分享下最失望的面試

cholewong29

今日去面試，老師問嘅每一條問題小朋友都應該識答，但小朋友特登玩，全部答老師唔識。

明明識都答唔識，唯有相信小朋友會自己揀學校，可能佢唔鐘意間學校啦

唉，出到黎失望到嘢都唔想講，又怕鬧佢影響佢下一個面試。

Kim23456

我個細女岩岩相反，幾次面試都係冇時停，有時唔係好聽老師指令，最後冇消息……不過都無計既，最緊要最後有學校收，小朋友又鍾意就得

Ca44

回覆 羊咩仔女 的帖子

我好同意,我覺得好多時只係我地做父母嘅一箱情願以為幫佢揀到最好嘅,但其實小朋友嘅表現先反映到佢鍾唔鍾意間學校,佢鍾意自然表現好

羊咩仔女

我也希望分享少少, 面試由11月頭至11月尾,

我囡囡在家很活潑, 經常發問, 但一到面試, 對住唔識既老師就唔出聲, 唔答, 甚至唔肯玩老師給的玩具

心想心儀的熱門學校必定落選, 那時, 也有一點點失落, 和心裡有點替阿囡抱不平

因為, 她只是比較慢熱啊!

後來, 一次面試, 到區內一間較不熱門的學校,

那天, 她竟然狀態甚好, 有問有答, 還肯拖著老師行, 很開心的樣子

現在想起來, 或者真的是緣份,

可能就是這間學校和老師給她舒服, 開心的感覺

結果, 囡囡真的被這間幼稚園取錄, 而其他的都不被取錄, 或只是備取生.

原來我們為她選學校的同時, 她也選了合適她的學校

希望來年, 她真的喜歡這間幼稚園, 讀得開心愉快

Amy_Baby_

其實最重要係小朋友同間學校有無緣份，佢得2歲幾，要完全聽指令好難，有時我會覺得依家既年代好似變左商業化，其實想搵間近屋企又返得開心既幼稚園姐，好似要過5關斬六將咁，心諗，咁細個就要參加呢d遊戲規則，莫講話要快樂童年，唔嚇驚都算偷笑(emoji)(emoji)‍♀️(emoji)(emoji)‍♀️

wonglouise

fadgare 發表於 18-11-16 20:18
其實有邊間收咪讀住先，唔好太介意啲名校收唔收。咁細個人仔睇到啲乜，好多都係揀主動有反應。但係佢哋細個 ...

岩呀咁細個，性格都未定型，後天都可以影響小朋友

Amymichelle

貓皮 發表於 18-11-10 22:29
其實我點都唔会失望，一個二歲幾人仔，去到新環境，有人問佢野，跟住又唔比喊，又要做好多任務，一如果問我 ...

Sad but true

fadgare

其實有邊間收咪讀住先，唔好太介意啲名校收唔收。咁細個人仔睇到啲乜，好多都係揀主動有反應。但係佢哋細個冇反應亦唔代表將來冇進步。我仔以前in K 0反應，嘢都唔講多句，而家咪又係好多嘢講。個個小朋友性格不同，慢慢來，身體健康已是無價。

agnesit

回覆 zbt 的帖子

如果佢咁安排係想試小朋友專唔專心，其實大可以一齊聽老師講故事書，而唔係咁lor，咁樣同table兩對小朋友，環境又嘈，好差。

agnesit

回覆 fakeplastictree 的帖子

我女12月中細b， 我地同table對家長都差不多係咁，結果當我女被in時成日不專心地望過去，真係好影響人，本身我女in一對一個d都算ok，但呢間真係搞到咩都唔肯做，唉。我都同意學校安排得太差，雖然知道佢有千幾人in，但一間有心既學校應該會慢慢in，而唔係安排到咁，老師趕住收工咁in，完全唔係傳說中話會引導小朋友，比我感覺耐性不夠。

zbt

fakeplastictree 發表於 18-11-12 17:37
我分享一個十分意外的經歷，都好令我失望。
我個仔好怕醜，11月尾出生的細B，所以我本沒有甚麼期望。

我女面試时，同桌個男仔不时伸手攞我女面試玩具，仲搶答，好討厭 。

fakeplastictree

我分享一個十分意外的經歷，都好令我失望。
我個仔好怕醜，11月尾出生的細B，所以我本沒有甚麼期望。

去一間大窩口的熱門學券幼稚園面試，純粹試下，讓他感受一下。

入課室，家長陪細路坐，玩玩具等老師來問問題。
我枱得我們和另一個女孩和她的媽媽。

老師問他們先。
問我們的時間，那媽媽和個女玩得好大聲，阿媽有玩到舉起手的動作，
我仔一聽到咁大聲，就望實佢地，沒有理會老師，我都忍不住叫我仔專心d,
我仔聽到他們幾聲大聲玩樂，都被吸引過去，連老師都笑笑口說他們玩得好開心喔

我唔敢講他們刻意那樣玩，可能他們都不知道會影響別人。

但我好失望。期望學校應該安排好d。

利申，他們面試時，我們很細聲的玩，甚至由我仔自己玩。

yying829

一個大人係陌生既環境好好表現唔係件容易既事，少不免會緊張或其他因素而失準，何況係2歲既小朋友呢？鬧佢唔單只幫唔到件事，而且會令佢抗拒面試，更加發揮唔到表現

bossini888

唔駛失望，教育局D規則都好荒謬，因為呢排面試小朋友，年齡係1歲11個月至两歳11個月，小朋友相差一個月都唔同，有咩好考，冇D準則。每間幼稚園收60-70人，間間都200幾人報，村里面有5間幼稚園，又咪果班家長報，佢地一定收生不足。最重要係我個女對佰生人怕醜，答題時冇反應，2歳一個月女仔，順其自然 啦

xoshan1025

celiakuen 發表於 18-11-10 16:55
回覆 Redbean88 的帖子

Oh yes!

可以比少少提示邊間嗎？

empressbo

rubywylam 發表於 18-11-11 09:24
本帖最後由 rubywylam 於 18-11-11 09:24 編輯

我昨日in民生，我都好失望，因為阿女谷便便去唔到，唔肯 ...

完全明白你心態！我老公都係咁講，話唔好因為面試而唔開心，睇嚟日後讀書嘅路作為媽媽都要好好咁學識調整心態！

yeeling0101

jaagor 發表於 18-11-11 09:58
本帖最後由 jaagor 於 18-11-11 09:59 編輯

唔洗灰心，我上年考PN都曾經有一間好心儀嘅某名幼，試過做 ...

Yes，要相信孩子，我女上年考pn一樣，in4間，3間有offer , 1間waiting, 我地就揀左佢in得最合作，最叻個間(個日in真係outstanding, 全程坐定好開心，自己泊櫈，仲見到有老師無泊櫈，幫老師泊埋)雖然唔係名幼，但 依加讀左3個月，返學無喊過，日日自己話做功課，講野由delay變合格再俾老師話駁嘴，仲日日話要返學。如果無龍幼offer, 我都會俾佢繼續讀。
信任孩子，佢地會自己揀最適合自己條路

Eggwong88

其實真係無人知收生標準，我面試果日，一入到課室，個老師望都冇望就將份表反轉放入個筲箕入面，跟住同2個小朋友面試，我個囡係細b我亦唔期望佢可以對答如流，果然佢真係乜都唔答老師。。哈， 最後我都打定輸數。

jaagor

rubywylam 發表於 18-11-11 09:24
本帖最後由 rubywylam 於 18-11-11 09:24 編輯

我昨日in民生，我都好失望，因為阿女谷便便去唔到，唔肯 ...

唔洗灰心，我上年考PN都曾經有一間好心儀嘅某名幼，試過做咗好多嘢包括上佢PG、考齊K1同PN同埋寫咗N咁多封求位信都唔收兼音信全無。

當時好失望，最後讀咗屋企附近一間唔錯嘅PN，結果阿女鍾意返學又短短幾個月進步好大，再戰K1面試而家收到更心儀、更符合我理念、教學模式更適合阿女嘅龍校offer。就算間名幼而家俾返K1 offer我，我都唔會要。

塞翁失馬，焉知非福，相信自己孩子，相信自己理念。

rubywylam

empressbo 發表於 18-11-10 15:29
你講得好好！尋日同我個仔（ 細b ）去咗in民生，其實本身都冇諗住話會得，因為係細B，但係唔知點解intervi ...

我昨日in民生，我都好失望，因為阿女谷便便去唔到，唔肯坐又唔肯答老師問題。明明識答但唔開口。
如你所說，預左係唔得（因為細b)，但仍心存期睇，望有一絲機會被揀到。最後阿女表現咁我都禁不住表現出失落。但我知道一切都整定。

事後我老公都話我唔岩，點解民生一定係最好？我地要相信阿女、支持阿女。