一人一信致教育局局長, 嚴厲打擊用非自住地址申請大抽獎

skpun0317

家長們為小一學位已經勞心勞力, 需要作戰到最後等大抽獎的, 還有半年才有結果, 確實是一個煎熬.

作為家長, 只可以跟遊戲規則繼續玩下去...不忍看見有任何人, 違反規則, 報非自住地址申請大抽獎, 令某些校網承受更大的競爭. 包括: 借用朋友, 親戚或祖父母的地址, 或者租用空置劏房(非自用)或信箱等作申請大抽獎之用. 以非正式統計, 近年情況日益嚴重, 確不可再助長這些違規行為, 對真正當校網居住的家長及小朋友非常不公平, 希望教育局認真審視情況及嚴厲打擊虛報地址問題. 例如: 1) 檢視有否個別大廈或單位, 有不尋常多的申請. 2) 加強家訪或以神秘人形式到訪 3) 加重罰則, 除派位無效外, 作虛假聲明家長需要罰款或監禁 4) 鼓勵舉報

希望大家一人一信給教育局, 嚴厲打擊用非自住地址申請統一派位.


教育局局長 楊潤雄 先生, JP  [email protected]
香港灣仔皇后大道東213號胡忠大廈15 樓


謝謝大家.

simpson.chan

asukav6 發表於 18-12-15 17:39
似乎大家assume左面試係分高低，點解唔可以係學生家長學校互相了解的過程呢，k3學生識幾多野，面試根本主 ...

唔係assume, 而係事實上面試只有取錄/ 備取/ 拒絕 三個結果。 你係老師，好有愛，都係排priority。 咁點先公平？客觀標準： 學術 / 記憶/ 表達等等？  

如果以家長重唔重視子女去排，個個都會話重視，咁點排？秤秤下又會考慮埋家長背景等主觀/ stereotype因素。

所以面試要有量化客觀標準去排priority, 「愛」「重視」太主觀了，作為考慮一部分尚可，但排不了取錄先後。

asukav6

simpson.chan 發表於 18-12-15 17:28
2/3歲人仔無得谷，比較上只係識唔識自己行，有無扭計，識唔識出聲，怕唔怕生等等生理反應為主，最多睇埋之 ...

似乎大家assume左面試係分高低，點解唔可以係學生家長學校互相了解的過程呢，k3學生識幾多野，面試根本主要係學校要了解家長有幾重視仔女學習，你揀人時人揀你，而家大抽獎都冇得揀，一係谷到行考神校，一係就寶校，想入中游個Ｄ就要靠運，咁死得啦

simpson.chan

asukav6 發表於 18-12-15 14:00
本帖最後由 asukav6 於 18-12-15 14:04 編輯

咸魚青菜各有所好，當然要考神校催谷係少不免，個Ｄ家長由 ...

2/3歲人仔無得谷，比較上只係識唔識自己行，有無扭計，識唔識出聲，怕唔怕生等等生理反應為主，最多睇埋之前上咩playgroup, 有無初步群體經驗，認唔認得字母等等。 而1歲未到已經開始上playgroup就係惡性競爭之產物。

但5/6歳可以考深好多，唔多講了。

除非性格突出，或家庭教育做得好，否則係人人預先準備好既情況下，happy school都未必輪到無凖備既小朋友，因為面試始終都要分高下。

Soundervolt

Vanadium 發表於 18-12-15 17:13
當你再次咁firm講呢個結論時，我就諗有咩証據會令你咁 firm。

我咁問，就因為我認識既社會，唔似係你咁講 ...

升中、升大學、出呢工作又點同升小？升中起碼已經受過六年小學教育，能力已經喺六年當中得到肯定，用成績去區分唔同能力嘅學生可以集中資源去教育～幼稚園係學前教育，而且大部分受歡迎嘅幼稚園都係私校，自負盈虧有佢地嘅自己嘅選擇，所以我之前有講，要揀學生嚟教，應該轉為私校～

Soundervolt

Vanadium 發表於 18-12-15 16:54
裝備要咩資源，考間學校要咩裝備? 大量興趣班、補習班?

無論由小學校長、或我個人親戚朋友經驗，都講果啲 ...

「無論由小學校長、或我個人親戚朋友經驗，都講果啲用錢買返黎既portfolio，係考小學上係無咩用。」

呢個唔係有冇用嘅問題，係信唔信嘅問題，點解市場愈來愈呢類乜班物班，什麼盾什麼獎？就係因為家長只相信用呢尐方法去裝備自己子女，如果冇demand就唔會有supply，正如你所講呢尐方法冇用，所以小朋友喺冇選擇之下接受「多餘嘅超前教育」嘅受害者。

Vanadium

Soundervolt 發表於 18-12-15 15:08
呢個「超前教育」正正喺考學校搞出嚟！如果全部學校都係考，咁更加全民都會迫於無奈去參與呢個惡性競爭

當你再次咁firm講呢個結論時，我就諗有咩証據會令你咁 firm。

我咁問，就因為我認識既社會，唔似係你咁講。

大學全部都要考，咁係咪公開試全民都會好努力讀書? 相反我見唔返學、勁hea讀既都好多。

財富與成就大都要好努力先擁有，咁係咪因為咁全民都好努力咁工作同學習? 相反我見現今好多宅男宅女食父母。

如果學校大部份學位係面試考入，就突然會全民都谷?

幼稚園、中學(30%面試收生)、大學、工作，都係要面試或用實力考，全部都未見全民都谷，反而只要正常、恰當付出既大都搵到幾好，當然要入神校、神科，搵到神工既，難免會多啲壓力。

Vanadium

Soundervolt 發表於 18-12-15 15:08
冇資源去裝備嘅人機會只有愈來愈少

裝備要咩資源，考間學校要咩裝備? 大量興趣班、補習班?

無論由小學校長、或我個人親戚朋友經驗，都講果啲用錢買返黎既portfolio，係考小學上係無咩用。

就算一個攞綜援既家庭，可否有一個特別聰明伶俐既小朋友? 帶子女去圖館借書睇書使唔使錢? 細細個講故事、教子女禮貌、待人接物、生活態度要用錢? 教佢地簡單中文及數學，要好高學歷父母先做到? 去公園玩、比小朋友羣體合作，又要幾多錢?

我見公立圖書館好多父母同仔女長駐一齊睇書，我覺得呢幅圖畫非常美麗，但係唔使家庭使錢。

我就好有信心，只要父母係正常關心同教養兒女，唔使催谷，即使面試，已好多二線甚至一線學校唔介意收。

若子女教養唔好就咁快推落去無資源裝備，好容易忽略做父母本身係咪做得唔夠好，事實上，如神校St Paul Co Ed，都有學生係黎自好基層既平民。

Soundervolt

asukav6 發表於 18-12-15 13:45
同意！
以前我地果個年代，自行收生係學校面試，學校可以揀返岩佢地的學生，但而家連揀學生的權利都冇埋， ...

呢個「超前教育」正正喺考學校搞出嚟！如果全部學校都係考，咁更加全民都會迫於無奈去參與呢個惡性競爭，冇資源去裝備嘅人機會只有愈來愈少。

asukav6

simpson.chan 發表於 18-12-15 13:55
本帖最後由 simpson.chan 於 18-12-15 13:56 編輯

以前交通不發達，而家元朗坐西鐵去尖東不過25分鐘。  ...

咸魚青菜各有所好，當然要考神校催谷係少不免，個Ｄ家長由頭到尾已經預左係谷，但並唔係個個都中意神校，有Ｄ家長只係想揾間開心學習但又唔太差的學校，透過面試正正可以將呢Ｄ學生同學校配對，大家各得其所，但而家因為呢個大抽獎，搞到全民催谷！

其實而家考幼稚園制度幾好，大部分家長都揾到合適小朋友的學校，點解唔可以套用係小學。

simpson.chan

asukav6 發表於 18-12-15 13:45
同意！
以前我地果個年代，自行收生係學校面試，學校可以揀返岩佢地的學生，但而家連揀學生的權利都冇埋， ...

以前交通不發達，而家元朗坐西鐵去尖東不過25分鐘。 以前資訊沒現在發達，住屯門就考屯門，那有想過考男拔。

但我理解你所指，亦在此帖很早時間已提出全部小一interview，因比較少公平上的爭議； 但當然不能忽視必然更多更早催谷小朋友既惡果。 不能為贊成，而說全民interview不會帶來競爭循環，妄顧事實。

simpson.chan

Bighamster 發表於 18-12-15 12:03
其實，社會並不是非黑即白，天下不公事十之八九。涉及自身利益會出聲是人之常情，事不關己高高掛起亦不需要 ...

我之前提過，其實用勸說而非出賣親友，在發生前試解決問題。 舉報是下下策，而樓主建議增加偷雞者既成本，主要是收阻嚇作用。 因此整個帖也沒提出過居民糾察等。

而去到證據確鑿，舉報與否視乎個人價值觀。 不舉報別人又可說什麼。
但v會員般的人要緊記今日講完「我當然唔會舉報」，再醜化被影響之人後，不要再說什麼高尚教育理念，因十分嘔心。

asukav6

Vanadium 發表於 18-12-15 12:07
現在幼稚園全部自己interview收生，真係極少聽家長投訴，或造成催谷，大部份會關心子女之家庭都可透過inter ...

同意！
以前我地果個年代，自行收生係學校面試，學校可以揀返岩佢地的學生，但而家連揀學生的權利都冇埋，15分好20分又好，又係抽，根本同大抽獎冇分別，跟住一堆學校去轉直資私立，Ｄ家長又一窩蜂咁追捧，結果迫Ｄ小朋友k1開始做功課k2開始默書外加無數“興趣班”，就係為左考個Ｄ私立直資，跟住連本身唔想谷仔女個班父母為左避免抽中寶校，焗住又谷仔女考定私立直資做backup，成個制度根本就係大抽獎最出事，最需要改革就係廢左個大抽獎！

Vanadium

現在幼稚園全部自己interview收生，真係極少聽家長投訴，或造成催谷，大部份會關心子女之家庭都可透過interview揀到心儀或可接受幼稚園，就算最後唔得既亦心甘命抵。

如果有日教育局又發神經，強制所有資助幼稚園抽籤入學，再分細區一定要讀附近幼稚園，但同時又容許私立幼稚園自行面試不分區收生.....

99.99%肯定，催谷立即發生，個個會因附近無心儀學校，或避抽獎既"寶校"，勁要保證小朋大入到私立幼稚園而大量催谷。而心儀學校係隔離村既家庭，又考唔到私幼既，又要搞搬屋或虛報........一片混亂。

然後，因有催谷，部份人話所以支持抽獎。

政府好心做壞事已好多次，抽獎可能先係「超前教育」原兇。

Bighamster

其實，社會並不是非黑即白，天下不公事十之八九。涉及自身利益會出聲是人之常情，事不關己高高掛起亦不需要重重譴責，畢竟不是什麼人命關天大事。問我既話，我寧願政府用資源去查濫用公屋綜援，果啲先係民生。講到為子女做榜樣而出賣親友，恕我不敢苟同！

過路人無聊搭嘴，你們繼續同埋樓主唔好誤會，雖然我同你的觀點有距離，但我絕對無反對你一人一信，good luck to you！