優秀學生向錢流（左丁山）

elbar

美國之音(互聯網)

上星期二中午出街應約吃午飯前，突然心血來潮，拿出另一部手機，睇吓有乜電郵先，一上網就睇到三十幾個電郵，一路睇一路刪除，費事儲藏太多資料，令手機記憶系統爆燈。突然間睇到午飯取消嘅電郵，係G先生秘書送過嚟嘅，簡單咁講，就係話G先生突有緊急事情，是日午飯取消，謹此致歉。

哦，唔駛出門啦，於是打電話畀電腦J：「喂，你知唔知呀，G先生取消飯約嘞！」電腦J曰：「已經唔係第一次，不如我兩個去上海總會吃麵算數。」又好啫，點知去到上總，原來佢又臨時搵埋理事F去，既有理事F在，我地想搶住埋單都冇可能啦，真唔好意思。

理事F係工程教育有心人，經常為大學籌集獎學金畀工學院優秀學生去美國各校深造，但是日佢有感而發：「年年都係姓XYZ嘅內地學生攞到獎學金，啲香港本地學生去咗邊呢？本地生好似冇競爭力噃！」呢個問題，佢問我，我問邊個？或者捐錢畀環球商業科學生，就會有本地生爭取到獎學金啩，大家都知道本地大學嘅理學院、工學院，攞一級榮譽嘅幾乎盡是內地生，頒獎學金以學業成績為優先考慮，冇理由唔睇成績而睇內地生、本地生之分別，而有不同評審準則嘅啫。

幾日前碰到一位初創投資者，係三十年前港大double E尖子，在銀行界、投資界好有經驗，同佢講起初創企業，佢又係同理事F一樣感覺：「不少科技初創企業創辦人係內地工科畢業生，本地生數目比較少。」問佢知唔知道原因，呢位投資C話：「三十幾年前我地入學成績與醫學院學生有得爭，無大分別，我呢幾年比較幾間大學嘅double E收生成績，真係嗌救命呀，與醫科生有打邊爐與打屁股之別，或者呢個就係原因囉。」

世情如此，大勢所趨，有乜辦法啫，左丁山素來信奉市場，只能相信市場會影響各類學生入大學選學系嘅決定，例如近年華爾街搶MBA畢業生漸漸輸畀矽谷，遲早香港學生都會選科技唔選環球商業啩？但香港科技界人工少一啲，又似乎唔夠吸引噃。呢個觀點就畀科學園嘅一位仁兄M打破，佢曾經對左丁山講：「你唔好迷信金融界人工一定高好多嘞，依家AI爭人爭到打崩頭，有10年AI研發經驗嘅32歲大學工科畢業生，年薪可以去到二百萬港元！」咁吃香？電腦J話係特殊個案都唔定，但IT界高度缺乏人才就係真嘅！


左丁山                                                                                                    

wccfgoldcard

Yes, AI is Fintech, not pure IT.

shadeslayer

JustAParent 發表於 19-1-15 23:44
本帖最後由 JustAParent 於 19-1-16 00:10 編輯

我哋呢代人，食正香港經濟起飛，將一切拿乾拿淨。後生 ...

唔明上一代如何拿走下一代。。。啲乜？ 錢，機會？

If youngsters are short sighted and go for a degree course because graduates earn 1000 more, and if the long term future is compromised, it is on them who make the decision, not their parents or 上一代。

JustAParent

shadeslayer 發表於 19-1-15 22:21
佢講工程科技，不只lT。

香港學生可能太過以短暫目標為本，那裡多一千便讀嗰科。

我哋呢代人，食正香港經濟起飛，將一切拿乾拿淨。後生一代，賺埋未夠交租，點好意思話後生仔短視貪一二千呀？

Cheeselover

planetearth 發表於 19-1-15 23:21
重點在香港學生理工科弱，不夠優秀人才發展香港科技。現今各個發展國家都要鬥科技才能佔優勢，AI是其中一  ...

我多次指出搞高科技是燒錢遊戲，十個項目可能只有一個跑出，跑出一個回報抵上十幾個失敗項目；理工科技人，有識有力有青春，但最要命是無財，政府燒掉幾十億即被公眾狂插，遲呆官僚體制如何應對日行千里的科技步伐，然而香港私企民企又有種乎？一天到晚都説無人才，為何無人指出企業願意花多少經費在科研上？

planetearth

重點在香港學生理工科弱，不夠優秀人才發展香港科技。現今各個發展國家都要鬥科技才能佔優勢，AI是其中一 範, AI是統稱，金融科技要用高階數學分析也叫應用AI。中國是政府主導發展科技爲重大目標, 美國民間主導發展科技也非常亮麗，一直跑贏全世界。 最瘋狂是2024年送人上火星。大家到時見證下。
問題是什麼原因令到香港學生對讀理工科無興趣？變成水泡科？先進國家對理工科學生都一直都好大需求。美國不少神人企業創業者都是理工科出身。畢竟美國仍是科技大國。香港大概不把自己定位爲發展科技爲重點吧？！眼見香港不少學生小時對數理科非常熱愛，長大了就有其他想法。

shadeslayer

JustAParent 發表於 19-1-15 18:20
最怕呢類外行人寫既野。不如佢話我知香港邊行邊業缺乏IT人才？缺做低技術IT cheap labor就大把。
...

佢講工程科技，不只lT。

香港學生可能太過以短暫目標為本，那裡多一千便讀嗰科。

JustAParent

最怕呢類外行人寫既野。不如佢話我知香港邊行邊業缺乏IT人才？缺做低技術IT cheap labor就大把。