哥哥唔想細佬揀佢間中學, 你地點睇?

bongbongmum

哥哥今年中一,細佬今年小六, 就快要揀中學, 哥哥講明話唔想細佬揀佢間學校, 佢地兩兄弟弟只差一年零几個月,由細到大都好close,好好感情的,小學理所當然同一間學校.哥哥都好照顧細佬.

但哥哥有咁諗法, 我地兩公婆諗可能因為哥哥本身性格好獨立,好有主見,上左中學好多野忙,想自由d,唔想再成日有個細佬要顧住.因為細佬本身好倚賴人,好多野都係爸爸/媽咪/仲有哥哥同佢安排,傍住佢.

好彩係細佬無介意哥哥咁諗,我同細佬講,”分開讀書都好,你可以學下獨立.我仲會揾間更加適合你既學校”. 細佬成績其實好過哥哥,可以有其他高一點banding學校選擇.

不過有其他細佬同學家長問起細佬係咪揀返哥哥間中學,我同人講唔會, 佢地都几大反應. 我只係輕輕帶過,話細佬有其他更加適合既選擇 (話哥哥唔鐘意好似唔多好…)

我老公好傳統,除非唔啱banding派唔到位,否則兩個仔同一間中學讀書好似理所當然 (方便照應, etc), 既然哥哥咁介意,我自己覺得由中學將佢地分開,各自發展都未必係壞事.

兩個仔學校d野,由細到大我都係我全權負責,所以佢地分開讀書, 將來都係由我去面對,處理兩邊大大小小的事.

little_yolky

bongbongmum 發表於 18-11-27 12:17
你誤會了,我係傾向為細佬揀另一間更加合適學校,只係佢地爸爸覺得兩兄弟理所當然要繼續讀同一間學校,其他人 ...

慣常做法係按各人程度揀選合適既學校。

但我知有D家長, 為咗方便夾旅行時間, 而選擇兩個同一學校的。

josewing

回覆 洋蔥頭媽咪 的帖子

我都期待著他獨立自主的一天, 我都見佢有班群組group, 都係同學吹水多, 學術交流就真係唔覺有。

babych

b3410 發表於 18-11-28 12:56
我反而希望佢哋不同學校。因為不同學校都有自己擅長的科目，可以互相借鑑一下，取長補短。 ...

我俩個係孖仔,升中时佢哋兩個都表明唔想同一間中學，最後佢哋都係一人一間，平時佢嘅感情好好,而家日日都會講學校啲嘢。

asdflive

小學就話方便接送姐，中學除左可以執二手校服同書之外，我諗唔到有乜好處，唔通第時兩兄弟揀埋同一間公司做咩！

b3410

洋蔥頭媽咪 發表於 18-11-27 19:52
去到中學你想跟都未必跟倒。我兩個仔中學都唔同學校，最紧要啱佢地讀得開心，大個仔自己的事自己負責，佢哋 ...

我反而希望佢哋不同學校。因為不同學校都有自己擅長的科目，可以互相借鑑一下，取長補短。

洋蔥頭媽咪

josewing 發表於 18-11-28 10:07
回覆 洋蔥頭媽咪 的帖子

要呀，成日好多嘢放學同我商量， 唔識做嘅功課都會問我。 唔知係咪因為剛剛中一未 ...

或者你小朋友初升中要適應。
通常佢哋會同學間互問，同學間多數會有gp. 我仔可能成绩好所以都有同學功课唔識會問佢。佢地大大下就會有自己嘅圈子，唔會每事再同家長講架啦！

josewing

回覆 洋蔥頭媽咪 的帖子

要呀，成日好多嘢放學同我商量， 唔識做嘅功課都會問我。 唔知係咪因為剛剛中一未適應呢？

洋蔥頭媽咪

bongbongmum 發表於 18-11-27 13:04
哥哥上左中一後,我其實都無咩野跟, 應該係佢唔駛/唔比我跟了. 有咩野都係佢主動同我講我先要理, 問得太多 ...

去到中學你想跟都未必跟倒。我兩個仔中學都唔同學校，最紧要啱佢地讀得開心，大個仔自己的事自己負責，佢哋測驗/默書默啲乜我都唔太请楚lu  

Yanamami

bongbongmum 發表於 18-11-27 12:17
你誤會了,我係傾向為細佬揀另一間更加合適學校,只係佢地爸爸覺得兩兄弟理所當然要繼續讀同一間學校,其他人 ...

禁係呢度都有好多分开讀既例子，不妨用黎安撫下爸爸

TLHE

bongbongmum 發表於 18-11-27 12:17
你誤會了,我係傾向為細佬揀另一間更加合適學校,只係佢地爸爸覺得兩兄弟理所當然要繼續讀同一間學校,其他人 ...

明白，其實是否同校，视乎合適与否而已！我孩子2兄弟自小感情也好好，幼稚園及小学同校，中学就分開讀，也是因為弟弟成绩可以選更高banding, 而且哥哥中学的教学模式，不大適合弟弟。
分開学校後，他們反而更多话题，各自诉说自己的学校生活！
家長跟進方面，老实说，已升中一，除了放假，考試，家長日等日期不同外，其實也没有什麼複雜事项要跟進的哦！所以，是否同校根本就不重要哦

王家爸爸

goodmama2003 發表於 18-11-27 10:05
我當年又係咁, 家姐唔想我同佢同一間中學.

我以為男仔先會咁小學雞。

asweetmom

如果是外人跑來說你兒子不能選擇某校因為他兒子不想和你兒子同校，你會理會他嗎？

bongbongmum

ilyrd 發表於 18-11-27 09:21
好簡單,獨立個體,當如果冇亞哥,你會點樣安排細佬.所以要告知两兄弟,大家獨立個體,细佬亦有權讀亞哥學校,不 ...

因為亞哥讀緊果間係佢自己揀,係佢鐘意的,都係几好既學校,我咪支持佢揀,而家讀左几個月都佢都讀得几開心,證明間學校都好啱佢.佢性格外向,好動,有主見.好獨立

但細佬性格啱啱相反,好內向,聽教聽話,(可以睇成無主見,倚賴人),其實就算banding柤同,都有其他選擇.再加上可以揀高一banding的, 細佬選擇其實比較多.

我都會帶細佬去亞哥學校參觀, 亦已經去左几間banding高小小既學校參觀.12月中之後就會同佢商量下自行揀邊兩間.

asweetmom

ilyrd 發表於 18-11-27 09:21
好簡單,獨立個體,當如果冇亞哥,你會點樣安排細佬.所以要告知两兄弟,大家獨立個體,细佬亦有權讀亞哥學校,不 ...

說得好

ilyrd

bongbongmum 發表於 18-11-27 12:17
你誤會了,我係傾向為細佬揀另一間更加合適學校,只係佢地爸爸覺得兩兄弟理所當然要繼續讀同一間學校,其他人 ...

呢的係自私嘅諗法.

asweetmom

哥哥介意和弟弟同中學的真正理由是甚麼？

bongbongmum

洋蔥頭媽咪 發表於 18-11-27 12:29
中學啦仲要跟？要比啲空間佢哋學習、成長。

哥哥上左中一後,我其實都無咩野跟, 應該係佢唔駛/唔比我跟了. 有咩野都係佢主動同我講我先要理, 問得太多也唔可以呢, 明白青春期少年都係咁了...

最多簽下通告, 去下家長會呢d真係要家長做既野我先需要跟.

洋蔥頭媽咪

josewing 發表於 18-11-27 10:06
回覆 bongbongmum 的帖子

兩個仔不同學校， 如果媽媽仲要跟頭跟尾， 開頭好難跟喎， 始終兩間學校文化不同 ...

中學啦仲要跟？要比啲空間佢哋學習、成長。

bongbongmum

TLHE 發表於 18-11-27 08:25
樓主，既然弟弟有更合適又更高banding的中学選擇，何须勉強將2兄弟放在同一間中学呢？这个選擇，無関兄弟感 ...

你誤會了,我係傾向為細佬揀另一間更加合適學校,只係佢地爸爸覺得兩兄弟理所當然要繼續讀同一間學校,其他人又覺得我咁做唔係慣常做法, 因為好多家長自己/人地d仔女都係讀同一間中學,所以我先想上嚟問下大點睇.