有特別花時間填
但昨天收到am offer
之前好擔心
現在勁開心
所以都是緣份遊戲

tt661166

我真心唔覺培正有乜特別，K1-K3  hea爆，語言又唔强，一個禮拜得幾堂英文，唯一係大部份直升小一，不過上到小一先黎料，一次過還番三年hea既債。
真心覺得考幼稚園純粹講緣份，没有最好或最差的幼稚園，只有適合還是不適合的幼稚園!

babymamaloveyou

回覆 Angelina_barbie 的帖子

我朋友當年填表都好用心（我看過）,寫到無位再寫，父母專業人士，媽媽是醫生，最後也是無offer...不過佢話仔仔面試麻麻。

Mandy1022

我超用心填問卷 都無offer n無人士 但兩公婆都係專業人士 已有sc kv offer 所以都無唔開心 當去抽下獎

flora625

我的仔仔也是大B, 用心填問卷但不獲取錄! 沒有任何名幼offer...............可能阿仔慢熱呱.............
不要灰心! 要相信自己的小朋友!

Angelina_barbie

mrs.3845 發表於 19-1-31 22:08
講真丫，都唔知點樣填先係正確答案，唔好諗番轉頭 ：)

多謝大家的鼓勵
經過一日，心情已經平復晒⋯
說得對，緣份遊戲，試過、唔得，就繼續向前看，無謂再沈淪喺個落選結果！

mrs.3845

Angelina_barbie 發表於 19-1-31 14:12
久等了的培正終於放榜了！一切都已塵埃落定喇。

少少後悔既係當初無好認真填問卷，畢竟係第一份申請，無經 ...

講真丫，都唔知點樣填先係正確答案，唔好諗番轉頭 ：)

emilylmy

回覆 Adotdot 的帖子

Agree

yeeling0101

mrs.3845 發表於 19-1-31 21:20
3月b repeat 好大喎
我9月b仲諗緊

Yes, repeat 真係好大，風險都唔少架