問一間學校好唔好

UnicornCYL

自己有無去過人地open day?自己帶小朋友去面試時自己感受到咩?
去學校門口睇下小朋友放學時點玩
去學校門口睇下家長同老師的對話和表情
睇下人地學校的網頁
睇下教育局的網頁資料

其實花時間係到對著個mon睇文不如花多點時間同小朋友去玩下或親自去睇會下間學校

學校有幾好都無用，重點係家長背後點教小朋友幫小朋友發揮佢地的能力和幫助佢地成長。
返個3個鐘學換來一大堆功課，小朋友追不上有壓力家長也不好受。學校幾多節目但家長有幾多時間去跟到?
小朋友無左個開心的童年到長大了有幾多社會問題大家睇新聞都睇唔少罷。

希望小朋友身體健康開心快樂不是家長應有的心態嗎?讀邊間學校真係咁重要嗎?

aaa_m

babybobop 發表於 18-12-15 16:54
本帖最後由 babybobop 於 18-12-15 16:55 編輯

「讀邊間學校真係咁重要嗎」，的確好重要，如果幫小朋友 ...

岩呀我仔仔offer 唔太理想，宜家新D既私校都會報，但淨係上網睇都睇唔到D咩，open day多數會show 最好一面，上EK問真實用家點都會有d可信性

Alicham

feifei_baby 發表於 18-12-17 13:58
大女第一年揀n，搵到間出名有愛心、ek評價好、interview感覺也好好的學校，結果不外如是，也有不好的經驗 ...

所以係ek問其他用家意見都只係其中一種參考既途徑，每個家長睇法唔同，小朋友性格同進度都唔同，最緊要揀到適合小朋友既學校

feifei_baby

小菜豆 發表於 18-12-17 13:31
回覆 feifei_baby 的帖子

報嘅時候大包圍我都係咁做,但始終中心一早排好咗, 邊D一定讀, 邊D係報黎做BACKUP ...

大女第一年揀n，搵到間出名有愛心、ek評價好、interview感覺也好好的學校，結果不外如是，也有不好的經驗，所以唔係從不同途徑攞料就代表穩陣。就算人人話好，遇著個差老師，果年都可以好難過。
可能我為人易憂慮，就算入咗間人人話好，我都怕揀錯...

MegaKnight

按樓主咁講，
呢個網頁唔需要存在，
樓主亦唔應該上嚟 留言

小菜豆

回覆 feifei_baby 的帖子

報嘅時候大包圍我都係咁做,但始終中心一早排好咗, 邊D一定讀, 邊D係報黎做BACKUP,
e.g.如果SC收, 就一定讀唔揀KV, 或如果MS收就放棄SC等,
妳話明白揀錯學校的感受, 莫非有難忘經驗?

yeeling0101

讀邊間幼稚園真係好重要。
好似我呢啲n無，升小入好嘅官津小學，淨係可以靠叩門。想入直私又要好好裝備自己。又想小朋友有開心學習環境。
你話入邊間k1重唔重要丫？

lym718

講完一大輪兜咁大個圈原來都係想讚自己，好正

凍奶茶少奶

至於睇網站就更好笑，你上CCKG 睇下有乜資訊先

凍奶茶少奶

我係ftm 而且有時間去勻全港open day，而家已經排梗參觀日曆

不過都係會上網問用家意見，得唔得？

Bebe1016

feifei_baby 發表於 18-12-17 00:03
都唔一定，報k多數大包圍，大部份人都唔會預自己間間考到，可能覺得是但考到一間都已經好好，到最後連中幾 ...

好同意你嘅講法

feifei_baby

小菜豆 發表於 18-12-16 23:10
我反而覺得問揀邊間名幼有d似係晒命post， 例如 sc vs kv vs MS vs PC vs others點揀， 想show off自己小 ...

都唔一定，報k多數大包圍，大部份人都唔會預自己間間考到，可能覺得是但考到一間都已經好好，到最後連中幾元，可能真係好頭痛，怕自己揀錯俾小朋友。我好明怕揀錯的感覺。

feifei_baby

利申：WM

大女細女in 過n同k夾埋接近20間，大部分冇open day，大部分網頁內容簡單，教學理念不外乎德智體群美，間間差不多。

大女當時2個offer，一間要搭校車，一間近屋企，後者ek評語好壞參半，我搵一日早退去睇放學，啲細路好「活躍」，我捉住一個家長問，正面意見和ek的相若，讀緊當然唔會踩，去完沒有太大得著。因為唔想咁細搭校車，最後都係入讀。結果，果三年我同阿女都非常滿意，佢而家畢業兩年都仲會行過同老師校長打招呼。學校嘅好，我喺網頁同果次觀察都睇唔到。讀咗三年，也沒有察覺學校有咩獨特教學理念。

Ek只係其中一個途徑，唔代表人地冇喺其他途徑了解。

小菜豆

UnicornCYL 發表於 18-12-15 21:24
重點係
1.間學校開左好多年，為咩係報學校之前唔爬哂文睇清楚先報？咩唔係心中有數先去報果間學校咩？咁當 ...

我反而覺得問揀邊間名幼有d似係晒命post， 例如 sc vs kv vs MS vs PC vs others點揀， 想show off自己小朋友有幾叻，但係家長咁問，只會令人質疑真心唔識揀定係自己貪心間間都想要。因為家長應該了解過學校才報，當初報名心中點都有優先次序。冇可能取錄之後才覺得呢間好，唔想放棄另一間咁三心兩意，無offer果d家長見到佢地嘅post，認真為自己小朋友難過就輸了。我相信冇得揀名幼嘅小朋友日後都會大有作為。

piglover

WM 就係原罪嗎???
唔係人人都可以做ftm，無經濟壓力㗎。

供樓，私幼，外補，課外活動，買書，全部都係錢。 唔返工，邊有錢吖???

樓主，講到WM就不負責任，將仔女掉比工人咁。

andyan324

MrsPerthLiu 發表於 18-12-15 17:48
其實我自己去晒open day 、睇晒網頁等等，都仲會上網問下讀緊嘅家長嘅意見架喎

用家講嘅野會再深入啲架嘛 ...

agree

UnicornCYL

重點係
1.間學校開左好多年，為咩係報學校之前唔爬哂文睇清楚先報？咩唔係心中有數先去報果間學校咩？咁當初為咩入form去申請
2.面試當日應該見到有咩家長同你一齊interview見到老師點interview小朋友，其實假唔出咩有心睇都睇到。

我小朋友收得1個offer 6個reject. 我小朋友interviews 果日完全唔識玩今時今日的遊戲表現不雀躍又唔識答老師問題。唯一一個offer 果間比較著重家長點睇學校教育同點教小朋友。我完全沒對人散鹽。只是好奇大家報學校前唔睇清楚了解清楚到今時今日先擔心東又擔心西。

不喜可以唔回。只是想講大家做家長應多用心去了解不好盲信人家意見聽下無妨。不好對號入座

Amy_Baby_

做父母既當然想俾最好既小朋友，又驚自己會選擇錯，始終依家呢代唔同我地以前，最好就係樓下返學，唔出名唔緊要，但依家個社會除非你好有錢，可以俾佢去外國讀書，唔係既留係香港就要跟佢規舉，我同我小朋友都報左10間幼稚園，一半收一半唔收，我都會上網問下其他在讀媽媽意見，學校開放日同簡介會我都有出席，認同係只會俾最好既你睇，而真實既只能在小朋友上反映出來，媽媽們問得只係唔想選擇錯誤，但亦唔代表佢地會一味相信，最重要係小朋友自己無得選擇，只係大人覺得呢間好，用盡辦法都想小朋友入到名校，龍校，其實係咪又真係對個小朋友好呢！

MrsPerthLiu

其實我自己去晒open day 、睇晒網頁等等，都仲會上網問下讀緊嘅家長嘅意見架喎

用家講嘅野會再深入啲架嘛，問完我又唔一定信晒全部嘅。