面試結果不好的請進

超能爸爸

到了今天為止 K班已出了大部分結果 當然係不太理想
我報了14間K (5龍 2神 4券 3村) 唔計村校 只有1間學券學校的pm offer

回顧上年N班 因為我兒子比較內向 基本上面試係輸晒 但有幸也有一間N校收了
到了今年 上了幾個月N班 老師評價也不佳 說他我行我素 喜歡就做 不喜歡就不做
但基本上他不會搞事 甚至不用老師操心 最後原校只有waiting offer

論今年面試 以我兒子的內向我行我素性格
他竟然在大部分 group in 也有中上表現  有些面試 甚至乎是最好的一個
其實我已經很驚喜
我一直以為結果上會比上年好 但事實係差不多

其實 我們父母先會明白 兒子的優缺點
而不是那幾十分鐘 甚至幾分鐘的老師去肯定或否定我們的子女
看著我兒子今年有如此進步 我已很安慰和快樂

希望大家不要為面試得與失看得太重
學校上課只是一星期15小時 最重要反而是我們的身教
希望大家繼續努力去栽培子女 令他們快樂成長

mrs.3845

HAPPYBOBB 發表於 18-12-17 15:05
的確, 子女快樂成長好重要!   我女大部份N班同班同學上星期一已收到原校OFFER, 我女仲未有, 連校外生今天也 ...

咁你間幼兒園安排有點差

小菜豆

回覆 超能爸爸 的帖子

我都報咗14間,
原本覺得自己很怪獸家長, 辛苦小朋友走黎走去,不過而家睇返都是同小朋友一齊嘅經歷。

將來都係回憶之一。

超能爸爸

小菜豆 發表於 18-12-24 08:23
超能爸爸你囝囝group in 咁主動已經叻過好多小朋友，包括我囝囝。至於一對一唔望人， 好多兩歲小朋友都未 ...

其實可能撞中嗰兩次group in老師講動物(佢好鍾意動物)先咁有反應也試過group in講其他故事佢係冇反應的
我覺得每個小朋友也有自己的特質  你囝囝一定都有佢的長處
不過香港啲小朋友係慘架 咁細個要成日被啲唔識嘅人考佢
可能我去in咁多都有啲對佢唔住

小菜豆

超能爸爸 發表於 18-12-23 21:53
謝謝你 其實以我個仔內向性格 係group in佢竟然係冇問題 因為注意力不只在他一個人身上 所以次次都舉手答  ...

超能爸爸你囝囝group in 咁主動已經叻過好多小朋友，包括我囝囝。至於一對一唔望人， 好多兩歲小朋友都未識， 相信d老師都見慣，唔會得你囝囝冇禮貌

超能爸爸

蔣沁宜 發表於 18-12-23 19:55
超爸其實你IN了咁多間，你大慨會知面試期實只有兩種

謝謝你 其實以我個仔內向性格 係group in佢竟然係冇問題 因為注意力不只在他一個人身上 所以次次都舉手答 表現好好 我已經覺得他好叻反而一對一時 老師望住佢 佢就唔敢望住老師回答問題
縱然答到也可能被老師以為冇禮貌 我明白佢係怕陌生啫 不過老師就未必理解

現在我已有2個pm offers啦 謝謝你的提點

sibylyau

真係要平常心對待面試遊戲。
為人父母，我都不斷檢討自己係咪有乜地方自己做得吾好，希望可以改善從而令小朋友有所得著。大家努力💪🏻
有時我都諗我最心儀個間學校未必係最適合我囡囡，學校都係㨂緊覺得適合既小朋友同時學位又有限，所以先有waiting出現，未必係小朋友問題，學位少收生有限。只要有父母悉心教導同培養，相信小朋友去到邊都可以發光發亮

蔣沁宜

補充小小：像灣仔/籃田/鑽石山/靈糧堂這類型面試，一班小朋友分組坐低玩遊戲，然後幾個老師行黎行去，我個囝囝就最怕遇著這種面試，因為他總會被其中一、兩位特別sharp醒的小朋友搶去了老師的目光，我帶囝囝面試，這類型的面試手法可以話係全軍覆沒。

蔣沁宜

超爸其實你IN了咁多間，你大慨會知面試期實只有兩種


一種係大圍玩遊戲，老師逐個埋黎傾偈，而另一種就係好似正式會面咁，家長同小朋友正正式式單對單面試

如果你小朋友係內向，應該做下資料搜集再找一些面試不是大圍型式的面試，因為很容易被其他小朋友比下去。相反一對一的面試，我相信總有老師會欣賞你的小朋友。


是不是龍校/神校沒所謂，最重要是嗰間幼稚園面試時認定了你的小朋友




嚟緊第一輪入學登記後，再加油看看有什麼幼稚園有位適合你的小朋友吧

超能爸爸

cyyw 發表於 18-12-22 23:56
好多學校面試都問比現時pn程度深或k1嘅知識，我一見啲題目就知我小朋友答唔答到，對於著重小朋友當前知識的 ...

幼稚園係佢地開辦 所以佢點揀小朋友我都冇話可說反而我係睇自己小朋友既成長 盡量少同別人比較(盡量啦) 做好自己的身教
我好相信如果佢係叻嘅 條路會自己行出來
如果唔叻 就乖乖地做個好人
但叻唔叻都好 最重要係一家人健健康康 開開心心 就夠了

cyyw

好多學校面試都問比現時pn程度深或k1嘅知識，我一見啲題目就知我小朋友答唔答到，對於著重小朋友當前知識的學校，大b一定有絕對優勢。好似有間學校要問紫色，一個月前我小朋友答唔到，但依家就完全無問題。因為佢遲咗一個月先識就足以令學校reject佢。

有啲學校就hae in 你，你完全估唔到佢地以乜為準則。總之越見就越無奈，自信心就越低沉，見到我簡直唔想再去面試。

如果唔係因為幼稚園好影響小一升邊間，我情願佢原校直升，讀得開心就算了。但你又覺得孩子不止於此時，痛苦便開始。

mrstomato

超能爸爸 發表於 18-12-21 17:47
今日收到一個新offer  大家繼續努力

恭喜你
終於有offer
安心啦

janetnetnet

超能爸爸 發表於 18-12-21 17:47
今日收到一個新offer  大家繼續努力

恭喜晒，有追睇呢個post，好替樓主同小朋友開心

超能爸爸

今日收到一個新offer  大家繼續努力

超能爸爸

Yyt123 發表於 18-12-18 18:59
講得好好 尤其係媽媽 我記得上年n收第一封reject喊 到以家k 都係兩waiting 兩reject 心臟已經強大好多了  ...

尋日又被rejected 我小朋友係天主教 我附近的幼稚園多數是基督教 但我填form時沒有隱瞞
因為我要身教 教小朋友做一個誠實的人 不過唔知對offer有冇影響

Yyt123

hiuwakelly 發表於 18-12-18 10:17
其實3歲以前的小朋友，成長發展的差異，大一個月就已經可以差很遠，所以好多熱門幼稚園都是偏向收大B。

...

講得好好 尤其係媽媽 我記得上年n收第一封reject喊 到以家k 都係兩waiting 兩reject 心臟已經強大好多了 身教真係最緊要

csc1016

piglover 發表於 18-12-18 13:47
本帖最後由 piglover 於 18-12-18 13:51 編輯

本帖最後由 piglover 於 18-12-18 13:47 編輯

很同意44樓說「其實3歲以前的小朋友，成長發展的差異，大一個月就已經可以差很遠」。如果覺得有個am位就代表係outstanding ，希望父母作為身教對象唔會令佢嘅下一代變成雙眼生喺額頭頂。事實上，目前嘅小學教育，應該全部都是全日制，而下午時段通常都活動或做功課為主，不會太學術性。點解有啲名幼or熱門幼稚園k2/k3全是下午，說穿了就是博家長貪名校而唔走，但問心係咪適合小朋友？我相信有部份家長真的不介意pm，可能方便他們自己家庭，又或者小朋友不慣早起身，但確實不多。

piglover

csc1016 發表於 18-12-17 21:17
根據你的邏輯，難道同一間學校，如果報全日同上午唔收就是小孩唔適合間學校，但下午班有位收就是適合間學 ...

本帖最後由 piglover 於 18-12-18 13:47 編輯

你不斷強調下午班不適合。 st cat K2全部係下午班，培正K3都係全部下午班，難道又唔適合嗎?小朋友係好易適應環境㗎。

永遠有人讀am，有人讀pm. 現實就係，outstanding D 嘅，就有優先權揀am offer.

ballpigma

超能爸爸 發表於 18-12-17 21:06
你一定好畀心機栽培你個小朋友
我個仔有讀N 但由N到K的interview也沒有過am offer 真係慚愧 ...

樓主, 你過獎了, 我地同你地一樣也是雙職父母, 我地暫時仲係假日父母


我相信個個家長也會

畀心機栽培自己仔女...我老公好忙, 所以選學校都係我自己親力親為, 壓力一定有, 好似自己見工一樣, 真係要有策略... 問題係而家D人一報就好多間學校, 所以競爭好大, 幾百人爭幾十個位, 有D係幾千人報名!!  亦好難好確切地斷定某間學校是否適合自己仔女,  特別好多

學校也

冇開放日冇簡介會, 官網資料又不多, 多是從"聽回來"的消息去決定報唔報名, 報熱門

學校就當去抽獎囉

, 所以唔收真係唔係小朋友問題, 好似某

熱門

學校叫小朋友用衣夾夾落張咭度, 講真個

衣夾我也要用力先夾到, 何況叫個小朋友去夾, 唔通夾唔到我就當個小朋友蠢咩

hiuwakelly

其實3歲以前的小朋友，成長發展的差異，大一個月就已經可以差很遠，所以好多熱門幼稚園都是偏向收大B。

父母一直收waiting or rejected 真的需要很強大的心理素質先可以輕鬆面對。 但其實小朋友咁細， waiting or reject 佢地真係唔識，佢地係無乜感覺的，所以父母更加要處理好自己的情緒，不要影響到小朋友。 講真就算細時了了，大時都未必佳，讀書一讀就十幾廿年，要小朋友喜歡上學才是幼稚園的主要目的。

家長只要想法正面，懂得欣賞自己的小朋友，注意身教，小朋友一定可以健康快樂成長。加油，我們的小朋友很需要父母的支持的。