中一如何溫書

CCCK1234

小朋友小學係我幫佢溫，而家中一，就叫佢自己溫，要自己搵個讀書方法，第一次測驗，放晒手，佢自己响房溫，結果大部份50,60分，通識唔合格，跟住考試，聖誕假响屋企溫書，今次响廳溫，每日定左溫邊科，考之前佢已經每科溫左一次，我見佢係有睇書，不過就只係睇，有做past paper , 結果，大部份50分左右，中文和中史唔合格

我可以點幫佢，要幫佢搵補習嗎？其實中學生要點溫書呢？請大家幫幫忙，有一科唔合格就要留班，謝謝大家

TwinWong

CCCK1234 發表於 19-1-22 08:24
小朋友小學係我幫佢溫，而家中一，就叫佢自己溫，要自己搵個讀書方法，第一次測驗，放晒手，佢自己响房溫， ...

初中大部份科文都係背背背,
先將重點整理, 了解, 背熟, 到時掂出題都唔怕
条題要你吹, 你都易吹好多
人一定要早瞓, 上堂要專心,
唔夠瞓人難清醒易发白日夢
数依家野, 小學都睇得出係数感強定弱,
唔得就試操, 如果越操越差, 就要改方法
揾1对6补數回好些

pokemonmon

1998Ruby1998 發表於 19-1-23 04:54
自己溫，又讀中學，有 5X 分都算係咁。唔合格嘅科目，有冇睇下其他同學表現？中學中文唔合格係非常正常，基 ...

thanks sharing

foxieHM

jli008 發表於 19-1-24 09:06
絕對同意此版友所說,女兒在小學大部份已是這樣安排.第一點就不需要,第8點就不是做太多,但現在上了中學,可能 ...

中文突出難能可貴, 請教一下,如何可改進中文?

b3410

1998Ruby1998 發表於 19-1-23 04:54
自己溫，又讀中學，有 5X 分都算係咁。唔合格嘅科目，有冇睇下其他同學表現？中學中文唔合格係非常正常，基 ...

加一條關於筆記，課後有時間可以整理一份筆記，用自己的思維，記憶方法總結，等於溫習。考試前再溫習自己的筆記，快好多。

CCCK1234

1998Ruby1998 發表於 19-1-23 04:54
自己溫，又讀中學，有 5X 分都算係咁。唔合格嘅科目，有冇睇下其他同學表現？中學中文唔合格係非常正常，基 ...

多謝你資料，我會同小朋友分享你既建議

Tata1668

little_yolky 發表於 19-1-23 08:19
做功課做到好夜, 好多時除咗因為功課多, 係因為每樣功課要諗好耐。所以, 如果理解好, 做功課時間相對自然縮 ...

多謝你既分享，我有所領略。

我同我仔都係你細囡嗰一種…… 我要好好提醒自己，加引導我仔去嘗試改變學習模式  

Tata1668

1998Ruby1998 發表於 19-1-23 04:54
自己溫，又讀中學，有 5X 分都算係咁。唔合格嘅科目，有冇睇下其他同學表現？中學中文唔合格係非常正常，基 ...

  又學到一招半式

草原

chanwendy 發表於 19-1-23 09:23
我覺得小學都仲可以睇一次就去考, 但係上到中學, 唔只要睇一次, 係要真係入到腦, 自己可以講返一次出嚟先得 ...

好同意你講嘅溫書方法，上咗S3有埋Bio，串生字更重要。

chanwendy

我覺得小學都仲可以睇一次就去考, 但係上到中學, 唔只要睇一次, 係要真係入到腦, 自己可以講返一次出嚟先得.  我都放手唔理亞女, 佢有唔明先問我, 但係我會教佢自己做筆記, 唔好單靠老師寫黑板嗰啲, 要自己睇完課文再加筆記, 最好用列表或腦圖形式做筆記就最易入腦. 英中就要加串熟生字, 結果統測全部合格, 考試就有兩科肥咗, 不過其實佢唔係用好多時間去溫書, 加上其中一科係佢最唔鍾意的一科. 但整體而言, 我覺得佢算掌握到, 當然有進步的空間.

little_yolky

CCCK1234 發表於 19-1-22 20:15
謝謝你，小朋友每日放學，只係做功課都做到好夜，唔好話備課和溫習

做功課做到好夜, 好多時除咗因為功課多, 係因為每樣功課要諗好耐。所以, 如果理解好, 做功課時間相對自然縮短, 事半功倍的。

我用小學生做例子, 剛好我家有兩個好例子, 一個B1, 一個B3。B1女女沿用我既學習模式, 所以佢功課基本好快做完, 咁佢就有空閑時間備課/溫習, B3女女就玩咗先算, 今朝有酒今朝醉性格, 所以佢上堂學習既嘢唔係明白晒, 做功課自己拖牛上樹, 每日就只夠做好功課, 沒時間溫書了, 所以日復一日, 惡性循環。

1998Ruby1998

自己溫，又讀中學，有 5X 分都算係咁。唔合格嘅科目，有冇睇下其他同學表現？中學中文唔合格係非常正常，基本上 6X 分已經係好高分，尤其越高年級，要睇下科排名。

但英文同數學按道理，應該有至少 70 分以上。呢兩科仔仔有冇問題？如果冇估錯，你仔仔升讀中學部？Band 1 校好多時候，只有英文同數學科嘅分數係可以一如以往，中文同其他科都唔洗旨意有靚仔分數。

根據我觀察成績好嘅同學（不論平日係有冇補習／貪玩懶訓）
1. 早 30 分鐘返到學校預習
2. 寧願返到屋企唔溫書都一定要早訓
3. 上堂一定要 100% 專心，想訓教一定大力刮醒／搣自己
4. 功課絕對唔抄人，最好留校做曬先返屋企
5. 做筆記，但未必需要額外整一本筆記，就咁課本上寫。
6. 一定要有時間娛樂，不論係打機、睇電視、追星、手工藝
7. 可以唔去補習，但有唔明嘅地方，落堂即刻問老師，唔好塞埋一邊等運到
8. 操卷、操卷、操卷，尤其數學（呢點我試過，的確好有用）

以上 8 點，令呢批同學成為中學生涯嘅長勝將軍，年年級 20 內（級人數 200 以上），DSE 每科（佢地修 8 科）都 5*。

CCCK1234

little_yolky 發表於 19-1-22 12:37
我自己當年老師係唔會跳課文教書, 所以, 我會知道下一堂教邊度, 我會先預習, 上堂時, 因為有預習, 所以知道 ...

謝謝你，小朋友每日放學，只係做功課都做到好夜，唔好話備課和溫習

happy105

little_yolky 發表於 19-1-22 12:37
我自己當年老師係唔會跳課文教書, 所以, 我會知道下一堂教邊度, 我會先預習, 上堂時, 因為有預習, 所以知道 ...

你成績係咪好好呀！好明顯你細個係乖學生XD
要比阿女睇下你既讀書方法先得

Alice00

試下用整理筆記的方式溫嗎？科目多量又大，只是睇住溫好似難入腦.

lojo11

唔好心急... 比時間佢搵方法... 上到中學有唔合格好平常, 可能未適應, 始終同小學大分別

zitaeric

邊到跌低，就邊到起返身，查找不足，對症下藥。我地学校考試範圍多，－日考兩科，冇得考吓休息一兩日先考，所以要長假前温哂。由於太多野－吓－次塞哂入個腦到，所以第－次考試重點係查找不足，下次再改進，每次去進步。遇到分數不似預期，不要氣餒，要保持鬥心。
好好規劃時間，真係吾得找補習。
我地－早派哂卷，每科自已揾出改進之處，以我地，現在規劃即教即温、預習，整理各科字卡，有吾明即時解決，就算学校除時測驗都ok。
如果自已攪吾惦，小心找個合適補習老師未嘗不可。
互逸之

little_yolky

CCCK1234 發表於 19-1-22 11:14
同意，合格我都收貨，但而家有2科唔合格，做家長點都要諗下咁幫佢，如果下學期都唔合格就要留班
...

我自己當年老師係唔會跳課文教書, 所以, 我會知道下一堂教邊度, 我會先預習, 上堂時, 因為有預習, 所以知道老師講邊度書係無既, 就抄底, 返到屋企, 就用本筆記簿即日整理筆記同複習一下堂日教既嘢。中文因為文言文較陌生, 會背課文既詞語, 咁會易明D。中史就會記重點, 有D重要史料要背, 背咗有基礎, 至有得作。咁樣, 到考試時就真係睇下就得, 唔駛開通頂。