雙語環境 是好是壞？

BK_Milk

作者：言語治療師媽媽Miss Carley

曾經有家長向我表示，現時不和子女說英語很 “out”，而根據我的觀察，香港很多家長都喜歡雙語廣播，即中英夾雜的與子女說話，其實雙語環境對小朋友是好事還是壞事呢？

凡事都有好與壞，雙語也絕對有其好處。根據外國的一些研究指出，兒童在幼兒時開始在雙語的環境下長大，能有助其增進自信心及思考能力。另外，根據acquisition-learning hypothesis的學說，acquire(習得)和learn(學習)兩者是學習語言的不同方法，前者是在一個語言環境下潛移黙化地學習，後者則是從語言的基礎如文法生字等學起。小朋友的腦袋是一個天然的語言學習機，只要有豐富的語言環境，便能夠自然地習得(acquire)一種語言。從小習得英文，絕對能事半功倍，對小朋友升小學面試及其自信心提昇等也很有幫助。

至於雙語環境的壞處方面相信也不用我多說，小朋友接觸兩種語言的時間都不足，因此很易出現言語遲緩，能力高的小朋友當然沒有問題，但較平庸的很易弄到"兩頭唔到岸"。因此小朋友能否同時成功掌握兩種語言，關鍵乃在於小朋友的能力。如家長想進行雙語環境，請參照以下原則︰
1) 儘量要保持小朋友接觸兩種語言的時間為1:1，即一半時間中文一半時間英文
2) 要保持一貫性，成人在同一句子或同一對話中不宜中英夾雜
3) 配合第一個要點，可進行一位家長一個語言 (如爸爸說英文媽媽說中文)或一時段一個語言 (如早上說中文下午說英文) 的策略


若家長發覺小朋友在兩種語言都出現嚴重遲緩，則宜只揀選其中一種語言與小朋友溝通。待小朋友掌握第一種語言後，才學習第二種語言。


即到親子語睇更多育兒／教育資訊。

ilyrd

我就冇咩愛唔愛國喇,呢個政權嘅國留返李鄉長個女啦,但對面海個寶島亦垃圾一個, 另外,亦對西方國家那些假民主,假绅士嗤之以鼻.我只講求實際,愛? 愛自己愛家人愛朋友便夠.

JustAParent

Cheeselover 發表於 19-1-22 23:06
是的，我們竟然有機會學到兩門現今兩大經濟體的語言，說到雙語，我們怎可冷待普通話，説來奇怪，EK中少有 ...

語言，除了溝通，亦是身份認同。天佑女王，為何不少我們這一代人以一口流利英語為榮，你懂的吧 。

Cheeselover

ilyrd 發表於 19-1-22 09:07
香港真好命,可以响雙語環境長大.有冇人可以話比我知,全世界有幾多人係講英語或普通話(國語).我好實際.英語 ...

是的，我們竟然有機會學到兩門現今兩大經濟體的語言，說到雙語，我們怎可冷待普通話，説來奇怪，EK中少有提及追求＂native＂普通話的討論，嘿嘿，大家愛國情操實在不足。
好像沒有多少父母努力使孩子的普通話口音更靠北，其實一口字正腔圓的北京話是非常好聽，我這一輩，莫說北京話，能剪掉廣東口音也辦不到，自己女兒的普通話蠻有趣，沒有廣東音，也沒有北方音，我笑說像中央台的普通話，沒有風格，不過總比我的破格(什麼規格也打破)普通話好。

ilyrd

香港真好命,可以响雙語環境長大.有冇人可以話比我知,全世界有幾多人係講英語或普通話(國語).我好實際.英語一定要,普通話也要. 嚟緊幾十年,我睇唔倒有第三種語言重要過以上两種.

nkd

人家只把中英文當作基本要求，不是專業。

當基本溝通能力都沒有時，還談什麼呢。

Vanadium

其實講咁多版又真係無謂，大學及政府都察覺問題，各大學理工科都放寬語文入學要求，語文降低要求又唔計分。

反而將果啲會提升英文水平既social subjects係咁cut學額。

英文的確可以做中西溝通橋樑，但下下講橋梁就無左專長，我家個菲傭英文都好好，佢都雙語，極流利菲律賓語同英語，不過做野真係無咩腦筋。

Vanadium

我既世界係好現實既世界，香港中產家庭吹捧英語，感覺係停留係幾10年前，以為 1) 英語能力會將人分高低; 2) 英語好會大有優勢。

但現實世界係 1) 現今英語好或可接受既人極多(太容易學)，純英語好已無咩優勢; 2) 從來無先進國家唔將母語作為兒童及青年學習既基本語言，去窒礙兒童學習。

國際會議好多人講英語，就算科學家都會，但其英語只係technical、科學上溝通之英語，讀理科、工程上非英語為母語之教授堂，就知其英語係點到即止，夠寫論文果種。無論點...如上所講，無咩國家會好似香港咁將英語放係自己母語之上。

(當年港大校長鄭耀宗工程系出身，至少口語英文一樣麻麻地。)

其實咩係現實世界? 一個幻想出黎既世界，定真係現實既全世界。

香港的確係一個好獨特社會。

shadeslayer

JustAParent 發表於 19-1-21 13:10
你講得好啱。

所以凡事有兩面。香港母語係中文天生蝕底， 但同時間，世上其中一種最難嘅語言大部分香港 ...

的確，英文相對易入手，在香港唔學確老襯。事實上無乜香港學生唔學英文，討論應該是「如何學好英文」。

JustAParent

shadeslayer 發表於 19-1-21 13:02
而且中文難上手，好難成為國際語言。

你講得好啱。

所以凡事有兩面。香港母語係中文天生蝕底， 但同時間，世上其中一種最難嘅語言大部分香港人已經識讀識寫， 唔把握雙語優勢繼續做好中西橋樑角色，就真係大老襯。

shadeslayer

JustAParent 發表於 19-1-21 09:31
語言學家David Crystal係English as a Global Language一書談及"英語帝國"。 一個日不落帝國，曾踏足全球3 ...

而且中文難上手，好難成為國際語言。

akys

Vanadium 發表於 19-1-19 23:54
當見到內地既發展，特別科技、創作、藝術等，若話香港學生雙語無影響，咁我只得相信香港人基因上較弱。由 ...

國內科技與雙語發展有什麼關係？唔可以咁簡單話 『單語言+科技發展蓬勃=單語言好』。還有，要分清楚是原創科技還是改良科技。如果是後者，掌握外語是有利的。

話時話，你啲討論點經常飄來飄去，好難跟得上。

ABC-DAD

科技受捧就吹科技，金融揾錢就捧金融，V 網友，我想講真係好多知名科學家會多過一種語言，特別係在國際會議露面嘅學者，在科技發展中心，大學研究院更多的是，是否你心目中嘅標準「Native 」，我唔好意思再探討落去。，你問題係太 武斷。唔知你個世界同一般人係咪唔一樣。

JustAParent

語言學家David Crystal係English as a Global Language一書談及"英語帝國"。 一個日不落帝國，曾踏足全球3分1土地，在全球擁有大量殖民地，把英語變為世界語言， 滲透科技商貿甚至日常生活。之後任何國家，要在全球取得領導地位，科技領先同業，商業取得最大利益，你是無法不用英語的，此為英語霸權。

英語國家有天生優勢，香港母語係中文，某程度上，你可以話係香港唔好彩，所以雙語教育係香港唯一出路。甚至不強化英語教育，香港是死路一條。

中國雖然經濟起飛，在世界逐漸取得話語權，但要改變英語數百年建立的霸權地位， 我覺得大家唔會係有生之年見到。

shadeslayer

Vanadium 發表於 19-1-21 01:21
叻人就雙語好，就係呢類諗法搞到香港同教育無彎轉，邊個會話自己子女蠢? 所以個個自小谷雙語扮叻。

我睇 ...

所以我說過不要迫所有中學生考DSE，中學分流實用課程。

英國有 BTEC，德國職業學校出名，IB 也有Ab Initio, IB certificate。 香港？

但，你在大學做教育，你連以下也講得出？

我說：雙語難不到叻人。。。。

你回：雙語好未必叻，叻既好多更唔係雙語，叻人就雙語，叻人就雙語？ 霍金也。。。

你一係真理解力有問題，一係扮理解力有問題，要暫時放你在「不回」類別。

Vanadium

shadeslayer 發表於 19-1-21 00:50
本帖最後由 shadeslayer 於 19-1-21 00:52 編輯

我一路講，叻人，雙語不會難到佢地，填鴨不會難到佢地 ...

叻人就雙語好，就係呢類諗法搞到香港同教育無彎轉，邊個會話自己子女蠢? 所以個個自小谷雙語扮叻。

我睇到世界係，雙語好未必叻，叻既好多更唔係雙語，叻人就雙語? 咁要重新評估愛因斯坦同霍金既智商。

shadeslayer

Vanadium 發表於 19-1-21 00:40
你咁講反而令我回憶起香港當年呢批人，由細到大都無好強既英文訓練，反而個個出類拔萃，獨當一面，而佢地 ...

我一路講，叻人，雙語不會難到佢地，填鴨不會難到佢地，壞父母不會難到佢地。。。。。

兩文三語，係香港少有的共識。不過你有自由不學或少學的。香港的確有很多工種不用英文，那些用普通話仲有用。

Vanadium

shadeslayer 發表於 19-1-20 02:28
其實好好笑，把握時空推回七八九年代，李小龍，成龍，大時代，四大天王，香港工業，GDP比中國內地高好好好多，全亞洲影響力巨大，咁嗰時個結論咪「雙語」有助社會發展，香港人更叻？

香港不是 sell 雙語，即死。好笑在，內地英文水平也不斷提高。

你咁講反而令我回憶起香港當年呢批人，由細到大都無好強既英文訓練，反而個個出類拔萃，獨當一面，而佢地英文，大都係往後係外地生活同工作操返黎。

其實唔單止呢啲娛樂名人，就算香港由當年開始發跡既富豪，自小都無咩英文訓練。

就算今時今時，又幾個真係創業、做生意成功，係因為英文好? 我識個年青人，早10年讀書時英文屎到暈，大學都考唔上，10後見返佢，原來做左老板開科技公司，食飯時不斷用英文WhatsApp同公司聯絡，因公司partner同客都係外國人，搞笑佢竟然好認真咁同我講佢公司請人，佢面試時覺得依家啲大學生好唔掂........

之前有post出話香港大學生過去20年人工無變過，講真我識唔少英文流利既人，有外國回流，有香港畢業，只要無咩專長，好多......打份近似文員文職工，10年8年搵3、5萬已叫好好，主要都要靠上一代(即父母)既錢買樓結婚。

相反同期但唔係主攻英文、但搞技術果班，做老板都大有人在，係有司機出入。

香港的確需要雙語流利既人才，但需求並唔係講到咁誇咁大，日後係人工智能年代，好多要幾文幾語之工作，已可由電子化世界取代。

至於內地英文水平，感覺係發跡後訪窮朋友，上到去高位就學英文去提升下自己，內地唔會要求自小不斷操雙語。

shadeslayer

Vanadium 發表於 19-1-19 17:46
呢個有咩好講，樓主引用篇文唔係已講晒?

誰也知語文越早學越好，自然既語境、可以練習既場合越豐富越好， ...

香港孩子個個學英文十幾年，唔使討論時間語境，英文程度差異就唔會咁大。

shadeslayer

Vanadium 發表於 19-1-19 23:54
當見到內地既發展，特別科技、創作、藝術等，若話香港學生雙語無影響，咁我只得相信香港人基因上較弱。由 ...

其實好好笑，把握時空推回七八九年代，李小龍，成龍，大時代，四大天王，香港工業，GDP比中國內地高好好好多，全亞洲影響力巨大，咁嗰時個結論咪「雙語」有助社會發展，香港人更叻？

香港不是 sell 雙語，即死。好笑在，內地英文水平也不斷提高。