名直資私小會改變收生策略

charger

【趙榮德】名直資私小會改變收生策略

最近和教育界朋友談起一個怪現象，那便是某些直資私小之高層向他透露，一些取錄自催谷型的幼稚園成績每況愈下，我請他詳細解釋，以下為我們談話的簡錄：


趙為本人　朋為本人朋友


趙：你指成績每況愈下，是甚麼意思？


朋：我聽到兩三間直資私立小學校長說，他們收到的小一學生，頭嗰兩年成績還好，雖未名列前茅，但也中規中矩，保持水準，但一上到小三，便完全不同。


趙：怎樣不同？


朋：喺小一小二，這批學生有問有答，上堂可以全神貫注；但一上到小三，不知道是否課程深了，取錄自那幾間幼稚園的學生一來上堂覺得吃力，二來難以集中精神，就因為這樣，他們的成績便急轉直下，一瀉而注。


趙：你剛才說的那批學生是來自甚麼學校？


朋：那批學生是來自兩種類型的幼稚園的，一是「催谷型」的，一是「操練小一面試型」的。


趙：何謂「催谷型」和「操練小一面試型」？


朋：催谷型是以「教得快、教得深」為號召的，而「操練小一面試型」的是以專攻「小一面試」為號召的。


趙：一般幼稚園都於K3前給學生一些銜接小一的訓練，專攻小一面試是不是指這些訓練？


朋：不是，小一銜接訓練是K3那年，給學生一些課程、心理式的輔導；這批幼稚園是從K1開始便訓練小朋友考小一的面試，是長時間、有系統、有課程的訓練，經過系統式的訓練，大部分K3學生到直資私立小學考面試都可以優異成績被取錄，誰知這種系統式的「操練」得來的結果不能持久，過了三年便原形畢露了。因為操練是強記的，不是理解的，小朋友習慣了強記模式，到小三，課程要求理解，要求推理及常識，孩子便不懂得應付了！


趙：那些不用「催谷」或「專攻小一面試」的學生又如何？


朋：校長說大部分取錄自其他幼稚園的學生都無問題，因為其他的幼稚園都不是催谷型，而是「順其自然型」的，他們成績好，是因為他們喜歡學習。


趙：同意，來自催谷型的幼稚園，學生成績好，是被「老師」迫出來的；但來自以孩子為中心，「順其自然」的幼稚園，學生成績好，是自己學習返來的。被迫出來的，不是自願的，無人迫，便失去動機，成績便愈來愈低下；自己學習返來的，是自願的，既然自願，便愈學愈開心，成績便愈來愈進步了。


朋：就因為這樣，據聞該些名直資私小會改變收生策略，收多啲來自以孩子為中心學校的學生！


趙：是時候改變了
名直資私小會改變收生策略

哈哈爸爸

李大人 發表於 19-1-9 18:31
其實咁細個，又㸃會睇到學生叻唔叻，直資學校高估咗班入讀小朋友實力，到小三就發覺原來無乜大分別，只係當 ...

同意，其實六歲人仔有幾大分別？直私幾千人揀一百幾十，唔代表嗰一百幾十特別叻，因素有很多。沒offer也可以是有潛質的小孩！

Lalaji

Charlotte_mom 發表於 18-12-15 16:37
其實我唔太相信
利申我揀活動，相信自主學習
但揀得催谷型幼稚園嘅家長，好多都緊張又要求小朋友周身刀，資 ...

同意，呢篇嘢係捉心理。讀happy school的家長一定好啱聽。

公道啲講， 讀崔谷型幼稚園嘅唔代表對學習一定冇興趣，讀happy school嘅亦唔見得佢學習會特別有興趣。人人case不同，豈可一概而論。

ahsiu

咁D直私小學仲洗鬼考咁難揀學生？!

Wonderlady

hahaha1231 發表於 19-1-10 15:22
小三見小朋友真章

好合理，小四已經分到邊D係band 1, 數學，好多男仔會小五突然標上嚟。唯獨中，英文，較難突破

hahaha1231

小三見小朋友真章

Sheep06

回覆 fadgare 的帖子

我都覺得和收什麼學生完全沒有關係， 而家長一直怎樣培養這些學生才是關係所在， 如 小朋友 一直有良好閱讀習慣，和他們一向沒有專注力問題， 課程一定會跟得上，不會因為升了小三而突然成績下降。 如家長一向只是訓練 小朋友 針對 應付 考試， 並沒有課外閱讀等習慣， 問題可能很嚴重

fadgare

大部分學校一二年級也比較淺吧, 上了三年級開始深了有些人追不上也是常事, 可能不慣一下子多了功課, 可能不慣課程一下子深了, 和收什麼學生沒有太大關係吧

wongtw

朋：喺小一小二，這批學生有問有答，上堂可以全神貫注；但一上到小三，不知道是否課程深了，取錄自那幾間幼稚園的學生一來上堂覺得吃力，二來難以集中精神，就因為這樣，他們的成績便急轉直下，一瀉而注。


趙：你剛才說的那批學生是來自甚麼學校？


朋：那批學生是來自兩種類型的幼稚園的，一是「催谷型」的，一是「操練小一面試型」的。


這樣的結果難度極高，能夠在K3谷出小一,二成續的學生，咁應該都是叻人，進步空間更大，另一批成績一般的學生可以在小三脫胎換骨，想必也要資質不差，突然間能夠大逆轉。「催谷型」由上堂可以全神貫注有問有答，突然成績急轉直下。唔係呀嘛??如果講少部份我就會信。

flyda

幼稚園谷完一輪到三年班現形？咁會唔會佢 hea 完休息完一兩年到五年班呈分試被人迫一迫温習又開番竅？跟著中學成績突飛猛進？如果係咁就真係要多謝谷過下佢嘅幼稚園另佢三年班遇到低潮。

幼稚園冇谷到三年班開始有興趣？到中二三時會唔會又由於持續勤力咗五六年而失去動力？如果係咁又真係唔好彩間幼稚園冇谷佢搞到佢人生嘅低潮出現響中學。

小三冇興趣，一世冇興趣？小四有動力，一世有動力？小五谷得叻，中學會繼續？

屋企太有錢又失去上流動力？屋企太窮又失去學習機會？老師對眼太大嚇親學生？富養害咗個仔窮養害咗個女？冇咁多功課學生就會思考？睇嚟做父母真係要考牌。

teambuilder

唔理呢個趙生係乜水，但聽落佢講嘅野錯唔晒。d人成日話求學不是求分數，難道面試果日唔以最佳狀態示人嗎？唔好話面試，就算運動都係操番黎，比賽前唔去操，唔通比賽完左先操？我個女平日好怕醜而且被動，慢熱得黎從來唔應人。我比佢上面試班，威逼利誘下要佢有禮貌，結果的確係好多學校收，其中有d都算名校，但事實上佢性格冇改變，考到了立即打回原形。不過學校都幾包容，d老師都好錫佢，知道佢只係怕醜唔係冇禮貌。

Soundervolt

charger 發表於 18-12-19 10:03
睇到新聞學生（小學－大學）因學業壓力自殺，自己心都會驚一驚，會否今日的家長學童的辛勞會帶來明日的悲 ...

乜直資就冇普通什至麻麻嘅學校？國際學校又一定係好嘢？

哈哈寶寶

charger 發表於 18-12-19 10:03
睇到新聞學生（小學－大學）因學業壓力自殺，自己心都會驚一驚，會否今日的家長學童的辛勞會帶來明日的悲 ...

反而，我自己覺得，一件事的成因可以有好多。

社會變，父母工時長、鄰里關係不再、電子化生活等等，過份“個人化”、“自我中心”等等，形成一個個脆弱的心靈。

上列父母子女生活鏈，誰不慘？

樓主覺得只是少年、靑會踏上自毁的不歸路嗎？

樓主，請試打開報纸看，40歲有、50歲有、老人更甚。

可能，抗蝕力培養、人身心靈的分享、朋輩扶持和陪伴等等，更勝於說甚麼“Happy"和“谷”！

猴子爸

charger 發表於 18-12-19 10:01
睇來大家對趙先生冇乜信心    ！
雖然了解文章作者背景立場對理解詮釋其發佈之信息大有幫助，但 ...

但我又見到很多在幼稚園輕輕鬆鬆的，上到傳統學校跟不上，也是死路一條。

在幼稚園被谷的，上到傳統學校，小3開始，又有些被嫌棄腦袋被過早開發谷壞了。

天下之事，從來都在乎平衡。

過度輕鬆，過度開發，過猶不及。

charger

charger 發表於 18-12-19 10:01
睇來大家對趙先生冇乜信心    ！
雖然了解文章作者背景立場對理解詮釋其發佈之信息大有幫助，但 ...

睇到新聞學生（小學－大學）因學業壓力自殺，自己心都會驚一驚，會否今日的家長學童的辛勞會帶來明日的悲劇。唔加強訓練，入唔到好直私小學，冇世襲命，冇錢入國際學校，又唔甘心入普通官津校泯然于眾人，會內疚覺得自己未盡父母責任。
在小一的時候，回顧檢討一下為子女選擇的道路。各位的意見都是非常有價值的，給與我新的啟發。多謝！

charger

Grape_Chan 發表於 18-12-18 15:27
我都覺得佢係想帶出呢個意思

但上到小學想谷就唔會谷壞0家咩？哈哈~ 一陣又會話: 「某些直資私名中學之高 ...

睇來大家對趙先生冇乜信心    ！
雖然了解文章作者背景立場對理解詮釋其發佈之信息大有幫助，但一睇到是某人的言論，就完全否定也容易做出錯誤的判斷。
小朋友的整體教育方向，是自3歲開始就根據家長既定的目標系統訓練催谷，或是給與小朋友自由度發展，暫時不介意成績功課，大人小朋友都輕鬆開心。係兩個好唔同的方向。結果也會有天淵之別。

Moonlight819

deco99 發表於 18-12-15 22:08
國外早有研究話小朋友過早識字寫字長期效果唔好，但都改變唔到香港幼教谷嘅現實
...

絶對是！

猴子爸

haihaimom 發表於 18-12-18 17:13
小學就頼幼稚園，中學就賴小學，總之成績唔好就唔關自己學校事

是的。错误，都是别人的；功劳，都是自己的。
谷坏左，是因为幼稚园的错；升中好，全是因为自己教得好。
毕业生在中学成绩差，是因为中学没有好好栽培；他们成绩好，是因为小学时基础打得好。

hkpapa852

貝珠 發表於 18-12-18 17:12
冇料可以寫，咪搵個角度寫。估唔到大家咁認真，正中下懷，下次東扯西扯，抽下水又一篇了。多謝咁多位幫佢ke ...

D流堅唔堅唔重要, 你信唔信亦唔緊要, 最緊要D書賣得又有人俾錢搵佢去講talk